লূকে লেখ্যে গম্ হবর্ 11:2 - Chakma Bible

² যীশু তারারে কলঅ, “যেক্কে তুমি তবনা গরঅ সেক্কে কোইয়ো, ‘ও আমার স্বর্গর বাবা, তঅ নাঙান্ পবিত্র বিলি মানা ওক্। তঅ রেজ্যগান্ এজোক্।

লূকে লেখ্যে গম্ হবর্ 11:2 ပူးပေါင်းရင်းမြစ်များ

১ রাজাবলী 8:43

সেক্কে তর্‌ থেবারঘর স্বর্গত্তুন্‌ তুই সিয়েনি শুনিচ্‌। তে যিয়েনি চায় তাত্তে সিয়েনি গুরিচ্‌ যেনে পিত্তিমীর বেক্‌ মানুচ্চুনে তরে হবর্ পান্‌ আর তঅ নিজোর মানুচ্‌ ইস্রায়েলীয়গুনো ধোক্ক্যেন তারায়ো তরে ভোক্তিগুরি দরান্‌ আর হবর্‌ পান, মর্‌ বানেয়্যে এ ঘরান্‌ তঅ ঘর্‌।

২ রাজাবলী 19:19

ইক্কিনে ও আমা গোজেন লগেপ্রভু, আসিরিয়ার রাজা আঢত্তুন্‌ তুই আমারে রোক্ষ্যে গর্‌ যেনে পিতথিমীর্‌ বেক্‌ রেজ্যগানিয়্যে কোই পারে, তুয়ই, ও লগেপ্রভু, বানা তুয়ই গোজেন।”

২ বংশধর 20:6

ও লগেপ্রভু, আমা পূরোণি মানুচ্চুনোর গোজেন, তুই দঅ স্বর্গর গোজেন। তুই বেক্‌ জাদর্‌ রেজ্যগানিরে শাজন্ গুরি থাজ্‌। খেমতা আর বল্‌ তঅ আঢত্‌ আর কনজনে তরে মানা গুরি ন-পারিবাক্‌।

গীতসংহিতা 103:20

ও লগেপ্রভুর বোলী দূত্‌তুন, যিগুনে তা কধার বাধ্য থেইনে তা উগুমানি পালন গরর্, তুমি তার্ বাঈনী গরঅ।

গীতসংহিতা 108:5

ও গোজেন, তর্ মহিমাগান্ দেবাবো সং উদোক্; তর্ বাঈনী পানাগান্ পিত্‌থিমীগান উগুরে দেগা দোক্।

গীতসংহিতা 11:4

মাত্তর্ লগেপ্রভু স্বর্গত্ তা পবিত্র থেবার্ জাগানত্ আঘে; তা সিংহাসনান্ সিয়েনত্ আঘে। তে মান্‌‌জ্যরে খিয়েল্ গরে; তা চোগ্‌কুনে তারারে যগা চাই।

গীতসংহিতা 57:11

ও গোজেন, তর্ মহিমাগান দেবাবো সং উদোক্; তর্ বাঈনীগান পিত্‌থিমীগান উগুরে দেঘা দোক্।

উপদেশক 5:2

তঅ মুয়োনে যাদিমাদি গুরিনে কধা ন-হোক্; গোজেন ইদু যাদিমাদি গুরিনে কনঅ কধা ন-কোচ্। গোজেনে স্বর্গত্ আঘে আর তুই আগচ্ পিত্‌থিমীত, সেনত্তে তঅ কধাগান্ যেন কম অয়।

যিশাইয় 63:16

ও লগেপ্রভু, তুই দঅ আমা বাপ্। যুনিয়ো অব্রাহামে আমারে হবর্ ন-পায় বা যাকোবে আমারে স্বিগের্ ন-গরে, তো তুয়ই আমা বাপ্; তুই উমরর্ উদ্ধোর্ গুরিয়্যে-ইয়েনই তর্ নাঙান।

যিহিষ্কেল 36:23

যে নাঙান্ জাদ ভিদিরে অসর্মান গরা ওইয়্যে মর্ সেই মহৎ নাঙানর্ পবিত্রতাগান মুই দেগেম; তুমি তারা ভিদিরে সেই নাঙান্ অপবিত্র গোজ্য। যেক্কে মুই তারা চোগো মুজুঙোত্ তমা ভিদিরেদি নিজোর্ পবিত্রতাগান দেগেম্ সেক্কে জাদ্‌‌‌‌‌‌‌‌‌‌‌তুনে হবর্ পেবাক্ যে, মুয়ই লগেপ্রভু।

দানিয়েল 2:28

মাত্তর্ স্বর্গত্ এক্কো গোজেন আঘে যিবে গুমুরো বিষয়ে ফগদাং গরে। ভবিচ্চদে যিয়েনি ঘুদিবো সিয়েনি তে রাজা নবূখদ্‌‌‌‌‌নিৎসররে জানেয়্যে। তর্ স্ববনান্, অত্তাৎ বিচ্ছোনত্ পড়িনে যে দর্শনান্ তুই দেখ্যচ্ সিয়েন মুই ইক্কিনে কোম্।

দানিয়েল 2:44

“সেই বেক রাজাগুনোর অক্তত্ স্বর্গর্ গোজেনে এমন এক্কান রেজ্য থিদেবর্ গুরিবো যিয়েন কনদিন্‌অ ভস্ত ন-অবঅ বা অন্য মান্‌জ্য আঢত্ ন-যেবঅ। সেই রেজ্যগানিয়ে উই বেক্ রেজ্যগানিরে ভস্ত গুরি শেজ্ গুরি দিবো মাত্তর্ সেই রেজ্যগান নিজে উমরত্যে থেবঅ।

দানিয়েল 7:18

মাত্তর্ শেজদি দাঙর্ গোজেনর মানুচ্চুনে শাজন্‌ পেইনে উমরত্যে, অয়, উমরত্যে রাজাগিরি গুরিবাক্।

দানিয়েল 7:27

সে পরেদি রাজাগিরি, শাজন্ আর পিত্‌‌‌‌‌‌‌‌‌‌‌থিমীর বেক্ রেজ্যগানির খেমতা দাঙর্ গোজেনর মানুচ্চুনো আঢত্ তুলি দিয়্যে অবঅ। তারার্ রেজ্যগান অবঅ উমরর্ আর বেক্ রাজাগুনে তারারে সেবা গুরিবাক্ আর তারার্ বাধ্য অবাক্।

হোশেয় 14:2

তুমি লগেপ্রভু ইধু ফিরি এইনে তারে কঅ, “আমা বেক্ পাপ্‌পানি খেমা গর্ আর আমার যিয়েনি গম্ সিয়েনি মানি লঅ যেনে আমি গোরু উৎ‌সর্গ ধোক্ক্যেন গুরি আমা মুয়োদি তরে বাঈনী গুরি পারিই।

লেবীয় 10:3

সেক্কে মোশি হারোণরে কলঅ, “লগেপ্রভু কোইয়্যেদে, ‘যিগুনে মইদু এজন্‌ তারা যেন মরে পবিত্র বিলিনে মানন্‌। মানুচ্চুনোর্‌ চোগোত্‌ তারা যেন মর্‌ সর্মান্‌ তুলি ধরন।’ ” হারোণে জুরো গুরি রলঅ।

লেবীয় 22:23

মাত্তর্‌ যে গোরু বা ভেড়াছাগল্লোর্‌ কিয়্যেত্‌ কনঅ কিত্যেদি অস্বাভাবিগো ধোক্ক্যেন লাম্বা বা বাদি সেধোক্ক্যেন গোরু বা ভেড়া নিজোর আওজে গোজ্যে উৎসর্ব ভিদিরে থেই পারে, মাত্তর্‌ মান্যে ছিরেবার্‌ উৎসর্ব ইজেবে সিবে গুজি লুয়ো ন-অবঅ।

হবক্‌‌‌‌কূক 2:14

সাগরান্ যেবাবোত্যে পানিলোই ভরা থায় সেবাবোত্যেগুরি পিত্‌‌‌‌থিমীগান লগেপ্রভুর মহিমার জ্ঞানে ভর্‌‌‌পুনোং অবঅ।

মথি লেখ্যে গম্ হবর্ 10:32

যে কনজনে মান্‌জ্য মুজুঙোত্ মরে স্বিগের্ গরে মুইয়ো মর্ স্বর্গর বাবা মুজুঙোত্ তারে স্বীগের্ গুরিম।

মথি লেখ্যে গম্ হবর্ 3:2

তে কলঅ, “পাপত্তুন্ মনানি ফিরো, কিয়া স্বর্গ-রেজ্যগান্ কায়-কুরে লুম্মেগি।”

মথি লেখ্যে গম্ হবর্ 5:16

সেবাবোত্যেগুরি তমা পহ্‌‌রান মানুচ্চুনো মুজুঙোত্ জ্বোলোক্, যেনে তারা তমার্ গম্ কামানি দেগিনে তমা স্বর্গর্ বাপ্পোর্ বাঈনী গরন্।

লূকে লেখ্যে গম্ হবর্ 11:1

এক সময়োত্ যীশু কনঅ এক জাগাত্ তবনা গরের্। তবনা থুম্ অনার্ পরেদি তার্ এক্কো শিচ্চ্য তারে কলঅ, “প্রভু, বাপ্তিস্মদিয়্যে যোহনে যেবাবোত্যে তা শিচ্চ্যগুনোরে তবনা গুরিবাত্তে শিগেয়্যে সেবাবোত্যেগুরি আমারেয়ো তুই তবনা গুরিবাত্তে শিগা।”

রোমীয় 1:7

রোম শঅরর্ যে মানুচ্চুনোরে গোজেনে কোচ্‌পায় আর তার্ নিজো মানুচ্‌ অবাত্যে ডাক্ক্যে তারা বেক্কুনো ইধু, অত্তাৎ তমা ইধু মুই এ চিধিগান লেগঙর্। আমা বাবা গোজেনে আর প্রভু যীশু খ্রীষ্ট তমারে বর্ দুয়োক্ আর সুগ্-শান্তি দান গোরোক্।

রোমীয় 8:15

তুমি দঅ চাগর মনভাব ন-পঅ যিয়েনত্যে দোরেবা; তুমি গোজেনর্ আত্মাগানরে পেইয়ো যিবে তমারে পুয়ো ইজেবে অধিকার্ দিয়্যে। সেনত্তে আমি গোজেনরে বাবা, মানে বাব্, বিলিনে ডাগিই।

১ করিন্হীয় 1:3

আমা বাবা গোজেন আর প্রভু যীশু খ্রীষ্ট তমারে দোয়্যে গোরোক্ আর শান্তি দান গোরোক্।

২ করিন্হীয় 1:2

আমা বাবা গোজেন আর আমা প্রভু যীশু খ্রীষ্ট তমারে দোয়্যে গোরোক্ আর শান্তি-দান গোরোক্।

গালাতীয় 1:4

আমার গোজেন আর বাবার্ আওজ্ মজিম খ্রীষ্ট আমা পাপত্যে নিজো জিংকানিগান দিয়্যে, যেন তে ইক্কুনু এ ভান্ন্যেই জগদর্ আঢত্তুন্ আমারে রোক্ষ্যে গুরি পারে।

ইফিষীয় 1:2

আমা বাবা গোজেনে আর প্রভু যীশু খ্রীষ্ট তমারে দোয়্যে গোরোক্ আর শান্তি দান গোরোক্।

ফিলিপীয় 1:2

আমা বাবা গোজেন আর প্রভু যীশু খ্রীষ্ট তমারে দোয়্যে গোরোক্ আর শান্তি-দান গোরোক্।

ফিলিপীয় 4:20

যুগ যুগ ধুরিনে উমরত্যে আমা বাবা গোজেনর্ বাঈনী ওক্‌। আমেন।

১ থিষলনীকীয় 1:1

বাবা গোজেন আর প্রভু যীশু খ্রীষ্ট লগে এগত্তর্ থিষলনীকীয় মন্ডলী ইধু সীল, তীমথিয় আর মুই পৌলে এ চিধিয়ান লিগির্। আমার বাবা গোজেন আর প্রভু যীশু খ্রীষ্ট তমারে দোয়্যে গোরোক্ আর শান্তি দান গোরোক্।

১ থিষলনীকীয় 1:3

বিশ্বেজর্ কারনে তুমি যে কামানি গরর্, কোচ্‌পানার কারনে যে কামানি গরর্ আর আমার প্রভু যীশু খ্রীষ্ট উগুরে আজা রাগানার্ কারনে যে ধৈয্য ধরর্, সেই কধানি আমি নিত্য আমার বাবা আর গোজেন মুজুঙোত্ তবনা গুরিনে ইদোত্ তুলিই।

২ থিষলনীকীয় 2:16

আমা প্রভু যীশু খ্রীষ্ট নিজে আর আমা বাবা গোজেনে তমা মনানত্ উচ্চোমি দুয়োক্ আর বেক্‌ গম কামানিত্ আর কধানিত তমারে থির্ রাগোক্। তেয়ই আমারে কোচ্‌পেইয়্যে আর দোয়্যে গুরিনে জদবদে উচ্চোমি আর হুজিয়ে ভরা আজা দান গোজ্জ্যে।

ফগদাং পেইয়্যে 11:15

যেরেদি সাত-লম্বর স্বর্গদূত্‌তো তা তূরীবো বাজেল। সেক্কে স্বর্গত্ দাঙর্ দাঙর্ গুরিনে কুয়ো অলঅ, “জগদর্ রেজ্যগান ইক্কিনে আমার প্রভু আর তার্ মশীহর ওইয়্যে।

ফগদাং পেইয়্যে 15:4

প্রভু, কন্না বা তরে ন-দোরেব? কন্না বা তর্ নাঙানর্ বাঈনী ন-গুরিবো? বানা তুয়ই দঅ পবিত্র। বেক্‌ জাদ্‌তুনে তইধু এবাক্, বেক্কুনে তর্ উবোসনা গুরিবাক্; কিয়া তর্ ন্যায় বিচেরানি ফগদাং ওইয়্যে।”

ফগদাং পেইয়্যে 19:6

সে পরেদি মুই ভালোক্কুন্ মান্‌জ্যর্ ঝাগঅ রঅ, জোরে বেঈ যেইয়্যে গঙার পানি রঅ আর জোরে দেবা পেরাগ রঅ ধোক্ক্যেন গুরি কোইয়্যে এ কধাগান শুনিলুং, “হাল্লেলূয়া! আমার বেগত্তুন্ খেমতাবলা প্রভু গোজেনে রাজাগিরি গরানা আরাম্ভ গোজ্জ্যে।

ফগদাং পেইয়্যে 20:4

সিয়েন পরেদি মুই কদক্কানি সিংহাসন দেগিলুং, আর যিগুনে সিয়েনি উগুরে বৈ এলাক্ তারা আঢত্ বিচের গুরিবার খেমতা দিয়্যে ওইয়্যে। গোজেনর্ কধা আর যীশুর শিক্ষ্যে মজিম চলানার্ কারনে যিগুনোর মাঢাগুন কাবি ফেলা ওইয়্যে, মুই তারার্ আত্মাগুনোরে দেগিলুং। তারা সেই য়েমান্নোরে বা তা মূত্তিবোরে পূজো ন-গরন আর কবালত্ বা আঢত্ তা চিহ্নোগান ন-মানন্। তারা জেদা ওই উদিলাক্ আর এক আজার বজর্ ধুরিনে খ্রীষ্ট সমারে রাজাগিরি গুরিলাক্।