লূকে লেখ্যে গম্ হবর্ 10:16 - Chakma Bible

¹⁶ যীশু তা শিচ্চ্যগুনোরে কলঅ, “যিগুনে তমা কধানি শুনোন্ তারা মঅ কধায়ো শুনোন্। যিগুনে তরে এলাফেলা গরন্ তারা মরেয়ো এলাফেলা গরন্। যিগুনে মরে এলাফেলা গরন্, যিবে মরে পাধেয়্যে তারা তারেই এলাফেলা গরন্।”

লূকে লেখ্যে গম্ হবর্ 10:16 ပူးပေါင်းရင်းမြစ်များ

যাত্রা 16:8

মোশি আরঅ কলদে, “সাজোন্যা অক্তত্‌ যেক্কে লগেপ্রভু তমারে য়েরা দিবো আর বেন্যে অক্তত্‌ দিবো নানান্‌ বাবোত্যা পিদে সেক্কেয়ই তুমি বুঝিবাদে, লগেপ্রভুই‌ তমারে মিসর দেজত্তুন্‌ নিগিলেই আন্যে। তাঁর্‌ বিরুদ্ধে তুমি যেদক্কানি কধা কোইয়ো সিয়েনি বেক্কানি তে শুন্যে। আমি কন্না? এদক্কানি কধা তুমি আজলে আমা বিরুদ্ধে ন-কর্‌, কোইয়োদে লগেপ্রভুর্‌ বিরুদ্ধে।”

মালাখি 1:6

বেগত্তুন্ খেমতাবলা লগেপ্রভু কত্তে, “পুয়ো তা বাবরে আর চাগর্ তা গিরোজোরে সর্মান গরে। যুনি মুই বাপ্ ওই থাং সালে মুই পাঙ্গে সর্মানান্ কুদু? যুনি গিরোজ্ ওই থাং সালে মর্ পাওনা শ্রদ্ধাগান্ কুদু? ও ধর্মগুরুগুন, তুমি মরে ঈচ্ গোজ্য। মাত্তর্ তুমি কত্তে, ‘আমি কেধোক্ক্যেনগুরি তরে ঈচ্ গোজ্যেই?’

গণাণা 14:11

লগেপ্রভু মোশিরে কলঅ, “আর কয়দিন এই মানুচ্চুনে মরে ইংসে-নিন্দে গুরিবাক? তারা ভিদিরে মুই যেদক্কানি আমক্‌ অবার্‌ চিহ্নো দেগেয়োং তার্‌ পরেদিয়ো আর কয়দিন তারা মরে অবিশ্বেজ্ গুরিবাক?

গণাণা 14:2

মোশি আর হারোণর বিরুদ্ধে তারা নানান কধা কলাক্‌। তারা বেক্কুনে মিলিনে তারারে কলাক্, “মিসর দেজত্‌ বা এই ধূল্যেচর চাগালাত্‌ মুরি যানাগানই আমার উজিত এলঅ।

গণাণা 16:11

তুই আর তর্‌ দলর্‌ বেক্‌ মানুচ্চুনে লগেপ্রভুর বিপক্ষে দল পাগেয়ো। হারোণে যে কন্না, তুমি তার বিপক্ষে বক্‌বক্‌ গরর্‌?”

মথি লেখ্যে গম্ হবর্ 10:40

“যে তমারে ভালেদি জানায় তে মরে ভালেদি জানায়; আর যে মরে ভালেদি জানেইনে যিবে পাধেয়্যে তে তারে ভালেদি জানায়।

মথি লেখ্যে গম্ হবর্ 18:5

আর যে কেঅ ইবে ধোক্ক্যেন্ কনঅ চিগোন্ গুরোরে মঅ নাঙে ভালেদি জানায় তে মরে ভালেদি জানায়।

মার্ক 9:37

“যে কেঅ মঅ নাঙে ইবে ধোক্ক্যেন্ কনঅ চিগোন্ চিজিবোরে মঅ নাঙে ভালেদি জানায় তে মরে ভালেদি জানায়, আর যে মরে ভালেদি জানায় বানা মরে নয় মাত্তর্ যিবে মরে পাধেয়্যে তারেয়ো ভালেদি জানায়।”

লূকে লেখ্যে গম্ হবর্ 9:48

সে পরেদি তে তারারে কলঅ, “যে কেঅ মঅ নাঙে এ চিগোন্ চিজিবোরে ভালেদি জানায় তে মরে ভালেদি জানায়। যে মরে ভালেদি জানায়, যিবে মরে পাধেয়্যে তে তারেয়ো ভালেদি জানায়। তমা ভিদিরে বেগত্তুন্ যে চিগোন্, তেয়ই দাঙর্।”

যোহন 12:44

পরেদি যীশু রঅ দাঙর্ গুরিনে কলঅ, “যে মঅ উগুরে বিশ্বেজ্ গরে তে যে বানা মঅ উগুরে বিশ্বেজ্ গরে সিয়েন্ নয়, মাত্তর্ যে মরে পাধেয়্যে তা উগুরেয়ো বিশ্বেজ্ গরে।

যোহন 12:48

যে মরে খিয়্যে ন-গরে আর মঅ কধা ন-শুনে তাত্যে বিচের্ গুরিয়্যে আঘে। যে কধাগান্ মুই কোইয়োং সেই কধাগান্ শেজ্ দিনোত্ তারে দুষী বিলিনে প্রমাণ গুরিবো;

যোহন 13:20

মুই তমারে ঘেচ্চ্যেক্‌গুরি কঙর্, মুই যিবেরে দিপাদাং, যে তারে মানি লয় তে মরেয়ো মানি লয়, আর যে মরে মানি লয়, যিবে মরে পাধেয়্যে তে তারেয়ো মানি লয়।”

প্রেরিত্‌ 5:4

বেজিবার আগেদি ভূইয়ান কি তর্ ন-এলঅ? আর বেজানার্ পরেদিয়ো কি টেঙাগুন্ তঅ আদত্ ন-এলঅ? সালে তুই কিত্ত্যে এবাবোত্যে কাম্ গুরিবে বিলিনে থিক্ গোল্ল্যে? তুই মান্‌জ্য ইধু মিজে ন-কচ্, মাত্তর্ গোজেন ইধু মিজে কধা কোইয়োচ্।”

গালাতীয় 4:14

মর্ অসুগ্‌কানে যুনিয়ো তমারে দুঘ্ দিয়্যে তো তুমি মরে তুচ্চো বা ঈচ্ ন-গরঅ, বরং গোজেনর্ দূত্‌তোরে বা খ্রীষ্ট যীশুরে যেধোক্ক্যেন গুরি মানি লদা সেধোক্ক্যেন গুরি তুমি মরে মানি লোইয়ো।

১ থিষলনীকীয় 4:8

সেনত্যে এ শিক্ষ্যেগান যে এলাফেলা গরে তে মান্‌জ্যরে এলাফেলা ন-গরে, মাত্তর্ যিবে তার্ পবিত্র আত্মাগানরে তমাত্যে দান গোজ্জ্যে তেয়ই গোজেনরে এলাফেলা গরে।