লূকে লেখ্যে গম্ হবর্ 12:23 - Chakma Bible

²³ জিংকানিয়ান্ বানা হানা-দানার্ বেপার নয়, আর কিয়্যেগান্ বানা কাবর-চুগরর্ বেপার নয়।

লূকে লেখ্যে গম্ হবর্ 12:23 ပူးပေါင်းရင်းမြစ်များ

পত্থম 19:17

বেক্কুনোরে নিগিলে আনানার্‌ পরেদি সে দ্বিজনত্তুন্‌ একজনে কলঅ, “বাঁজিবার্‌ চেলে ধেই যঅ। পিজেন্দি ন-চেবা আর এ সংজাগানর্‌ কনঅ জাগাত্‌ ন থামেবা। মুড়ো উগুরে ধেই যঅ; সিয়েন্‌ ন-গুরিলে তমাত্তুনো মরা পুড়িবো।”

ইয়োব 1:12

সেক্কে লগেপ্রভু শদান্‌নোরে কলঅ, “ঠিগ্‌ আঘে; তার্‌ যিয়েনি আঘে সিয়েনি তঅ আঢত্‌ দিলুঙ্‌, মাত্তর্‌ তা কিয়্যেগান উগুরে তুই এক্কো আঙুল ন-বাজেবে।” সেক্কে শদান্‌নো লগেপ্রভুর মুজুঙোত্তুন্‌ নিগিলি গেলগোই।

ইয়োব 2:4

শদান্‌নো কলঅ, “তা জীংকানিগান তাইদু পরাণর পরান; মানুচ্‌ নিজো পরাণান বাঁজেবাত্তে তার্‌ যিয়েনি আঘে বেক্কানি দিবো।

ইয়োব 2:6

সেক্কে লগেপ্রভু শদান্‌নোরে কলঅ, “ঠিগ্‌ আঘে; তারে তঅ‌ আঢত্‌ দিলুঙ্‌, মাত্তর্‌ তুই তারে পরাণে ন-মারিবে।”

গম্ উপদেজ্ 13:8

তাগোয়্যেবো তা ধনানিলোই নিজো পরাণান্ রোক্ষ্যে গরা পরে, মাত্তর্ নাঢা মান্‌জ্যরে কনজনে দর্‌বুক্ ন-লাগান্।

লূকে লেখ্যে গম্ হবর্ 12:22

ইয়েন পরেদি যীশু তা শিচ্চ্যগুনোরে কলঅ, ইয়েনত্যে মুই তমারে কঙর্, কি হেবা বিলি বাঁজি থানা পৌইদ্যেনে বা কি উরিবা বিলি কিয়্যেগান পৌইদ্যেনে চিদে ন-গোজ্য।

লূকে লেখ্যে গম্ হবর্ 12:24

কবাগুনো ইন্দি রিনি চঅ, তারা বীজ্-অ ন-ফেলান্ শোজ্যয়ো ন-কাবন্। তারার গুদোম্-ঘর্ বা গলাঘর্‌‌‌অ নেই; তো গোজেনে তারারে খাবায়। তুমি দঅ এ পেক্কুনোত্তুন্ আরঅ বেচ্‌ দামী।

প্রেরিত্‌ 27:38

বেক্কুনে পেট ভরে সং হেইনে পরেদি জাহাজর্ ভরান্ কমেবাত্যে বেক্‌ গমুন্ সাগরত্ ফেলেই দিয়্যে অলঅ।