লূকে লেখ্যে গম্ হবর্ 1:49 - Chakma Bible

⁴⁹ কিয়া খেমতাবলা গোজেনে মত্তে কত্তমান্ গম্ কাম্ গোজ্যে। তে পবিত্র।

লূকে লেখ্যে গম্ হবর্ 1:49 ပူးပေါင်းရင်းမြစ်များ

পত্থম 17:1

অব্রাম বয়জ যেক্কে নিরেনোব্বোই বজর সেক্কে লগেপ্রভু তারে দেগা দিইনে কলঅ “মুয়ই বেগত্তুন্ খেমতাবলা গোজেন। তুই মঅ সমারে উদোলোলিগান্ রাগা আর মর্‌ আওজ্ মজিম্‌ আঢিবে।

গীতসংহিতা 111:9

তা মানুচ্চুনোত্তে তে উদ্ধোরর্ বেবস্তা গোজ্যে; তে উগুম দিইনে উমরত্তে তার সুদোমান্ থিদেবর্ গোজ্যে। তে পবিত্র; তে দর্ আর ভোক্তি জাগায়।

গীতসংহিতা 24:8

এই বাঈনী গুরিবার্ রাজাবো কন্না? তে লগেপ্রভু, যিবে বেগত্তুন্ খেমতাবলা আর দাঙর্; সেই লগেপ্রভু, যিবে যুদ্ধোত্ দাঙর্।

গীতসংহিতা 99:3

সে জাদ্‌তুনে তার বাঈনী গোরোদোক্; তে দাঙর্ আর ভোক্তিবলা দর্‌বুক লাগেয়্যে গোজেন; তে পবিত্র।

গীতসংহিতা 99:9

সেনত্তে আমা গোজেন লগেপ্রভুর বাঈনী গরঅ; তা পবিত্র মুড়োবোর মুজুঙোত্ তারে শ্রদ্ধা জানঅ, কিত্তে আমা গোজেন লগেপ্রভু পবিত্র।

যাত্রা 15:11

“ও লগেপ্রভু, দেবেদাগুনো ভিদিরে কন্না আঘে তঅ‌ ধোক্ক্যেন্? কন্না আঘে তঅ ধোক্ক্যেন এমন্‌ পবিত্রতালোয় দাঙর্ আর মহিমালোই দর্‌‌‌‌গরেপারা? এধোক্ক্যেন আমক্‌ কাম গুরিরার্‌ বল্‌ কার্‌ আঘে?

যিশাইয় 1:24

সেনত্তে বেগত্তুন্ খেমতাবলা প্রভু লগেপ্রভু, ইস্রায়েলর্ সেই খেমতাবলা গোজেনে কোইয়্যেদে, “আহ্, মর্ বিপক্ষগুনো আঢত্তুন্ মুই রেহাই পেইম্ আর মঅ শত্রুগুনো উগুরে হেনা উগুরেম্।

যিশাইয় 57:15

যিবে মহান আর বাঈনী গরানালোই বর্ পুনোং, যিবে উমরত্তে জেদা, যিবে নাঙান্ পবিত্র, তে কত্তে, “মুই অজল্ আর সুদ্ধো-সাংগ জাগাত্ বজত্তি গরং, মাত্তর্ যিবের মনান্ নম্র, যিবের্ মনান্ ভাঙিনে কট্টা কট্টা ওইয়্যে মুই তা সমারেয়ো বজত্তি গরং যেনে নম্রগুনোর আর মন ভাঙি যেইয়্যে মানুচ্চুনোর্ মনানি মুই নূয়ো গুরিনে ঠিগ্ গুরি পারং।

যিশাইয় 6:3

তারা একজন আর একজনরে ডাগিনে কদন্, বেগত্তুন্ খেমতাবলা লগেপ্রভু পবিত্র, পবিত্র, পবিত্র; তা মহিমালোই পুরো পিত্‌থিমীগান্ ভর্‌পুনং।

যিশাইয় 63:1

যিবে ইদোমর বস্রাত্তুন্ রাঙা রঙোই রাঙেয়্যে পোজাক্কোই এজের্, তে কন্না? যিবে সয়সাগজ্যে পোজাগে দাঙর্ খেমতালোই উজেই এজের্, তে কন্না? “এইয়্যে মুই, মুই গমেডালে কধা কং, মুই দাঙর্ খেমতালোই উদ্ধোর্ গরং।”

যিরমিয় 10:6

ও লগেপ্রভু, তঅ ধোক্ক্যেন আর কনজন নেই; তুই মহান, তুই খেমতালোই বোলী।

যিরমিয় 20:11

মাত্তর্ লগেপ্রভু খেমতাবলা যোদ্ধা ধোক্ক্যেন মঅ লগে লগে আঘে, সেনত্তে মঅ অত্যেচারিগুনে উজোত্ হেবাক্ আর ন-জিদিবাক। তারা বিফল অবাক্ আর লাজত্ পড়িবাক; তারার অসর্মানান কনজনে ভুলি ন-যেবাক্।

মার্ক 5:13

যীশু অনুমতি দেনার্ পরেদি সেই ভান্ন্যেই আত্মাগুনে নিগিলিনে শূগোরুনো ভিদিরে গেলাক্। সেক্কে বেক্ শূগোরুনে লেদান্যেগান্ পার্ ওইনে জুরে ধাবা গেলাক্ আর সাগর সংমোধ্যে পড়িনে ডুবিনে মুরিলাক্। সে পাল ভিদিরে পেরায় দ্বি আজার্ শূগোর্ এলাক্।

লূকে লেখ্যে গম্ হবর্ 1:48

কিয়া তার্ এ সামান্য চাগরানীবো ইন্দি তে মনযোগ্ দিয়্যে। ইক্কেত্তুন্ ধুরি বেক্ মানুচ্চুনে মরে বর্‌পেইয়্যে কবাক্,

লূকে লেখ্যে গম্ হবর্ 1:50

যিগুনে তারে ভোক্তি গরন্ তারা উগুরে তে দোয়্যে গরে, গুট্টির্ পর্ গুট্টি ধুরি গরে।

ইফিষীয় 3:20

আমা মনত্ গোজেনর্ যে খেমতাগান কাম্ গরের্ সেই খেমতা অনুসারে তে আমার চানা আর চিন্তেত্তুন্‌অ বোউত্ বেশ্ গুরি পারে।

ফগদাং পেইয়্যে 15:4

প্রভু, কন্না বা তরে ন-দোরেব? কন্না বা তর্ নাঙানর্ বাঈনী ন-গুরিবো? বানা তুয়ই দঅ পবিত্র। বেক্‌ জাদ্‌তুনে তইধু এবাক্, বেক্কুনে তর্ উবোসনা গুরিবাক্; কিয়া তর্ ন্যায় বিচেরানি ফগদাং ওইয়্যে।”

ফগদাং পেইয়্যে 4:8

এই চের্‌বো জেদা পরাণবলার্ পত্তিবোর্ ছ'গান গুরি ডুয়ো এলঅ আর বেক্‌ জাগানিত্ চোগ্‌কোই ভরণ এলঅ। সেই পরাণবলাগুনে দিনে-রেদে এ কধাগান কধন্, “বেগত্তুন্ খেমতাবলা প্রভু গোজেন, যিবে এলঅ, যিবে আঘে আর যিবে এজের্, তে পবিত্র, পবিত্র, পবিত্র।”

১ শমূয়েল 2:2

লগেপ্রভু ধোক্ক্যেন পবিত্র আর কনজন নেই, কিত্যে তুই বাদে আর কনঅ গোজেন নেই; আমা গোজেন ধোক্ক্যেন ঝিরেবার-মুড়ো আর নেই।