লূকে লেখ্যে গম্ হবর্ 12:18 - Chakma Bible

¹⁸ থিগ্ আঘে, মুই এক্কান কাম্ গুরিম্। মর্ গলাঘরানি ভাঙিনে দাঙর্ দাঙর্ গলাঘর্ বানেম্ আর মর্ বেক্‌ শোজ্যগুন আর ধনুন্ সিধু থোম্।

লূকে লেখ্যে গম্ হবর্ 12:18 ပူးပေါင်းရင်းမြစ်များ

গীতসংহিতা 17:14

ও লগেপ্রভু, সেই মানুচ্চুনোর্ আঢত্তুন, দুনিয়ে মানুচ্চুনো আঢত্তুন, তুই নিজো আঢে মঅ পরানান্ বাঁজা। তারার এ বক্‌শিষ্‌ছানি এ জগদত্ আঘে- তর্ ধন-সোম্বোত্তিগানিলোই তারার পেট ভরে, তারার্ পুয়ো-ছাগুন সয়-সাগোজ্যে অন্, পুয়ো-ছাগুনোত্তে তারা তারার্ ধন-সোম্বোত্তিগানি থোই যান্।

মথি লেখ্যে গম্ হবর্ 6:26

আগাজ পেক্কুনো ইন্দি রিনি চঅ; তারা বীজি ন-ফেলান্, ন-কাবন্, গোলাঘরত্অ ন-থুবোন্, আর তো তমা স্বর্গর বাপ্পো তারারে হাবেই থায়। তুমি কি তারাত্তুন্অ বেশ্ আরঅ দামী নয়?

লূকে লেখ্যে গম্ হবর্ 12:17

ইয়েনত্যে তে মনে মনে কুয়ো ধল্ল, এদক্ শোজ্য থবার্ জাগা দঅ মর্ নেই; ইক্কিনে মুই কি গুরিম্?

লূকে লেখ্যে গম্ হবর্ 12:19

যেরেদি মুই নিজোরে কোম্, ভালোক্ বজরত্তে সয়-সাগোজ্যে গম্ গম্ জিনিচ্‌ থুবেইয়্যে আঘে। আরাম্ গরঅ, হানা-দানা গরঅ, রঙ্গ-ফুত্তিয়ে দিন কাদঅ।

লূকে লেখ্যে গম্ হবর্ 12:21

যেরেদি যীশু কলঅ, “যে মানুচ্চো নিজোত্যে ধন-সোম্বোত্তি থুবোয় অদচ গোজেন চোগেদি তাগোয়্যে নয়, তা অবস্থা সেবাবোত্যে অয়।”

লূকে লেখ্যে গম্ হবর্ 12:24

কবাগুনো ইন্দি রিনি চঅ, তারা বীজ্-অ ন-ফেলান্ শোজ্যয়ো ন-কাবন্। তারার গুদোম্-ঘর্ বা গলাঘর্‌‌‌অ নেই; তো গোজেনে তারারে খাবায়। তুমি দঅ এ পেক্কুনোত্তুন্ আরঅ বেচ্‌ দামী।

লূকে লেখ্যে গম্ হবর্ 18:4

সেই বিচেরক্কো কয়েক্ দিন সং কিচ্চু ন-গুরিলো। মাত্তর্ জেরেদি তে মনে মনে কলঅ, ‘যুনিয়ো মুই গোজেনরে ন-দরাং আর মান্‌জ্যরেয়ো গ্রাজ্য ন-গরং,

লূকে লেখ্যে গম্ হবর্ 18:6

ইয়েন পরেদি প্রভু আরঅ কলঅ, “ন্যায়বিচেরগ্ ন-অলেয়ো তে কি কোইয়্যে সিয়েন্ ভাবি চঅ।

যাকোব 3:15

এবাবোত্যে জ্ঞান স্বর্গত্তুন্ লামি ন-এজে, বরং পিত্‌থিমীর্, ভান্ন্যেই আওজর্ আর ভান্ন্যেই আত্মাগুনো সমারে তার্ উদোন্ বজন্;

যাকোব 4:13

তমাত্তুন্ কেঅ কেঅ কোই থান্, “এচ্চ্যে বা কেল্ল্যে আমি অমুক্ শঅরত্ যেইনে এক বজর্ কাদেবং আর সিধু বেবসা গুরিনে লাভ্ গুরিবোং।”

যাকোব 4:15

তাত্তুন্ বরং তমার এ কধাগান্ কনা উজিত্, “প্রভু যুনি আওজ্ গরে সালে আমি বাঁজি থেবং আর ইয়েন বা উবোন্ গুরিবোং।”