লূকে লেখ্যে গম্ হবর্ 10:7 - Chakma Bible

⁷ সেই ঘরানত্ থেয়ো আর তারা যিয়েন্ দুয়োন্ সিয়েনই হেয়ো, কিয়া যে কাম্ গরে তে বেতন্ পেবার্ যগাজ্যে। এক্কান্ ঘর্ ফেলেইনে অন্য ঘরত্ ন-যেয়ো।

লূকে লেখ্যে গম্ হবর্ 10:7 ပူးပေါင်းရင်းမြစ်များ

গণাণা 18:31

তুমি আর তমার পরিবারর মানুচ্চুনে যে কনঅ জাগাত্‌ সিয়েনি খেই পারিবাক্ কিত্যে সিয়েনিই অবঅ মিলন-তাম্বুলোত্‌ তমার কাম্‌ গোজ্যে বেতন।

মার্ক 6:10

তে তারারে আরঅ কলঅ, “তুমি যে ঘরত্ সোমেবা সে জাগায়ান্ ফেলেই ন-যানা সং সে ঘরানত্ থেয়ো।

লূকে লেখ্যে গম্ হবর্ 10:6

শান্তি গম্ পান এমন কেঅ যুনি সিয়েনত্ থান্ সালে তমা শান্তিগান্ তা উগুরে থেবঅ, মাত্তর্ যুনি সেবাবোত্যে কনজন্ ন-থান্ সালে তমা শান্তিগান্ তমা ইধু ফিরি এবঅ।

লূকে লেখ্যে গম্ হবর্ 9:4

যে ঘরত্ তুমি সোমেবা সেই শঅরান্ ন-ছাড়ানা সং সেই ঘরানত্ থেয়ো।

প্রেরিত্‌ 16:15

ইয়েন্দোই তে আর তা ঘরর্ বেক্কুনে বাপ্তিষ্ম ললাক্। ইয়েন পরেদি তে ইয়েন কোইনে আমারে বাত্ত্যেল, “যুনি মরে তুমি প্রভুর্ উগুরে বিশ্বেজি বিলি মনে গরঅ সালে মঅ ঘরত্ এইনে থাগগি।” এ কধাগান্ কোইনে তে আমারে কোজোলি গুরিনে তা ঘরত্ নেযেল।

প্রেরিত্‌ 16:34

সে পরেদি তে পৌল আর সীলরে নিজো ঘরত্ নেযেইনে হেবাত্তে দিলো। গোজেন উগুরে বিশ্বেজ্ গুরিনে তার্ পরিবারর্ বেক্কুনে অমকদ হুজি অলাক্।

প্রেরিত্‌ 16:40

পৌল আর সীল জেল্‌খানাত্তুন্ নিগিলিনেই লুদিয়ার্ ঘরত্ গেলাক্। সিধু বিশ্বেজি ভেইয়ুনো সমারে তারার্ দেগা অলঅ। ভেইয়ুনোরে উৎসাহ দেনার্ পরেদি তারা সিয়োত্তুন গেলাক্‌কোই।

গালাতীয় 6:6

যিবেরে গোজেনর্ কধা শিক্ষ্যে দিয়্যে অয় তে যেন তা মাষ্টরবোরে তার্ বেক্‌ গম জিনিস্‌চানির্ ভাগ্ দে।

দ্বি’লম্বর বিররণ 12:12

সিয়েনত্ তমার গোজেন লগেপ্রভুর মুজুঙোত্‌ তুমি, তমার ঝি-পূঅগুনে, তমার চাগর আর চাগরানীগুনে আর তমার আদাম্মে আর শঅরর লেবীয়গুনে যিগুনোর নিজোর বিলিনে কনঅ জাগা-জোমিন বা সোম্বোত্তি নেই তুমি বেক্কুনে ফুুত্তি গুরিবা।

দ্বি’লম্বর বিররণ 18:8

তা বাপ্পোর্‌ ফেলে যেইয়্যে পযাপিরানি বিঝিনে টেঙা পেলেয়ো সিদুগোর্ লেবীয়গুনো সমারে তে সং সং ভাগর অধিকারী অবঅ।

১ তীমথিয় 5:13

ইয়েন বাদে তারা ঘরে ঘরে বেড়েইনে আল্‌‍সি অদে শিগোন্। তারা যে বানা আল্‌‍সি অন্ সিয়েন নয়, মাত্তর্ বাজে কধা কদে আর পর বেপার্‌‍লোই কধা কবাত্যে শিগোন্ আর যিয়েন তারাত্তুন্ কনা উচিত নয় সেই কধানি কন্।

২ তীমথিয় 2:6

যে চাষাবলাবো কাম্ গরে তাত্তুনই পত্তমে খেদর্ ভাগ্ পানা উচিত।