লূকে লেখ্যে গম্ হবর্ 12:10 - Chakma Bible

¹⁰ মান্‌জ্যপুয়োবোর্ বিরুদ্ধে কেঅ কনঅ কধা কলে তারে ক্ষেমা গরা অবঅ, মাত্তর্ যুনি কেঅ পবিত্র আত্মার্ বিরুদ্ধে অগমানর্ কধা কয় তারে ক্ষেমা গরা ন-অবঅ।

লূকে লেখ্যে গম্ হবর্ 12:10 ပူးပေါင်းရင်းမြစ်များ

লূকে লেখ্যে গম্ হবর্ 23:34

সেক্কেনে যীশু কলঅ, “বাহ্, ইগুনোরে ক্ষেমা গর্, কিয়া ইগুনে কি গত্তন্ সিয়েন কোই ন-পারন্।” তারা চাম্বা চেইনে যীশুর লাম্বা সিলুম্মো নিজো ভিদিরে ভাগাভাগি গুরি নিলাক্।

১ তীমথিয় 1:13

যুনিয়ো মুই আগে খ্রীষ্টরে বদ্‌নাঙ গত্তুং আর অত্যেচারী আহ্ ভান্ন্যেইরাগী এলুং তো মরে তে এ কামত্ বেঈ লোইয়্যে। মরে তে দোয়্যে গোজ্জ্যে, কিয়া মর্ অবিশ্বেজত্যে মুই হবর্ ন-পেইনে সিয়েনি বেক্কানি গত্তুং।

১ যোহন 5:16

যুনি কেঅ তা ভেইয়োরে এন্‌ গুরি পাপ গত্তে দেগে যিয়েন মরেদে ধোক্ক্যেন নয়, মাত্তর্ তে গোজেন ইধু মাগি চেবঅ আর সেক্কে তে তারে বাজেই রাগেব। মুই ইয়েনত্ তারা কধা কঙর্ যিগুনে পাপ গত্তন্ অদচ তারার্ পাপ্পানি মরেদে ধোক্ক্যেন নয়। মাত্তর্ মরেদে ধোক্ক্যেন পাপ্অ আঘে। সে পৌইদ্যেনে কোজোলি গুরিবার কধা মুই তমারে ন-কঙর্।