লূকে লেখ্যে গম্ হবর্ 10:29 - Chakma Bible

²⁹ সেই মাষ্টর্‌বো নিজো সর্মানান্ রোক্ষ্যে গুরিবাত্তে যীশুরে কলঅ, “মঅ পাড়াল্যে কন্না?”

লূকে লেখ্যে গম্ হবর্ 10:29 ပူးပေါင်းရင်းမြစ်များ

ইয়োব 32:2

ইয়েনত্ রাম বংশর বূষীয় বারখেলর পুয়ো ইলীহূ ইয়োব উগুরে অমকদ রাগ গুরিলো, কিয়া ইয়োবে গোজেনত্তুন্ নিজোরে ন্যায়বলা মনে গুরিদো।

লেবীয় 19:34

নিজো জাদর্‌ মানুচ্চুনো সমারে যেধোক্ক্যেন বেবহার্‌ গরা অয় তা সমারে সেধোক্ক্যেন বেবহার্‌ গরা পুরিবো। তারে নিজো ধোক্ক্যেন গুরি কোচ্‌পা পুরিবো, কিত্যে তুমিয়ো মিসরীয়গুনো ভিদিরে অন্য জাদর্‌ মানুচ্‌ এলা। মুই লগেপ্রভু তমার গোজেন।

মার্ক 8:34

ইয়েনর্ পরেদি তে শিচ্চ্যগুনোরে আর অন্য মানুচ্চুনোরে তা কায়কুরে ডাগিনে কলঅ, “যুনি কেঅ মঅ পধেদি এবাত্তে চায় সালে তে নিজোর্ আওজ্ মজিম ন-চোলোক্; নিজো ক্রুশ্‌চান বুয়োইনে তে মঅ পিজেদি এজোক্।

লূকে লেখ্যে গম্ হবর্ 10:36

যেরেদি যীশু কলঅ, “ইক্কিনে তর্ কি মনে অয়? এই তিনজনত্তুন্ কন্না সেই ডাগেদ আঢত্ পোজ্যে মানুচ্চোর্ পাড়াল্যে?”

লূকে লেখ্যে গম্ হবর্ 16:15

সেক্কে যীশু তারারে কলঅ, তুমি মান্‌জ্য মুজুঙোত্ নিজোরে ধার্মিক দেগেই থাগঅ, মাত্তর্ গোজেনে তমা মন কধা কোই পারে। মান্‌জ্যে যিয়েন সর্মানি মনে গরন্ গোজেন চোগোত্ সিয়েন ঘিনাইদ্যে জিনিস।

রোমীয় 10:3

গোজেনে মান্‌জ্যরে কেধোক্ক্যেন্ গুরিনে নিদ্দুজি বিলি মানি লয় সে কধাগান মনযোগ্ ন-দিইনে নিজো চেট্ট্যায় তারা তার্ মানি লয়দ্যে ধোক্ক্যেন্ অবাত্তে চেইয়োন। সেনত্তে গোজেনে যেবাবোত্যেগুরি মান্‌জ্যরে নিদ্দুজি বিলি মানি লয় সিয়েন তারা ন-মানন্।

রোমীয় 4:2

কামত্যে যুনি অব্রাহামরে নিদ্দুজি বিলি মানি নেযা অয় সালে দঅ তার্ দেমাগ্ গুরিবার কিজু আঘে। মাত্তর্ গোজেন মুজুঙোত্ তার্ দেমাগ্ গুরিবার কিচ্চু নেই।

গালাতীয় 3:11

সিয়েন বাদে ইয়েন্অ গমেদালে দেগা যাত্তে যে, রীতি-সুদোম্ পালেবাত্যে গোজেনে কাররে নিদ্দুজি বিলিনে মানি ন-লয়, কিয়া পবিত্র বোইবোর্ কধামজিম, “যিবেরে নিদ্দুজি বিলিনে মানি লুয়ো অয় তে বিশ্বেজর্ মাধ্যমে জিংকানি পেবঅ।” বিশ্বেজ্ লগে রীতি-সুদোমর্ কনঅ মিল্ নেই।

যাকোব 2:24

সালে তুমি দেগর্, বানা বিশ্বেজ্‌চোই যে গোজেনে মান্‌জ্যরে নিদ্দুজি বিলিনে মানি লয় সিয়েন নয়, মাত্তর্ বিশ্বেজ্ আর কাম এ দ্বিয়েনত্যে গোজেনে মান্‌জ্যরে নিদ্দুজি বিলিনে মানি লয়।