লূকে লেখ্যে গম্ হবর্ 10:28 - Chakma Bible

²⁸ যীশু তারে কলঅ, “তুই ঠিগ্ জোব্‌পান দুয়োচ্। যুনি তুই সিয়েন্ গুরি থাচ্ সালে জিংকানি পেবে।”

লূকে লেখ্যে গম্ হবর্ 10:28 ပူးပေါင်းရင်းမြစ်များ

নহিমিয় 9:29

তর্‌ রীদি-সুদোম ইন্দি ফিরি এবাত্তে তুই তারারে উজিয়ার্‌ গোজ্যস্‌ মাত্তর্‌ তারার্‌ বেবহারান্‌ এলদে বার্‌বোলোই ভরা; তারা তর্‌ বেক্‌ উগুমানি ন-পালান্‌। তর্‌ যেদক্কানি উগুম্‌ পালন্‌ গুরিলে মানুচ্‌ বাজন্‌ সেনত্তেই সিয়েনর্‌ বিরুদ্ধে তারা পাপ গোজ্যন্‌। তারা একগেয়েমি গুরিনে আর গত্তনাগুন্‌ দরমর গুরিনে তর্‌ কধানি শুনিবাত্তে ন-চান্‌।

গম্ উপদেজ্ 19:16

যে মানুচ্চো গোজেনর সুদোমানি পালায় তে তার জিংকানিগান রোক্ষ্যে গরে; মাত্তর্ যে তার জিংকানির পথ্‌তান ইন্দি মনান্ ন-দে তে মুরিবো।

যিহিষ্কেল 20:11

মুই তারারে মঅ সুদোমান দিলুং আর মর্ রীদি-সুদোমানি তারারে জানেলুং; যে সিয়েনি পালেব তে সিয়েনর্ ভিদিরেদি জিংকানি পেবঅ।

যিহিষ্কেল 20:13

মাত্তর্ ইস্রায়েলর মানুচ্চুনে ধূল্যেচর-চাগালাত্ মঅ বিরুদ্ধে উল্লোমী গুরিলাক্। তারা মর্ সুদোমানি ন-পালেলাক্ আর মর্ যে রীদি-সুদোমানি পালেইলে মানুচ্ জিংকানি পান সিয়েনি তারা এলাফেলা গুরিলাক্; তারা মর্ দিয়্যে জিরেবার দিনুনোর্ পবিত্রতাগান রোক্ষ্যে ন-গুরিলাক্। সেনত্তে মুই কলুং, মুই তারা উগুরে মঅ রাগ্‌‌‌‌‌কান ঢালি দিইনে ধূল্যেচর-চাগালাত্ তারারে ভস্ত গুরি ফেলেম।

যিহিষ্কেল 20:21

মাত্তর্ সেই পুয়ো-ছাগুনে মঅ বিরুদ্ধে উল্লোমী গুরিলাক্। তারা মর্ সুদোমানি ন-পালেলাক্ আর যে রীদি-সুদোমানি পালেইলে মানুচ্ জিংকানি পায় তারা মর্ সেই আইন-কানুনানি মানি চলানা ইন্দি মনযোগ ন-দিলাক্; তারা মর্ দিয়্যে জিরেবার দিনুনোর পবিত্রতাগান রোক্ষ্যে ন-গুরিলাক্। সেনত্তে মুই কলুং ধূল্যেচর-চাগালাত্ মুই তারা উগুরে মর্ রাগ্‌‌কান আর অমকদ অহুজি অনাগান পুরোপুরি ঢালি দিম।

লেবীয় 18:5

মর্‌ সুদোম আর রীদি-সুদোমানি তমাত্তুন্‌ পালন গরা পুরিবো, কিত্তে যে সিয়েনি পালন গুরিবো তে তার্‌ মাধ্যমে জীংকানি পেবঅ। মুই লগেপ্রভু।

মথি লেখ্যে গম্ হবর্ 19:17

যীশু তারে কলঅ, “গম্ কি জিনিস সে পৌইদ্যেনে কিত্তে মরে পুযোর্ গরর্? গম্ বানা একজনে আঘে। যুনি তুই উমর জিংকানি পেবাত্তে চাজ্ সালে তার্ বেক্ উগুমানি পালা।”

মার্ক 12:34

যীশু যেক্কে দেগিলো সেই ধর্ম-মাষ্টরবো জোব্‌‍পান জ্ঞানী ধোক্ক্যেন সেক্কে তে তারে কলঅ, “গোজেন রেজ্যত্তুন্ তুই বেশ্ দূরোত্ নয়।” সেক্কেত্তুন্ ধুরি যীশুরে আর কনঅ প্রশ্ন পুযোর্ গুরিবাত্তে কারঅ সাহস ন-অলঅ।

লূকে লেখ্যে গম্ হবর্ 7:43

শিমোনে কলঅ, “মর্ মনে অয়, যিবের্ বেশ্ কজ্জ খেমা গরা অলঅ সিবেই।” যীশু তারে কলঅ, “তুই ঠিগ্ কোইয়োচ্।”

রোমীয় 10:4

যীশু খ্রীষ্ট রীদি-সুদোম পুরেই দিইনে সিয়েনির্ খেমতাগান্ বাদ্ দি দিয়্যে, যেন তা উগুরে যিগুনে বিশ্বেজ্ গরন্ তারা গোজেনর্ মানি লোইয়্যে অন্।

রোমীয় 3:19

আমি কোই পারিই মোশির্ রীদি-সুদোম তারাত্যে যিগুনে সেই রীদি-সুদোমর্ অধীন। সেনত্তে যিহূদী- অযিহূদী কারর্ কিচ্চু কবার্ নেই, বেক্ মানুচ্চুন্ গোজেন ইধু দুষি ওই আঘন্।

রোমীয় 7:10

আর মর্‌অ মরণ ঘুদিলো। যে উগুমানর্ কারনে জিংকানি পেবার্ কধা সিয়েনে মত্তেই মরণান্ এলঅ,

গালাতীয় 3:12

রীতি-সুদোমে বরং কয়, “যে মানুচ্চো রীতি-সুদোম্ মজিম আঢে তে সিয়েনর্ মাধ্যমে জিংকানি পেবঅ।”

দ্বি’লম্বর বিররণ 6:24

এচ্চ্যে ধোক্ক্যেন যেন আমিঝে আমার্‌ ভালেদি অয় আর আমি বাঁঝি থেই পারিই সেনত্যে লগেপ্রভু আমারে এ বেক্‌ সুদোমানি পালন গুরিবাত্তে আর আমা গোজেন লগেপ্রভুরে ভোক্তি গুরিবাত্তে উগুম্‌ দিয়্যে।