লূকে লেখ্যে গম্ হবর্ 12:22 - Chakma Bible

²² ইয়েন পরেদি যীশু তা শিচ্চ্যগুনোরে কলঅ, ইয়েনত্যে মুই তমারে কঙর্, কি হেবা বিলি বাঁজি থানা পৌইদ্যেনে বা কি উরিবা বিলি কিয়্যেগান পৌইদ্যেনে চিদে ন-গোজ্য।

লূকে লেখ্যে গম্ হবর্ 12:22 ပူးပေါင်းရင်းမြစ်များ

লূকে লেখ্যে গম্ হবর্ 12:11

মান্‌‌জ্যে তমারে যেক্কে সমাজ ঘরত, শাসনগুরিয়্যে আর খেমতাবলা মানুচ্চুনো ইধু নেযেবাক্, সেক্কে কিবাবোত্যেগুরি নিজো পক্ষে কধা কবা বা কি জোব্ দিবা সে পৌইদ্যেনে চিদে ন-গোজ্য।

লূকে লেখ্যে গম্ হবর্ 12:23

জিংকানিয়ান্ বানা হানা-দানার্ বেপার নয়, আর কিয়্যেগান্ বানা কাবর-চুগরর্ বেপার নয়।

লূকে লেখ্যে গম্ হবর্ 12:29

কি হানা-দানা গুরিবা চিদে-চজ্জা গুরিনে বেস্ত ন-ওয়ো বা থির্ নেইয়্যে ন-ওইয়ো।

১ করিন্হীয় 7:32

মুই চাং যেন তুমি চিন্তে ভাবনাত্তুন্ মুক্ত থেই পারঅ। গাবুজ্যে মানুচ্‌ প্রভুর্ পৌইদ্যেনে চিন্তে গরে; তে চিন্তে গরে কেধোক্ক্যেন গুরিনে তে প্রভুরে হুজী গুরিবো।

ফিলিপীয় 4:6

কনঅ বেপার্‌লোই চিন্তিত ন-ওইয়ো, বরং তমার বেক্‌ মাগানার্ বেপারানি ভালেদি জানেইনে গোজেনরে জানঅ।

ইব্রীয় 13:5

টেঙা-পৌইজ্যের্ লুভোত্তুন্ নিজোরে দূরোত্ রাগঅ। তমার্ যিয়েনি আঘে সিয়েনিলোই হুজি থাগঅ। গোজেনে কোইয়্যেদে, “মুই কনদিন্অ তরে ফেলেই ন-যেম্ বা কনদিন্অ তরে বাদ্ ন-দিম্।”