লূকে লেখ্যে গম্ হবর্ 11:52 - Chakma Bible

⁵² “ধর্ম-মাষ্টরুন তমাত্যে কত্তমান দর্‌গরেপারা! তুমি জ্ঞানর্ চাবি নেযেয়ো। নিজেয়ো ভিদিরে ন-সমঅ আর যিগুনে ভিদিরে সুমিবাত্তে চেইয়োন্ তারারেয়ো সোমেবাত্তে ন-দুয়ো।”

লূকে লেখ্যে গম্ হবর্ 11:52 ပူးပေါင်းရင်းမြစ်များ

মালাখি 2:7

আজলে গোজেন আওজ পৌইদ্যেনে শিক্ষ্যে দেনা ধর্মগুরুগুনোর উচিত্ যেনে সেই শিক্ষ্যেগান আযি ন-যায়। ইয়েনি বাদেয়ো গোজেন কধানি জানিবাত্তে ধর্মগুরুগুনো ইধু মানুচ্চুনোর্ যানা উচিত, কিত্যে তারা বেগত্তুন্ খেমতাবলা লগেপ্রভুর হবর্ হোইয়্যে।

মথি লেখ্যে গম্ হবর্ 22:35

তারা ভিদিরে এক্কো ধর্ম-মাষ্টর্ যীশুরে যগা চেবাত্তে পুযোর্ গুরিলো,

মথি লেখ্যে গম্ হবর্ 23:13

ধর্ম-মাষ্টর আর ফরীশীগুন, তমাত্যে কত্তমান দর্‌গরেপারা! তুমি ফক্কর্! তুমি মানুচ্চুনো মুজুঙোত্ স্বর্গ-রেজ্যর্ দোরান্ নাঢি রাগঅ। মাত্তর্ তুমি নিজেয়ো ন-সমঅ আর যিগুনে সুমিবাত্তে চেরেস্টা গত্তন্ তারারেয়ো সুমিবাত্তে ন-দুয়ো।

লূকে লেখ্যে গম্ হবর্ 11:53

তে সেই জাগায়ান্ ফেলে যেবার অক্তত্ ধর্ম-মাষ্টরুন আর ফরীশীগুনে তা বিরুদ্ধে শত্রুমি গুরিবাত্তে লাক্ক্যন্। নানান্ পৌইদ্যেনে প্রশ্ন পুযোর্ গুরিনে তারে কধা ফালত্ ফেলেবাত্তে তারা বাজ্জেই থাহ্ ধুরিলাক্।

প্রেরিত্‌ 5:40

সেক্কে গমলীয়েল কধালোই নেতাগুনে একমত অলাক্। তারা দিপাধেয়্যে প্রচারক্কুনোরে ভিদিরে ডাগি আনিনে বেত্ মারিবাত্তে উগুম দিলাক্। সে পরেদি তারা তারারে ইরি দিলাক্ আর উগুম দিলাক্ যেন তারা যীশু পৌইদ্যেনে কনঅ কধা ন-কন্।