লূকে লেখ্যে গম্ হবর্ 1:53 - Chakma Bible

⁵³ যিগুনোর্ অভাব আঘে, গম্ গম্ জিনিচ্চোই তে তারার্ অভাব্‌পানি পূরোণ গোজ্যে, মাত্তর্ তাগোয়্যেগুনোরে সুদো আঢে বিদেয় গোজ্যে।

লূকে লেখ্যে গম্ হবর্ 1:53 ပူးပေါင်းရင်းမြစ်များ

গীতসংহিতা 146:7

তে অত্যেচারিগুনোর তপ্পে দোল্ বিচের গরে আর যিগুনোর পেট্‌পরা আঘে তারারে হানা দে; লগেপ্রভু বন্দিগুনোরে উদ্ধোর্ গরে।

গীতসংহিতা 34:10

দামারা সিংহগুনোর্ হানার অভাব অয়, তারা পেত্‌ফরায় দুঘ্ পান্; মাত্তর্ যিগুনে লগেপ্রভুর আওজ্ মজিম চলন্ তারার্ ভালেদির্ অভাব ন-অয়।

যিহিষ্কেল 34:29

মুই তারারে বোল্‌‌‌‌বোল্যে ভূই দিম; দেজ ভিদিরে তারা আর ভাদরাদত্ ন-পড়িবাক্ বা অন্য জাদ ইধু অসর্মান ন-অবাক্।

মথি লেখ্যে গম্ হবর্ 5:6

যিগুনে মনে-পরাণে গোজেনর্ আওজ্ মজিম চলিবাত্তে চান্ তারা বর্‍‍‍‍‍পেইয়্যে, কিয়া তারার্ সেই আওজ্‌চান পূরোণ্ অবঅ।

লূকে লেখ্যে গম্ হবর্ 1:54

তে আমা পূরোণি মানুচ্চুনো ইধু যে এগেম্ গোজ্যে, সেবাত্যেগুরি তে তার্ চাগর্ ইস্রায়েলরে সাহায্য গোজ্যে। অব্রাহাম আর তা গুট্টির্ মানুচ্চুনো উগুরে জনম্‌ভরা দোয়্যে গুরিবার্ কধা তে মনত্ রাগেয়্যে।”

লূকে লেখ্যে গম্ হবর্ 6:21

বর্‌পেইয়্যে তুমি, যিগুনোর্ ইক্কিনে পেট্ পুরের্, কিয়া তমার্ ঈল্ অবঅ। যিগুনে ইক্কিনে কানদন্, তুমি বর্‌পেইয়্যে, কারন তুমি আজিবা।

লূকে লেখ্যে গম্ হবর্ 6:24

মাত্তর্ অভিশাব্ পোড়োক্ তাগোয়্যে মানুচ্চুনোর্! তুমি পুরোপুরি সুগ্ ভুগ্ গরর্।

যোহন 6:35

যীশু তারারে কলঅ, “মুয়ই সেই জিংকানি-রুটিগান্। যে মইধু এজে তাত্তুন্ কনদিন্অ পেট্ ন-পুরিবো। যে মঅ উগুরে বিশ্বেজ্ গরে তাত্তুন্ আর কনদিন্অ পানি তিরেচ্‌ ন-পেবঅ।

১ করিন্হীয় 1:26

ভেইলগ্, তমারে যেক্কে ডাগা ওইয়্যে সেক্কে তুমি কিবাবোত্যে মানুচ্‌ এলা সে কধাগান ভাবি চঅ। মান্‌জ্যর্ বিচেরত্ তমা ভিদিরে ভালোক্ জনে যে জ্ঞানী বা খেমতাবলা বা উচ্চ বংশর্ সিয়েন নয়।

১ করিন্হীয় 4:8

তমারে দেগিনে মনে অত্তে তুমি আগে বেক্কানি পেই যেয়ো, আগেদি থাগোইয়্যে ওইয়ো, আর আমারে বাদ দিইনে রাজা ওইনে বৈই আঘ। অবুচ্চ্যই তুমি রাজা অলে গম্ অদঅ, সালে আমিয়ো তমা সমারে রাজা ওই পাত্তং।

১ শমূয়েল 2:5

যিগুনোর পেট্‌তুন ভরা এলাক্ তারা খানাত্যে ইক্কিনে অন্যগুনোর্ কাম্‌ গত্তন; মাত্তর্‌ যিগুনোর পেট্‌ পুরের্‌ তারার পেট্‌ পুরোনা কাদে যেয়েগোই। যে ভাজ্‌ এলঅ তে সাত্তো পূঅর মা ওইয়্যে, মাত্তর্‌ যিবের ভালোক্কুন পূঅ তে ইক্কিনে বল্‌পোজ্যে, ঝি-পূঅর জর্ম দি ন-পারে।