লূকে লেখ্যে গম্ হবর্ 11:9 - Chakma Bible

⁹ “ইয়েনত্তে মুই তমারে কঙর্, চঅ, তমারে দিয়্যে অবঅ; তগঅ, পেবা; দোরানত্ বাজ্জ্য, তমাত্তে খুলো অবঅ।

লূকে লেখ্যে গম্ হবর্ 11:9 ပူးပေါင်းရင်းမြစ်များ

গীতসংহিতা 118:5

মুই দজাত্ পড়িনে লগেপ্রভুরে ডাগিলুং; তে মর্ ডাগনিলোই তে ইজিরে দিইনে এক্কান মেলা জাগাত্ মরে নিগিলেই আনিলো।

গীতসংহিতা 27:4

লগেপ্রভুর ইদু মুই এক্কান কোজোলী গরঙর্; মুই যিয়েন্ চাঙর্ সিয়েন্ অলদে- মুই সারা জিংকানিগান যেনে লগেপ্রভুর ঘরত্ বজত্তি গুরি পারং, যেনে মুই তার্ দোলান্ চেই পারং আর সেই থেবার ঘরানত্ তা বেপারান্দোই ধ্যান গুরি পারং;

গীতসংহিতা 27:8

মর্ মনানে তর্ এ কধাগান কত্তে, “তুমি মরে ডাগ।” ও লগেপ্রভু, সেনত্তেই মুই তরে ডাগিম।

গীতসংহিতা 34:10

দামারা সিংহগুনোর্ হানার অভাব অয়, তারা পেত্‌ফরায় দুঘ্ পান্; মাত্তর্ যিগুনে লগেপ্রভুর আওজ্ মজিম চলন্ তারার্ ভালেদির্ অভাব ন-অয়।

গীতসংহিতা 34:4

মুই লগেপ্রভুরে ডাগিলুং, তে মঅ ডাগনিলোই ইজিরে দিলো; মর্ বেক্ দর্‌বুগোত্তুন তে মরে উদ্ধোর্ গুরিলো।

গীতসংহিতা 50:15

তর্ দযার্ দিনুনোত্ তুই মরে ডাগিচ্; মুই তরে উদ্ধোর্ গুরিম আর তুই মরে সর্মান গুরিবে।”

পরমগীত 5:6

মঅ পরাণ্যেত্তে মুই দোরান্ খুলিলুং, মাত্তর্ মঅ পরাণ্যে ন-এলঅ, যেয়েগোই। তে যেক্কে কধা কোইয়্যে সেক্কে দুঘে মঅ মনান্ গুলি যেইয়্যে। মুই তারে তোগেলুং, মাত্তর্ ন-পেলুং; মুই তারে ডাগিলুং, মাত্তর্ তে শমক্ ন-দিলো।

যিশাইয় 45:19

কনঅ আন্ধার দেজর্ কনঅ জাগাত্তুন্ মুই গুমরত্ কধা ন-কং। যাকোবর বংশবোরে মুই ন-কং, তুমি মিজে মিজে মরে ডাগঅ। মুই লগেপ্রভু ন্যায্য কধা কং; যিয়েন ঠিগ্ সিয়েনই ফগদাং গরং।

যিরমিয় 29:12

সেক্কে তুমি মরে ডাগিবা আর মইধু এইনে তবনা গুরিবা, আর মুই তমা কধানি শুনিম।

যিরমিয় 33:3

মরে ডাগ্, মুই তরে জোব্ দিম আর এমন মহৎ আর এমন গুমুরো কধা কোম্ যিয়েনি তুই হবর্ ন-পাজ্।

দানিয়েল 9:3

সেনত্তে মুই উবোস্ থেইনে, বস্তা পাদা পিনিনে আর ছেই মিগিনেই কোজোলী আর আওজে প্রভু গোজেন ইধু তবনা গুরিলুং।

মথি লেখ্যে গম্ হবর্ 21:22

তুমি যুনি বিশ্বেজ্ গুরিনে তবনা গরঅ সালে তুমি যিয়েন্ চেবা সিয়েনই পেবা।”

মথি লেখ্যে গম্ হবর্ 21:31

এই দ্বিজন ভিদিরে কন্না বাব আওজ্‌চান পালন গল্ল?” সেক্কে ধর্ম-নেতাগুনে জোব্ দিলাক্, “পত্তম্ মানুচ্চো।” যীশু তারারে কলঅ, মুই তমারে ঘেচ্চেকগুরি কঙর্, খাজানা-দিয়্যেগুনে আর বেশ্যেগুনে তমা আগেদি গোজেন রেজ্যত্ সমদন্,

মথি লেখ্যে গম্ হবর্ 6:29

মাত্তর্ মুই তমারে কঙর্, শলোমন রাজা এদক্ সয়-সাগোজ্যে ভিদিরে থেইনেয়ো ইগুনোর্ এক্কো ধোক্ক্যেন্অ তে নিজোরে সাজেই ন-পারে।

মার্ক 11:24

সেনত্তে মুই তমারে কঙর্, যেক্কেনে তুমি তবনা গরঅ আর কিজু চঅ, বিশ্বেজ্ গোজ্য তুমি সিয়েন পেইয়ো, আর তমাত্তে সিয়েন দিয়্যে অবঅ।

মার্ক 13:37

তমারে যিয়েন কঙর্ সিয়েন বেক্কুনোরে কং, জাগি থাগঅ।”

লূকে লেখ্যে গম্ হবর্ 11:10

যিগুনে চান্ তারা পত্তিজনে পান্; যে তগায় তে পায়; আর যে দোরোত্ বাজ্জেই তাত্তেই দোরান্ খুলো অয়।

যোহন 14:13

তুমি মঅ নাঙে যিয়েনি মাগিবা সিয়েনি মুই গুরিম্, যেন বাবা মহিমাগান্ পুয়োবোর্ মাধ্যমে ফগদাং পায়।

যোহন 15:16

তুমি মরে বেঈ ন-লঅ, মাত্তর্ মুয়ই তমারে বেঈ লোইনে কামত্ লাগেয়োং যেন তমা জিংকানিত্ গুলো ধরন্ আর তমার্ সেই গুলোগুন্ যেন থিগি থায়। সালে মঅ নাঙে বাবা ইধু যিয়েনি মাগিবা সিয়েনি তে তমারে দিবো।

যোহন 15:7

যুনি তুমি মঅ সমারে থাগঅ আর মঅ কধানি তমা মনত্ থায় সালে তমার্ যিয়েন আওজ্ সিয়েন চেইয়ো; তমাত্যে সিয়েন গরা অবঅ।

যোহন 4:10

যীশু সেই মিলেবোরে জোব্ দিলো, “তুই যুনি কোই পাত্তে গোজেন দানান্ কি আর কন্না তত্তুন্ পানি মাগের্ সালে তুয়ই তা ইধু পানি মাগিদে আর তে তরে জেদা পানি দিদো।”

রোমীয় 2:7

যিগুনে ধৈজ্জ্য ধুরিনে গম্ কাম্ গরন্ গোজেনত্তুন্ বাঈনী, সর্মান আর ভস্ত ন-ওইয়্যে জিংকানি পেবাত্তে চান, গোজেনে তারারে উমর জিংকানি দিবো।

২ করিন্হীয় 6:2

গোজেনে পবিত্র বোইবোত্ কোইয়্যেদে, “যগাজ্যে গুরি মুই তঅ কধা শুন্ন্যং আর পাপত্তুন্ উদ্ধোর্ পেবার্ দিনোত্ মুই তরে সাহায্য গোজ্জ্যং।” চাহ্, ইক্কিনে যগাজ্জ্যে সময়, এইচ্চ্যে উদ্ধোর্ পেবার্ দিন।

ইব্রীয় 11:6

বিশ্বেজ্ বাদে গোজেনরে হুজি গরানা অসম্ভব, কিয়া গোজেন ইধু যে যায়, তাত্তুন্ বিশ্বেজ্ গরা পরিবোদে, গোজেনে আঘে আর যিগুনে তার্ আওজ্ মজিম চলন্ তারা তা আঢত্তুন্ তারার্ পাওনা পান্।

ইব্রীয় 4:16

সেনত্যে এজঅ, আমি সাহচ্‌ গুরিনে গোজেনর্ দোয়্যের্ সিংহাসন মুজুঙোত্ উজেই যেই, যেন দরকার মজিম সিয়েনত্তুন্ আমি তার্ মেয়্যে আর দোয়্যে পেই পারিই।

যাকোব 1:5

তমা ভিদিরে যুনি কারঅ জ্ঞানর্ অভাব থায় সালে তে যেন গোজেন ইধু সিয়েন মাগে, আর গোজেনে তারে সিয়েন দিবো, কিয়া তে তোচ্চ্যে ন-পেইনে পত্তিজনরে জদবদে দান গরে।

যাকোব 5:15

বিশ্বেজ্‌‌বলা তবনাগানে সেই অসুখ্যে মানুচ্চোরে গম গুরিবো; প্রভুই তারে গম গুরিবো। তে যুনি পাপ গুরি থায় সালে গোজেনে তারে ক্ষেমা গুরিবো।

১ যোহন 3:22

সিয়েনত্যে আমি যিয়েনি মাগিবোং সিয়েনি তাত্তুন্ পেবং, কিয়া তে যেদক্কানি উগুম দিয়্যে সিয়েনি আমি পালন গুরিই আর তে যেদক্কানি কামত্ হুজি অয় আমি সিয়েনি গুরিই।

ফগদাং পেইয়্যে 2:24

ও থুয়াতীরার মানুচ্চুন্, তুমি যিগুনে সেই শিক্ষ্যে মজিম ন-চলঅ আর যিবেরে শদানর্ সেই গভিন্ শিক্ষ্যে কুয়ো অয় সিয়েন কোই ন-পারঅ, তমারে মুই কঙর্: তমা উগুরে মুই অন্য কনঅ ভার্ ন-দিম।