লূকে লেখ্যে গম্ হবর্ 1:22 - Chakma Bible

²² পরেদি সখরিয় যেক্কে নিগিলি এলঅ সেক্কে মানুচ্চুনো লগে কধা কোই ন-পারিলো। ইয়েন্দোই মানুচ্চুনে বুঝি পারিলাক্ পবিত্র জাগাত্ তে কনঅ দর্শন পেইয়্যে। তে মানুচ্চুনো ইধু ইজিরেদি কধা কুয়ো ধুরিলো আর ববা ওই রলঅ।

লূকে লেখ্যে গম্ হবর্ 1:22 ပူးပေါင်းရင်းမြစ်များ

যিহিষ্কেল 3:26

তুই যেনে জুরো গুরি থাচ্ আর তারারে গেইল্ দি ন-পারচ্ সেনত্তে মুই তঅ জিলান্ তঅ মুয়ো তাল্লোত্ আক্‌সো দিম। ইস্রায়েলীয়গুনে দঅ এক্কো উল্লোমী জাদ্।

লূকে লেখ্যে গম্ হবর্ 1:21

ইন্দি মানুচ্চুনে সখরিয়ত্তে বাজ্জেই আগন্। উবোসনা-ঘরর্ পবিত্র জাগানত্তে তার্ দেরি অর্ দেগিনে তারা চিদে গরা ধুরিলাক্।

লূকে লেখ্যে গম্ হবর্ 1:23

ধর্মগুরুবোর্ কামর্ পালা থুম্ অনার পরেদি সখরিয় ঘরত্ গেলঅ।

লূকে লেখ্যে গম্ হবর্ 1:62

তারা ইজিরেদি পুয়োবো বাব্‌পোত্তুন্ জানিবাত্তে চেলাক্ তে কি নাঙ্ দিবাত্তে চাই।

যোহন 13:24

শিমোন-পিতর তারে ইজিরেদি কলঅ, “তে কা কধা কর্ পুযোর্ গরঅ।”

প্রেরিত্‌ 12:17

পিতরে তারারে জুরো অবাত্যে আঢ্‌তোই ইজিরে দিলো আর জেলখানাত্তুন্ প্রভু তারে কেধোক্ক্যেন্ গুরি নিগিলেই আন্ন্যে সিয়েন জানেল। যেরেদি তে কলঅ, “এ হবরান্ যাকোব আর অন্য ভেইয়ুনোরেয়ো দুয়ো।” এ কধাগান কোইনে তে নিগিলিনে অন্য জাগাত্ গেলগোই।

প্রেরিত্‌ 19:33

যিহূদীগুনে আলেক্‌সান্দররে মুজুঙোত্ ঠিলি দিলে পরেদি কয়েক্কো মান্‌জ্যে তারে কোই দিলাক্ কি কুয়ো পরিবো। সেক্কে আলেক্‌সান্দরে মানুচ্চুনো মুজুঙোত্ নিজো পক্ষে কধা কবাত্যে আঢ ইজিরেলোই মানুচ্চুনোরে জুরো গুরিবাত্তে চেষ্টা গুরিলো।

প্রেরিত্‌ 21:40

আজল্ সেনাপতিবোর্ অনুমতি পেইনে পৌলে সিড়ি উগুরে থিয়্যেল আর আঢ্ তুলিনে মানুচ্চুনোরে জুরো অবাত্তে ইজিরে দিলো। মানুচ্চুনে জুরো অলে পরেদি পৌলে ইব্রীয় কধাদি তারারে কলঅ,