লূকে লেখ্যে গম্ হবর্ 1:7 - Chakma Bible

⁷ তারার্ কনঅ পুয়ো-ছা ন-অয় কিয়া ইলীশাবেতে ভাঝ্ এলঅ। সিয়েন বাদেয়ো তারার্ বয়জঅ অমকদ বেশ্ ওই যেইয়্যে।

লূকে লেখ্যে গম্ হবর্ 1:7 ပူးပေါင်းရင်းမြစ်များ

পত্থম 17:17

এ কধাগান শুনিনে অব্রাহামে মাটিত্‌ মাদা নিগিরি পড়িলো আর আজি আজি মনে মনে কলঅ, “সালে কামাক্কায় একশঅ বোজোজ্যে বুড়োর্‌ পুয়ো-ছা অবঅ, আর্‌ সিবে অবঅ নব্বই বোজোজ্যে মোগো পেদত্‌।”

পত্থম 18:11

সেক্কে অব্রাহাম আর সারার বোউত্‌ বয়জ্‌ ওইয়্যে আর সারার ঝি-পুয়ো অবার বয়জ্‌ হোরে যেইয়্যে।

পত্থম 25:21

ইস্‌হাক মোক্কো ভাঝ্‌ এলঅ বিলি ইস্‌হাকে তাত্তে লগেপ্রভু ইদু ভিক্ষ্যে চেলঅ। লগেপ্রভু সিয়েন মানি লল সেনে রিবিকা পিদিলী অলঅ।

পত্থম 30:1

রাহেলে যেক্কে দেগিলো তে যাকোবর কনঅ ঝি-পুয়োর মা ওই ন পারের সেক্কে তা বোনো উগুরে তা মনত্‌ ইংসে জাগিলো। তে যাকোবরে কলঅ, “মরে ঝি-পুয়ো দে, ন-অলে মুই মুরি যেম্‌।”

১ রাজাবলী 1:1

রাজা দায়ূদে বুড়ো ওই গেলঅ আর তার বয়জ্‌ছান বোউত্‌ ওই গেলঅ। তা কিয়্যেত্‌ বালক্কানি কাবড়লোই ঢাগি দিলেয়ো সিয়েন আর উমুম্‌ ন-অদঅ।

২ রাজাবলী 4:14

ইলীশায় কলঅ, “সালে তাত্তেই কি গরা পুরিবো?” গেহসি কলঅ, “তার্‌ কনঅ পুয়ো নেই আর তা নেক্কোয়ো বুড়ো ওই যেইয়্যে।”

লূকে লেখ্যে গম্ হবর্ 1:5

হেরোদে যেক্কে যিহূদিয়া রেজ্যর্ রাজা এলঅ সে সময়োত্ ধর্মগুরু অবিয়ের দলত্ সখরিয় নাঙে যিহূদীগুনোর্ এক্কো ধর্মগুরু এলঅ। তা মোক্কো নাঙান্ এলদে ইলীশাবেত। তেয়ো এলদে ধর্মগুরু হারোণর এক্কো গুট্টি।

লূকে লেখ্যে গম্ হবর্ 1:6

তারা দ্বিজনে গোজেনর্ চোগেদি ধার্মিক এলাক্। প্রভুর্ বেক্ উগুমানি আর সুদোমানি তারা গমেডালে পালেদাক্।

লূকে লেখ্যে গম্ হবর্ 1:8

একবার্ নিজো দলর্ পালা সময়োত্ সখরিয় ধর্মগুরু ইজেবে গোজেনর সেবা যগোজ্যে।

রোমীয় 4:19

যুনিয়ো প্রায় একশত্ বজরর্ বুড়ো অব্রাহামে বুঝি পাজ্জ্যেদে যে, তা কিয়্যেগান্ অকেজো ওই যেইয়্যে আর সারার্‌অ পুয়ো-ছা অবার্ বয়জ্ আর নেই, তো অব্রাহামর্ বিশ্বেজ্‌চান মন্ মরা ন-এলঅ।

ইব্রীয় 11:11

যুনিয়ো সারার পুয়ো অবার্ বয়জ্‌চান পার্ ওই যেইয়্যে তো বিশ্বেজর্ কারনে তে অব্রাহামর্ পুয়োবো পেদত্ ধুরিবার খেমতা পেয়্যে, কিয়া তে বিশ্বেজ্ গোজ্জ্যেদে, যিবে এগেম্ গোজ্জ্যে তে বিশ্বেজ্‌বলা।

১ শমূয়েল 1:2

ইল্‌কানার দ্বিবে মোক্‌ এলাক; এক্কোর নাঙ্‌ হান্না আর অন্যবোর নাঙ্‌ পনিন্না। পনিন্নার ঝি-পূঅ ওইয়োন মাত্তর্‌ হান্নার কনঅ ঝি-পূঅ ন-অন্‌।