লূকে লেখ্যে গম্ হবর্ 10:37 - Chakma Bible

³⁷ সেই ধর্ম-মাষ্টর্‌বো কলঅ, “যে তারে মেয়্যে গুরিলো সে মানুচ্চো।” সেক্কে যীশু তারে কলঅ, “সালে তুয়ো যেইনে সেবাবোত্যে গর্।”

লূকে লেখ্যে গম্ হবর্ 10:37 ပူးပေါင်းရင်းမြစ်များ

গম্ উপদেজ্ 14:21

যে তার পাড়াল্যেবোরে ঈচ্ গরে তে পাপ গরে, মাত্তর্ যে অভাবিগুনোরে দোয়্যে গরে তে বর্ পেইয়্যে।

হোশেয় 6:6

মুই বিশ্বেজ্‌চান্ চাং, য়েমান উৎসর্ব নয়; পূজ্যে-উৎসর্বত্তুন্ বেশ্ মুই চাং যেন মানুচ্ ঘেচ্চেকগুরি গোজেনরে চিনোন্।

মীখা 6:8

ও মানুচ্চো, যিয়েনি গম্ সিয়েনি দঅ তে তরে দেগেয়্যে। ন্যায় কাম্ গরানা, গোজেন উগুরে বিশ্বেজি থেবাত্তে কোচ্‌পানা আর তঅ গোজেন লগে নম্রগুরিনে উদোলোলি রোক্ষ্যে গরানা বাদে লগেপ্রভু তইদু আর কিচ্ছু ন-চায়।

মথি লেখ্যে গম্ হবর্ 20:28

ইদোত্ রাগেয়ো, মান্‌জ্যপুয়োবো সেবা পেবাত্তে ন-এজে বরং সেবা গুরিবাত্তে এচ্চ্যে আর ভালোক্কুন্ মান্‌জ্যর্ উদ্ধোরর্ দাম্ ইজেবে তারা পরাণানির্ বদলে নিজো পরাণান্ দিবাত্তে এচ্চ্যে।”

মথি লেখ্যে গম্ হবর্ 23:23

ফক্কর্ ধর্ম-মাষ্টর আর ফরীশীগুন, তমাত্যে কত্তমান্ দর্‌গরেপারা! তুমি পুদিনা, মৌরি আর জিরের্ দশ ভাগর্ এক ভাগ্ গোজেনরে ঠিগ্ মজিম দি থাগঅ; মাত্তর্ ন্যায়, দোয়্যে আর বিশ্বেজ্, যিয়েনি মোশির রীতি সুদোমর্ আরঅ দরকারী বিষয় সিয়েনি তুমি বাদ্ দুয়ো। আগ ইয়েনি পালানা লগে লগে যেরেদি ইয়ানিয়ো পালানা তমার্ উচিত।

লূকে লেখ্যে গম্ হবর্ 10:36

যেরেদি যীশু কলঅ, “ইক্কিনে তর্ কি মনে অয়? এই তিনজনত্তুন্ কন্না সেই ডাগেদ আঢত্ পোজ্যে মানুচ্চোর্ পাড়াল্যে?”

লূকে লেখ্যে গম্ হবর্ 10:38

ইয়েনর্ পরেদি যীশু আর তা শিচ্চ্যগুনে পধেদি যাদে যাদে কনঅ এক্কান্ আদামত্ সোমেলাক্। সিধু মার্থা নাঙে এক্কো মিলে হুজি ওইনে তা ঘরত্ যীশুরে গুজি ললঅ।

২ করিন্হীয় 8:9

তুমি দঅ আমার্ প্রভু যীশু খ্রীষ্টর্ দোয়্যের্ কধানি কোই পারঅ, তে নিজে থাগোইয়্যে ওইনেয়ো তমাত্যে নাঢা অলঅ, যেন তার্ নাঢা অনার্ মাধ্যমে তুমি থাগোইয়্যে ওই পারঅ।

ইফিষীয় 5:2

খ্রীষ্ট যেধোক্ক্যেন গুরি আমারে কোচ্‌পেইয়্যে আর আমাত্যে গোজেনর্ উদ্দেচ্চ্যে তুমবাচ্‌‌‌‌বলা উৎসর্ব ইজেবে নিজোরে দিয়্যে, ঠিগ সেবাবোত্যেগুরি তুমিয়ো কোচ্‌পানার পধেদি চলঅ।

১ পিতর 2:21

ইয়েনত্যে গোজেনে তমারে ডাক্ক্যে, কিয়া খ্রীষ্ট তমাত্যে দুঘ্ ভুগিনে তমা ইধু আলাম্ থোই যেয়্যে, যেন তুমিয়ো তা ধোক্ক্যেন চলঅ,