লূকে লেখ্যে গম্ হবর্ 1:35 - Chakma Bible

³⁵ স্বর্গদূত্তো কলঅ, “পবিত্র আত্মা তঅ উগুরে এবঅ আর দাঙর্ গোজেন ছাবা তঅ উগুরে পুড়িবো। ইয়েনত্তে যে পবিত্র পুয়োবো জোর্মেব তারে গোজেনর্ পুয়ো কুয়ো অবঅ।

লূকে লেখ্যে গম্ হবর্ 1:35 ပူးပေါင်းရင်းမြစ်များ

ইয়োব 14:4

অসিজিত্তুন্‌ কি কনজনে সিজি কিজু বানেই পারন্‌? কনজনে ন-পারন্‌।

ইয়োব 15:16

সালে মানুচ্‌ যে অমকদ বজঙ্‌ আর পানি ধোক্ক্যেন্ বজঙানি খান্‌, তে কনমতে খাটি ওই ন-পারে।

ইয়োব 25:4

সালে গোজেন ইদু মানুচ্চুনে কি নিদ্দুযি ওই পারন্? মিলেগুনো পেদত্তুন্ যে জর্মেয়্যে তে কি সোলিড্ ওই পারে?

গীতসংহিতা 2:7

রাজা কবদে, “লগেপ্রভু যিয়েন ঠিগ্ গোজ্যে মুই সিয়েন ফগদাঙ্ গুরিম; তে মরে কোইয়্যেদে, তুই মঅ পুয়ো, এচ্চ্যে মুই তঅ বাপ্ ওলুং।

গীতসংহিতা 51:5

অয়, জন্মত্তুন্ ধুরি মুই অন্যেয় কামত্ আগং; পাপর্ অবস্থায় মুই মা পেদত্ এলুং।

মথি লেখ্যে গম্ হবর্ 1:18

যীশু খ্রীষ্টর্ জর্ম এবাবোত্যেগুরি ওইয়্যে। যোষেফ সমারে যীশুর মা মরিয়মর বৌ ঠিগ্ ওইয়্যে, মাত্তর্ তারা একসমারে থেবার্ আগেদি পবিত্র আত্মার্ খেমতালোই মরিয়মে পিদিলী ওইয়্যে।

মথি লেখ্যে গম্ হবর্ 1:20

যোষেফে যেক্কে ইয়েনি ভাবের্ সেক্কে গোজেনর এক্কো দূত স্ববনত্ দেগা দিইনে তারে কলঅ, “দায়ূদ বংশধর যোষেফ, মরিয়মরে লবাত্তে ন-দোরেচ্, কিয়া তা পেদত্ যিবে জোর্মেয়্যে তে পবিত্র আত্মার্ খেমতালোই জোর্মেয়্যে। তার এক্কো পুয়ো অবঅ।

মথি লেখ্যে গম্ হবর্ 27:54

যেক্কেনে আর্মি অফিসার আর তা সমারে সৈন্যগুনে যীশুরে চুগি দেদন্ তারা ভূজোল্ আর অন্য বেক্ ঘটনাগানি দেগিনে জদবদে দোরেইনে কলাক্, “ঘেচ্চেকগুরি তে গোজেনর্ পুয়ো এলঅ।”

মথি লেখ্যে গম্ হবর্ 4:3

সেক্কে শদানে এইনে তারে কলঅ, “তুই যুনি গোজেনর পুয়ো অচ্ সালে এই পাত্তরুনোরে রুটি অবাত্তে কঅ।”

মার্ক 1:1

গোজেন পুয়ো যীশু খ্রীষ্ট পৌইদ্যেনে গম্ হবরর্ আরাম্ভ।

মার্ক 1:24

তে রঅ ছাড়িনে কলঅ, “ও নাসরতর্ যীশু, আমা লগে তর্ কি দরকার্? তুই কি আমারে সর্বনাশ্ গুরিবাত্তে এচ্চোস্? মুই হবর্ পাং তুই কন্না; তুই দঅ গোজেনর্ সেই পবিত্র মানুচ্চো।”

লূকে লেখ্যে গম্ হবর্ 1:34

সেক্কে মরিয়ম স্বর্গদূত্তোরে কলঅ, “ইয়েন কেধোক্ক্যেন্ গুরি অবঅ? মর্ দঅ মেলা ন-অয়।”

লূকে লেখ্যে গম্ হবর্ 1:36

চাহ্, এ বুড়ো বয়জত্ তর্ কুদুম্মো ইলীশাবেতর্ পেদত্অ পুয়ো জর্ম ওইয়্যে। মান্‌জ্যে কদাক্ তার ঝি-পুয়ো ন-অবাক্, মাত্তর্ ইক্কিনে তার ছয় মাস চলের্।

যোহন 1:34

মুই সিয়েন্ দেক্ক্যং আর সাক্ষ্য দোঙর্, ইবেই গোজেনর্ পুয়োবো।”

যোহন 1:49

ইয়েন্দোই নথনেল যীশুরে কলঅ, “মাষ্টরবাবু, তুয়ই গোজেনর্ পুয়ো, তুয়ই ইস্রায়েলীয়গুনোর্ রাজা।”

যোহন 20:31

মাত্তর্ ইয়েনি বেক্কানি লেগা অলঅ যাতে তুমি বিশ্বেজ্ গরঅ, যীশুই মশীহ, গোজেনর্ পুয়ো, আর বিশ্বেজ্ গুরিনে যেন তা মাধ্যমে জিংকানি পঅ।

প্রেরিত্‌ 8:36

পধেদি যাদে যাদে তারা এমন্‌ এক্কান জাগাত্ এলাক্ যিয়েনত্ পানি এলঅ। সেক্কে সেই চাগর্‌বো কলঅ, “এইয়্যে চঅ, ইয়েনত্ পানি আঘে; মর্ বাপ্তিষ্ম লবার্ মানা আঘে নাহি?”

গালাতীয় 2:20

মরে খ্রীষ্ট সমারে ক্রুশোত্ দিয়্যে ওইয়্যে। সেনত্যে মুই আর্ জেদা নয়, খ্রীষ্টই মঅ ভিদিরে জেদা আঘে। ইক্কিনে এই কিয়্যেগান্দোই মুই যে জিংকানি কাদাঙর্ সিয়েন গোজেন পুয়োবো উগুরে বিশ্বেজর্ মাধ্যমে কাদাঙর্। তে মরে কোচ্‌‌‌‌পেইনে মত্যে নিজোরে দান গোজ্জ্যে।

ইফিষীয় 2:3

আমি বেক্কুনে আমার পাপ-খাচ্চ্যদর্ কামনা পুরেইনে সেই মানুচ্চুনো ইধু এক সময় জিংকানি কাদেদং। পাপ-খাচ্চ্যদত্তুন্ যেদক্কানি আয়োজ আর চিন্তে জাগে আমি সে অনুসারে কাম গুরিদোং। এ খাচ্চ্যদত্যে আমিয়ো অন্য বেক্কুনো ধোক্ক্যেন গোজেনত্তুন্ সাজা পেবার্ যগাজ্যে এলং।

ইব্রীয় 4:15

আমা দাঙর্ ধর্মগুরুবো এমন্‌ কেঅ নয় যিবে আমা বল্‌পোজ্যেগানিত্যে আমা সমারে পিড়ে ন-পায়, কিয়া আমা ধোক্ক্যেন গুরি তেয়ো বেক্কানিত্তুন্ পাপ পোরোক্ষ্যে মুজুঙোত্ থিয়্যেইয়্যে অদচ পাপ ন-গরে।