লূকে লেখ্যে গম্ হবর্ 1:20 - Chakma Bible

²⁰ চাহ্, মঅ কধাগান সময়মজিম্ পূরোণ অবঅ, মাত্তর্ তুই মঅ কধাগান বিশ্বেজ্ ন-গরচ্ বিলি ববা ওই থেবে। যেদক বিলোন্ সং ইয়েনি বেক্কানি ন-ঘদে সেদক্ বিলোন্ সং তুই কধা কোই ন-পারিবে।”

লূকে লেখ্যে গম্ হবর্ 1:20 ပူးပေါင်းရင်းမြစ်များ

২ রাজাবলী 7:19

জোবত্‌ সে কাম্‌গুরিয়্যেবো গোজেন মানুচ্চোরে কোইয়্যেদে, “চাহ্, লগেপ্রভু যুনি আগাজ দোরান্‌অ খুলি দে তো কি ইয়েন্‌ ওই পারে?” গোজেন মানুচ্চো কোইয়্যেদে, “তুই নিজের্‌ চোগে সিয়েন্‌ দেগিবে, মাত্তর্‌ সিয়েনি কিচ্ছু তুই হেই ন-পারিবে।”

২ রাজাবলী 7:2

রাজারে যে কামগুরিয়েবো বল্‌ দিয়্যে তে গোজেন মানুচ্চোরে কলঅ, “চাহ্, লগেপ্রভু যুনি আগাজ দোরান্‌অ খুলি দে তো কি ইয়েন্‌ ওই পারে?” জোবত্‌ ইলীশায় কলঅ, “তুই নিজোর্‌ চোগেন্দি সিয়েন্‌ দেগিবে, মাত্তর্‌ সিয়েনির্‌ কনগান্‌ তুই হেই ন-পারিবে।”

যাত্রা 4:11

মাত্তর্‌ লগেপ্রভু তারে কলঅ, “মান্‌‌জ্যর মুয়োনি কন্না বানেই দিয়্যে? কন্না তারে বুব্‌, বহ্‌রা, চোখ কান্‌ গোজ্যে? আর কন্না বা তারে চোগোদি দেগিবার্‌ খেমতাগান্‌ দিয়্যে? সিবে কি মুই লগেপ্রভু নয়?

যিশাইয় 7:9

ইফ্রয়িমর্ মাঢা শমরিয়াই বা কি, আর শমরিয়ার মাঢা রমলিয়র পুয়োবো বা কন্না? তমার্ বিশ্বেজে যুনি তুমি থির্ ওইনে ন-থাগ সালে তুমি কনবাবদে থিয়্যেই থেই ন-পারিবা।’ ”

যিহিষ্কেল 24:27

সে অক্তত্ তঅ মুয়োন খুলো যেবঅ; তুই তা সমারে কধা কবে, তঅ জিলান্ আর আক্‌‌‌‌‌‌‌‌‌‌‌‌‌সোয়ে ন-থেবঅ। এবাবোত্যেগুরি তুই তারা ইধু এক্কান চিহ্নো অবে আর তারা হবর্ পেবাক, মুয়ই লগেপ্রভু।”

যিহিষ্কেল 3:26

তুই যেনে জুরো গুরি থাচ্ আর তারারে গেইল্ দি ন-পারচ্ সেনত্তে মুই তঅ জিলান্ তঅ মুয়ো তাল্লোত্ আক্‌সো দিম। ইস্রায়েলীয়গুনে দঅ এক্কো উল্লোমী জাদ্।

দানিয়েল 10:15

তে যেক্কেনে মরে এ কধাগান কর্ সেক্কে মুই মাঢা নিগিজ্যে এলুং, মর্ মুয়োদি কনঅ কধা ন-এলঅ।

গণাণা 20:12

মাত্তর্‌ লগেপ্রভু মোশি আর হারোণরে কলঅ, “তুমি মঅ উগুরে বিশ্বেজ্ ন-গরঅ আর ইস্রায়েলীয়গুনোর মুজুঙোত্‌ মরে সুদ্ধো-সাংগ বিলি ন-মানঅ। সেনত্তে যে দেজ্‌চান্‌ মুই ইস্রায়েলীয়গুনোরে দিম্‌ তুমি তারারে সিয়েনত্‌ নেযেই ন-পারিবা।”

মার্ক 16:14

ইয়েনর্ পরেদি যীশু তার্ এগারজন শিচ্চ্য ইধু দেগা দিলো। সেক্কে তারা হানা খাদন্। বিশ্বেজর্ অভাব আর মনানি দরমর বিলি তে তারারে গেইল্ দিলো, কিয়া তে মরণত্তুন্ জেদা ওই উদোনার্ পরেদি যিগুনে তারে দেখ্যন্ সিগুনোর্ কধানি তারা বিশ্বেজ্ ন-গরন্।

মার্ক 9:19

সেক্কে যীশু কলঅ, “অবিশ্বেজি মানুচ্চুন! আর কয়দিন মুই তমা সমারে থেইম্? কয়দিন তমারে সোজ্য গুরিম্? পুয়োবোরে মইধু আন।”

লূকে লেখ্যে গম্ হবর্ 1:19

স্বর্গদূত্তো তারে কলঅ, “মঅ নাঙান্ গাব্রিয়েল; মুই গোজেন মুজুঙোত্ থিয়্যেই থাং। তঅ লগে কধা কবাত্তে আর তরে এ গম্ হবরান্ দিবাত্তে গোজেনে মরে পাধেয়্যে।

লূকে লেখ্যে গম্ হবর্ 1:21

ইন্দি মানুচ্চুনে সখরিয়ত্তে বাজ্জেই আগন্। উবোসনা-ঘরর্ পবিত্র জাগানত্তে তার্ দেরি অর্ দেগিনে তারা চিদে গরা ধুরিলাক্।

লূকে লেখ্যে গম্ হবর্ 1:22

পরেদি সখরিয় যেক্কে নিগিলি এলঅ সেক্কে মানুচ্চুনো লগে কধা কোই ন-পারিলো। ইয়েন্দোই মানুচ্চুনে বুঝি পারিলাক্ পবিত্র জাগাত্ তে কনঅ দর্শন পেইয়্যে। তে মানুচ্চুনো ইধু ইজিরেদি কধা কুয়ো ধুরিলো আর ববা ওই রলঅ।

লূকে লেখ্যে গম্ হবর্ 1:45

তুই বর্‌পেইয়্যে, কিয়া তুই বিশ্বেজ্ গোজ্যস্, প্রভু তরে যিয়েন কোইয়্যে সিয়েন্ পূরোণ অবঅ।”

লূকে লেখ্যে গম্ হবর্ 1:64

আর সেক্কে সখরিয় মুয়োন্ আহ্ জিলান্ খুলিলো আর তে কধা কনা আহ্ গোজেনরে বাঈনী গরা ধুরিলো।।

রোমীয় 3:3

খালিক্ তারাত্তুন্ কয়েক্কো মানুচ্‌ অবিশ্বেজি ওইয়োন্, মাত্তর্ সিয়েন্দোই কি অবঅ? তারা অবিশ্বেজি ওইয়োন্ বিলি কি গোজেনেয়ো অবিশ্বেজি অবঅ?

২ তীমথিয় 2:13

আমি অবিশ্বেজি অলেয়ো তে বিশ্বেজি থায়, কিয়া তে নিজোরে অস্বিগের্ গুরি ন-পারে।

তীত 1:2

উমর্‌‌অ জিংকানি পেবার আজালোই মুই খ্রীষ্টরে সেবা গুরি যাঙর্। জগদ্‌‌তান সৃট্টি অবার আগেদি গোজেনে, যিবে মিজে কধা ন-কয়, তে এই জিংকানিগান দিবার এগেম্ গোজ্জ্যে।

ইব্রীয় 6:18

গোজেনর্ এগেম্ আর শমথ্‌তান কনদিন্অ ন-বদলায়। গোজেন, যিবের্ পৌইদ্যেনে মিজে মাঢানা সম্ভব নয়, তেয়ই এ এগেমান্ আর শমথ্‌তান গোজ্জ্যে, যেনে আমা মুজুঙোত্ যে আজাগান আঘে সিয়েন গমেডালে ধুরিবাত্যে ধাবা দিবাত্যেই আমি বোউত্ উচ্চোমি পেই।

ফগদাং পেইয়্যে 3:19

মুই যিগুনোরে কোচ্‌পাং সিগুনোরে দুষ্ দেগেই দুয়োং আর শাসন গরং। সেনত্যে এ অবস্থাত্তুন্ মনানি ফিরেবাত্যে আওজি অং।