লূকে লেখ্যে গম্ হবর্ 11:34 - Chakma Bible

³⁴ তঅ চোগ্‌কুন অলঅ তর্ কিয়্যেগানর্ চেরাগ্। যুনি তঅ চোক্কো গম্ অয় সালে তর্ বেক্ কিয়্যেগান্ পহ্‌‌রে ভুরিবো, মাত্তর্ চোগ্ বজং অলে তঅ কিয়্যেগান্অ আন্ধারে ভুরিবো।

লূকে লেখ্যে গম্ হবর্ 11:34 ပူးပေါင်းရင်းမြစ်များ

পত্থম 19:11

সে পরেদি তারা পহ্‌র গুরি ঝিমিলেনি দিলাক্, আর সেক্কে দোরান বারেন্দি ঠিয়েই রোইয়্যে গাবুজ্যে আর বুড়ো মানুচ্চুনে অদাতদ্‌ চোগেদি আর ন-দেগিলাক্‌। সেক্কে সে মানুচ্চুনে দোরান্‌ তগাদে তগাদে অরান্‌ ওই পড়িলাক্।

গীতসংহিতা 119:18

মঅ চোগ্‌কুন খুলি দে যেনে তঅ শিক্ষ্যে ভিদিরে মুই আমক্ অইদে বাবোত্যে কিজু দেগং।

গীতসংহিতা 81:12

সেনত্তে মুই তারারে একবুচ্ছ্যে মনর্ মান্‌জ্য আদত্ রাগেলুং, যেনে তারা নিজো আওজ্ মজিম চলন্।

গম্ উপদেজ্ 21:4

পাজিগুনোর চোগো ইজিরে বাড়্‌বো আর মনানি অহংকারে ভরা; তারার জিংকানি-চেরাগ্‌কো পাপে ভরা।

গম্ উপদেজ্ 28:22

যে মানুচ্চো লুভি তে তাগোয়্যে অবাত্তে হিজে-হিচ্চ্যে বাজায়, মাত্তর্ তে হবর্ ন-পায় অভাব্‌পানে তাত্তে বাজ্জেই আঘে।

যিশাইয় 29:10

কিত্তে লগেপ্রভু তমা উগুরে এক্কান্ ঘুর্‌ঘুজ্যে ঘুম আন্যে; তমা চোগ্‌কুন যে ভাববাদীগুনে, তমার্ সেই চোগ্‌কুন তে নাঢি দিয়্যে আর তমার্ মাঢাগুন যে রিনিচেইয়্যে গুনে, তমার্ সেই মাঢাগুন্ তে ঢাগি দিয়্যে।

যিশাইয় 42:19

মঅ চাগরুন বাদে কান্ আর কন্না? মর্ পাদেয়্যে দূত্‌তুনো ধোক্ক্যেন বহ্‌রা আর কন্না? মঅ উগুরে বিশ্বেজ্ গুরিয়্যে ধোক্ক্যেন কান্ আর কন্না? লগেপ্রভুর্ চাগরুনো ধোক্ক্যেন কান্ কন্না?‌‌

যিশাইয় 44:18

সেই মানুচ্চুনে কিচ্চু হবর্‌অ ন-পান্, নয়ো বুঝোন্। তারার্ চোগ্‌কুন বন্ধ বিলিনে তারা ন-দেগন্ আর মনানি বন্ধ বিলিনে তারা নয়ো-বুঝোন্।‍

যিশাইয় 5:20

অভিশাব্ পোড়োক্ সেই মানুচ্চুনোর্, যিগুনে ভান্ন্যেয়ানরে গম্ কন্ আর গমানরে কন্ ভান্ন্যেই, যিগুনে পহ্‌রানরে আন্ধার্ আর আন্ধারানরে পহ্‌‌‌‌‌র বিলি মনে গরন্, যিগুনে মিদেগানরে তিদে আর তিদেগানরে মিদে বিলি মনে গরন্।‌‌

যিশাইয় 6:10

সে পরেদি তে মরে আরঅ কলঅ, “তুই এ মানুচ্চুনোর্ মনানি বাজে বাবোত্যে গুরি দে, তারার্ কানানি নাঢি দে, আর তারার চোগ্‌‌‌‌‌কুনো নাঢি দে। সিয়েন ন-গুরিলে তারা চোগেদি দেগিবাক্, কানেদি শুনিবাক্, মনেদি বুঝিবাক্ আর পাপত্তুন্ মনানি ফিরেইনে গম্ অবাক্। ”

যিরমিয় 5:21

ও ভুল্ আর বুদ্ধিনেইয়্যে মানুচ্চুন, তুমি যিগুনে চোগ্ থাগদেয়ো ন-দেগর্, কান থাগদেয়ো ন-শুনোর্, তুমি শুনো।

মার্ক 4:12

যেন তারা রিনি চান্ আর রিনি চান, যেদক্কন সং ন-দেগন; তারা শুনোদে থাদোক্ আর শুনোদোক্, যেদ্ক্কন ন-বুঝোন। সিয়েন ন-অলে তারা অয়ত গোজেন ইন্দি ফিরিবাক্ আর খেমা পেবাক্। ”

মার্ক 7:22

লুভি অনা, অন্যরে ক্ষতি গুরিবার্ আওজ্, ছলনা, বজং খাচ্চ্যত্, ইংসে, নিন্দে, বার্ গরানা আর মূর্খকামানি নিগিলি এজে।

মার্ক 8:18

তমার্ চোগ্ তাগদেয়ো কি ন-দেগর্? কান্ থাগদেয়ো কি ন-শুনোর্? মনত্অ কি ন-উদের্,

লূকে লেখ্যে গম্ হবর্ 11:35

তঅ ভিদিরে যে পহ্‌‌রান আঘে সিয়েন্ আজলে আন্ধার্ না কি সে পৌইদ্যেনে উজিয়ার্ অ।

প্রেরিত্‌ 13:11

চাহ্, প্রভুর আঢ্‌‌তানি তঅ বিরুদ্ধে উত্ত্যে। তুই চোগ্ কানা ওই যেবে আর কয়েক দিন সং বেল পহ্‌র ন-দেগিবে।” সেক্কেনে খুয়ো আর আন্ধারানে তারে ঢাগি ফেলেল আর কেঅ যেন তারে আঢত্ ধুরিনে নেযেই পারে ইয়েনত্তে সেক্কে তে লুদিক্ ধুরি বেড়া ধোল্ল্য।

প্রেরিত্‌ 2:46

তারা পত্তিদিন উবোসনা ঘরত্ একসমারে থুবেদাক্, আর যুদো যুদো ঘরত্ হুজিয়্যে আর সরল মনে একসমারে হানা-দানা গুরিদাক্।

২ করিন্হীয় 1:12

আমি যিয়েনত্যে দেমাগে ফুলি উদিই সিয়েন এই-আমা বিবেগ্‌‌‌কানিয়ে এ সাক্ষ্যগানি দেত্তে যে, গোজেনর্ দিয়্যে পবিত্রতালোই আর সরলতায় আমি বেক্ মানুচ্চুনো ইধু, বিশেষ গুরি তমা ইধু জিংকানি কাদেয়্যেই। সেই জিংকানিগানি আমি জগদ জ্ঞানর্ পরিচালনায় ন-কাদেই বরং গোজেনর্ দোয়্যেই পরিচালনায় কাদেয়্যেই।

২ করিন্হীয় 11:3

মাত্তর্ মর্ দর্ লাগেত্যে, সেই সাপ্পো তার্ পাজি বুদ্ধি খাদেইনে যেধোক্ক্যেন্ গুরি হবারে ভুলেয়্যে সেধোক্ক্যেন গুরি খ্রীষ্ট উগুরে খাটি আর মন ভোক্তিত্তুন্ কেঅ অয়ত তমারেয়ো ভুলেইনে নেযেব।

২ করিন্হীয় 4:4

অবিশ্বেজি মানুচ্চুনোর মনানি এ যুগোর্ দেবেদাগুনে কান্ গুরি দুয়োন যেন তারা গম্ হবরর্ পহ্‌রান্ ন-দেগন্। এ গম্ হবরানত্ খ্রীষ্টর্ মহিমাগান্ ফুদি উঠ্যে; আর এ খ্রীষ্টই অলঅ গোজেনর্ অবিকল্ ফগদাং।

ইফিষীয় 1:17

তবনা গুরিবার অক্তত্ মুই তমা কধা ভুলি ন-যাং। মুই তবনা গরং যেন আমার্ প্রভু যীশু খ্রীষ্টর্ গোজেন, অত্তাৎ সেই গৌরবময় বাবা তমারে আত্মিক জ্ঞান আর বুঝিবার খেমতা দান গরে, যাতে তুমি তারে আরঅ গমেডালে জানি পারঅ।

ইফিষীয় 6:5

তুমি যিগুনে চাগর্, তুমি যেধোক্ক্যেন খ্রীষ্টর্ বাধ্য সেধোক্ক্যেন দর্ আর সর্মান লগে মনত্তুন্ তমার এ জগদর্ গিরোজ্‌চুনোর্ বাধ্য ওইয়ো।

কলসীয় 3:22

তুমি যিগুনে চাগর্, তুমি বেক্কানি পৌইদ্যেনে তমার্ এ জগদর্ গিরোজ্‌চুনোর বাধ্য থেয়ো। যেক্কে তারা তমারে খিয়েল গরন্ বানা সেক্কে যে তারারে হুজী রাগেবাত্যে তারার্ বাধ্য থেবা সিয়েন নয়, বরং খাটি মনে প্রভু উগুরে ভোক্তি রাগেনে তারার্ বাধ্য থেয়ো।