লূকে লেখ্যে গম্ হবর্ 11:29 - Chakma Bible

²⁹ আরঅ মানুচ্ যীশুর্ চেরোকিত্তে থুবো ধুরিলাক্। সেক্কে যীশু কলঅ, এ কালর্ মানুচ্চুনে বজং। তারা অামক্ অবার চিহ্নো তগান্ মাত্তর্ ভাববাদী যোনার্ আমক্ অবার্ চিহ্নোগান বাদে আর কনঅ চিহ্নো তারারে দেগা ন-অবঅ।

লূকে লেখ্যে গম্ হবর্ 11:29 ပူးပေါင်းရင်းမြစ်များ

যিহিষ্কেল 24:24

যিহিষ্কেলে তমা ইধু এক্কান চিহ্নো ধোক্ক্যেন অবঅ; তে যিয়েনি গোজ্যে তুমি ঠিগ্ সেবাবোত্যে গুরিবা। যেক্কে ইয়েনি ঘুদিবো সেক্কে তুমি হবর্ পেবা, মুয়ই প্রভু লগেপ্রভু।”

যোনা 1:1

লগেপ্রভুর এ কধাগান অমিত্তয়র পুয়ো যোনা ইধু ফগদাং অলঅ, “তুই সে দাঙর্ শঅর্ নীনবীত্ যেইনে তা বিরুদ্ধে ফগদাং গর্, কিত্যেই তা মানুচ্চুনোর ভান্ন্যেয়ানি মুই দেখ্যং।”

মথি লেখ্যে গম্ হবর্ 3:7

পরেদি যোহনে দেগিলো বোউত্ ফরীশী আর সদ্দূকী বাপ্তিষ্ম লবাত্তে তাইধু এত্তন্। তে তারারে কলঅ, “সাপ গুট্টিগুন! গোজেনর্ যে সাজাগান্ লামি এজের্ সিয়েনত্তুন্ ধেই যেবার্ এ বুদ্ধিগান্ তমারে কন্না দিলো?

মার্ক 8:38

এই কালর্ অবিশ্বেজি আর পাপী মানুচ্চুনো ভিদিরে যুনি কেঅ মরে নিইনে আর মঅ কধানিলোই লাজান্, সালে মান্‌‌জ্য পুয়োবো যেক্কে পবিত্র দূত্‌‌তুনো সমারে গুরি তা বাব মহিমালোই এবঅ, সেক্কে তেয়ো সেই মানুচ্চুনো পৌইদ্যেনে লাজেব।”

লূকে লেখ্যে গম্ হবর্ 11:16

অন্য মানুচ্চুনে যীশুরে পোরোক্ষ্যে গুরিবাত্তে স্বর্গত্তুন এক্কান চিহ্নো দেগেবাত্তে কলাক্।

লূকে লেখ্যে গম্ হবর্ 11:50

ইয়েনর্ ফল অলঅ, সংসারান্ সৃট্টির সময়োত্তুন্ ধুরি আরাম্ভ গুরিনে যেদক্‌‌জন ভাববাদীরে খুন্ গরা ওইয়্যে, তারার্ লো-গানির্ দায়ী অবাক্ এ কালর্ মানুচ্চুনে।

লূকে লেখ্যে গম্ হবর্ 12:1

এ ভিদিরে আজার্ আজার্ মানুচ্‌ এমন্‌ গুরি থুবেলাক্ যে, তারা ঠেলাঠেলি গুরি একজন অন্যজন উগুরে পত্তন্। সেক্কে যীশু পত্তমে তা শিচ্চ্যগুনোরে কলঅ, ফরীশীগুনোর্ সদাগানিত্তুন্ উজিয়ার্ অ। সেই সদাগান্ অলঅ তারার্ ভন্ডামী।

লূকে লেখ্যে গম্ হবর্ 9:41

সেক্কে যীশু কলঅ, “অবিশ্বেজি আর পাজি মানুচ্চুন্! আর কয়দিন মুই তমা লগে থেইম্ আর তমারে সোজ্য গুরিম্? তঅ পুয়োবোরে ইধু আন্।”

যোহন 2:18

সেক্কে যিহূদী নেতাগুনে যীশুরে পুযোর্ গুরিলাক্, “মাত্তর্ এ বেক্কানি গুরিবার্ অধিকারান্ যে তর্ ঘেচ্চেক্‌গুরি আঘে সিয়েনর্ প্রমাণ তুই কি আমারে দেগেই পারচ্?”

যোহন 6:30

সেক্কে তারা তারে পুযোর্ গুরিলাক্, “সালে কি এমন আমক্ অইদ্যে কাম্ তুই গুরিবে যিয়েন্ দেগিনে আমি তরে বিশ্বেজ্ গুরি পারিই?

যোহন 8:44

শদানে তমা বাপ্ আর তুমি তার্ পুয়ো-ছা; সেনত্তে তুমি তা আওজ্‌চান্ পুরেবাত্তে চঅ। শদানে পৌইল্যাত্তুন্ ধুরি খুনী। তে কনদিন্অ সত্যত্ বজত্তি ন-গরে, কিয়া তা ভিদিরে সত্য নেই। তে যেক্কে মিজে কধা কয় সেক্কে তে সিয়েন্ নিজোত্তুন্ কয়, কিয়া তে মিজে কধা মাদিয়্যে আর বেক্‌ মিজে কধার্ জর্ম তা ভিদিরেত্তুন্ ওইয়্যে।

১ করিন্হীয় 1:22

যিহূদীগুনে চিহ্ন ইজেবে আমক্ অবার্ কাম দেগিবাত্তে চান্, গ্রীককুনে জ্ঞানানরে তগান্,