লূকে লেখ্যে গম্ হবর্ 10:9 - Chakma Bible

⁹ সে আদামর্ পীড়েল্যেগুনোরে গম্ গরঅ আর তারারে কঅ, গোজেন রেজ্যগান্ তমা কায়-কুরে লুম্মেগি।

লূকে লেখ্যে গম্ হবর্ 10:9 ပူးပေါင်းရင်းမြစ်များ

দানিয়েল 2:44

“সেই বেক রাজাগুনোর অক্তত্ স্বর্গর্ গোজেনে এমন এক্কান রেজ্য থিদেবর্ গুরিবো যিয়েন কনদিন্‌অ ভস্ত ন-অবঅ বা অন্য মান্‌জ্য আঢত্ ন-যেবঅ। সেই রেজ্যগানিয়ে উই বেক্ রেজ্যগানিরে ভস্ত গুরি শেজ্ গুরি দিবো মাত্তর্ সেই রেজ্যগান নিজে উমরত্যে থেবঅ।

মথি লেখ্যে গম্ হবর্ 3:2

তে কলঅ, “পাপত্তুন্ মনানি ফিরো, কিয়া স্বর্গ-রেজ্যগান্ কায়-কুরে লুম্মেগি।”

মথি লেখ্যে গম্ হবর্ 4:17

সে সময়ত্তুন্ ধুরি যীশু ইয়েন কোইনে ফগদাং গরা ধুরিলো, “পাপত্তুন্ মনানি ফিরো, কিয়া স্বর্গ-রেজ্যগান্ কায়-কুরে লুম্মেগি।”

মার্ক 4:30

সে পরেদি যীশু কলঅ, “কা সমারে আমি গোজেন রেজ্যর্ তুলনা গুরিবোং? কন্‌ হিত্ত্যবোর্ মাধ্যমে সিয়েন বুঝেবং?

মার্ক 6:13

তারা বোউত্ ভান্ন্যেই আত্মা ধাবেলাক্ আর বোউত্ পীড়েল্যে মান্‌জ্যর্ মাঢাত্ তেল্ দিইনে তারারে গম্ গোরেলাক্।

লূকে লেখ্যে গম্ হবর্ 10:10

মাত্তর্ যুনি কনঅ আদামত্ যঅ আর সিদুগো মানুচ্চুনে তমারে মানি ন-লন্ সালে সে আদামর্ পধে পধে যেইনে এ কধাগান্ কঅ,

লূকে লেখ্যে গম্ হবর্ 10:11

তমা আদামর্ যে ধূল্যেগানি আমা টেঙত্ বাস্যে সিয়েনিয়ো আমি তমা বিরুদ্ধে ঝাড়ি ফেলেলং। তো তুমি জানি রাগেয়ো, গোজেন রেজ্যগান্ কায়-কুরে লুম্মেগি।

লূকে লেখ্যে গম্ হবর্ 9:2

সে পরেদি তে তারারে গোজেন রেজ্য পৌইদ্যেনে ফগদাং গুরিবাত্তে আর পীড়েল্যেগুনোরে গম্ গুরিবাত্তে পাধেই দিলো।

যোহন 3:3

যীশু নীকদীমরে কলঅ, “মুই তমারে ঘেচ্চেক্‌গুরি কঙর্, নুয়ো গুরিনে জর্ম ন-অলে কেঅ গোজেন রেজ্যগান চেই ন-পায়।”

যোহন 3:5

জোবত্ যীশু কলঅ, “মুই তরে ঘেচ্চেক্‌গুরি কঙর্, পানি আর পবিত্র আত্মাত্তুন্ জর্ম ন-অলে কনজনে গোজেন রেজ্যত্ সোমেই ন-পারে।

প্রেরিত্‌ 28:28

“ইয়েনত্যে তুমি মনত্ রাগঅ, গোজেনে মান্‌জ্যরে পাপত্তুন্ কিবাবোত্যেগুরি উদ্ধোর্ গরে সে কধাগান্ অযিহূদীগুনো ইধু কুয়ো ওইয়্যে, আর তারা সে কধাগান শুনিবাক্।”

প্রেরিত্‌ 28:31

তে সাহচ্‌ গুরিনে গমেডালে গোজেন রেজ্য পৌইদ্যেনে প্রচার গুরিদো আর প্রভু যীশু খ্রীষ্ট পৌইদ্যেনে শিক্ষ্যে দিদো।