লূকে লেখ্যে গম্ হবর্ 11:7 - Chakma Bible

⁷ সেক্কে ঘর ভিদিরেত্তুন্ তা দাংগুবো জোব্ দিলো, মরে দুঘ্ ন-দিচ্। দোরান্ ইক্কিনে বন্ধ আর মঅ ঝি-পুয়োগুনে বিচ্চোনত্ মঅ লগে ঘুম যাদন্। মুই উদিনে তরে কিচ্চু দি-ন-পারিম্।

লূকে লেখ্যে গম্ হবর্ 11:7 ပူးပေါင်းရင်းမြစ်များ

পরমগীত 5:3

মুই মনে মনে কলুং, “মঅ পোজাক্কান্ মুই হুলি ফেল্যং, কেধোক্ক্যেন্ গুরিনে আরঅ সিগুন্ উরিম্? মুই মঅ টেঙান্ ধোইয়োং, কেধোক্ক্যেন্ গুরিনে সিয়েনি আর কজরা গুরিম্?”

মথি লেখ্যে গম্ হবর্ 25:10

সেই বুদ্ধিনেইয়্যে মিলেগুনে যেক্কে তেল্ কিনিবাত্তে গেলাক্ সেক্কে জামেইবো লুমিলো। সেক্কে যে মিলেগুনে যুক্কোল্ এলাক্ তারা জামেইবো সমারে মেলা ঘরত্ গেলাক্। তারা বেক্কুনে ভিদিরে সমানার্ পরেদি দোরান্ নাঢি দিয়্যে অলঅ।

লূকে লেখ্যে গম্ হবর্ 11:6

মর্ এক্কো দাংগু পধেদি যাদে যাদে মইধু এইচ্চ্যে। তারে হানা দিবার্ মর্ কিচ্চু নেই।

লূকে লেখ্যে গম্ হবর্ 11:8

মুই তমারে কঙর্, তে যুনি দাংগু ইজেবে উদিনে তারে কিচ্চু নয়ো দে, তো মানুচ্চো বার্‌বার্ কোজোলী গরের্ বিলি তে উদিবো আর তার যা দরকার্ সিয়েনি তারে দিবো।

লূকে লেখ্যে গম্ হবর্ 13:25

ঘর গিরোজ্‌সো যেক্কে উদিনে দুয়োরান্ বানিবো সেক্কে তুমি বারেদি থিয়্যেইনে দুয়োরানত্ বাজ্জ্যেদে বাজ্জ্যেদে কবা, প্রভু, আমাত্যে দুয়োরান্ খুলি দে। মাত্তর্ তে তমারে এ জোব্‌পান দিবো, তুমি কুত্তুন্ এচ্চ্য মুই কোই ন-পারং।

লূকে লেখ্যে গম্ হবর্ 7:6

সেক্কে যীশু তারা সমারে গেলঅ। তে সেই ঘর কায়কুরে লুমোনার্ পরেদি সেই সেনাপতিবো তা সমাজ্যেগুনোরে দিইনে কোই পাধেল, “প্রভু, আর্ দুঘ্ ন-গুরিচ্, কিয়া তুই যে মঅ ঘরত্ সোমেবে সিয়েনর্ যগাজ্যে মুই নয়।

গালাতীয় 6:17

শেজদি কং, কেঅ মরে দুঘ্ ন-দোক্, কিয়া যীশুর্ আঘাতর্ চিহ্নোগান মুই মঅ কিয়্যেগানত্ ভুগিনে লোই বেড়াঙর্।