লেবীয় 8:35 - Chakma Bible

³⁵ তুমি যেন মারা ন-পড় সেনত্তে এচ্চ্যেত্তুন্‌ ধুরি সাত দিন সং তুমি দিন-রেদ্‌ মিলন-তাম্বুলো ভিদিরে থেবা আর লগেপ্রভু চাইদে ধোক্ক্যেন গুরি কাম্‌ গুরিবা। মুই এ উগুমান পেইয়োং।”

লেবীয় 8:35 ပူးပေါင်းရင်းမြစ်များ

১ রাজাবলী 2:3

তর্‌ গোজেন লগেপ্রভুর আওজ্ মজিম্‌ তুই তার পধেন্দি আদিবে আর মোশির রীদি-সুদোমত্ লেগা লগেপ্রভুর বেক্‌ সুদোম, উগুম, হুকুম আর দাবিগানি মানি চলিবা। সেক্কে তুই যিয়েনি গত্তে সাৎ আর যিয়োদোই যেদে সাৎ ফোলেই পারিবে।

যাত্রা 29:35

হারোণ আর তার্‌ পূঅগুনোত্তে মুই যিয়েনি যিয়েনি তরে গুরিবাত্যেই কলুং সিয়েনি বেক্কানি তুই গুরিবে। এই অদেঅদে-অনুষ্ঠানান্‌ তুই সাত্‌ দিন সং গুরিবে।

যিহিষ্কেল 43:25

“সাত দিন ধুরি তত্তুন্ পত্তিদিন পাপ-উৎসর্বত্তে এক্কো গুরি পাদা দিয়্যে পুরিবো। ইবে বাদেয়ো এক্কো দামাড়া গোরু আর পালত্তুন্ এক্কো ভেড়া ছাগল দিয়্যে পুরিবো; বেক্কুন যেনে গম্ তেল্‌‌‌‌তেল্যে অয়।

যিহিষ্কেল 48:11

এই বিশেষ ভাগ্‌কান অবদে মর্ নাঙে যুদো গোজ্যে সাদোক বংশর্ ধর্মগুরুগুনোত্তে। তারা মরে সেবা গরানাত্ বিশ্বেজি এলাক্ আর ইস্রায়েলীয়গুনো সমারে ভান্ন্যেই পধেদি যেইয়্যে লেবীয়গুনো ধোক্ক্যেন তারা ভান্ন্যেই পধেদি ন-যান্।

লেবীয় 10:1

হারোণর্‌ পূঅ নাদব আর অবীহূ তারা আগুনো পিলেলোই আগুন্‌ নেযেইনে সিবে উগুরে ধূপ দিলাক্। তারা লগেপ্রভুর্ উগুমোর্‌ বারেন্দি অন্য আগুন্দোই‌ লগেপ্রভুর্ নাঙে ধূপ-উৎসর্ব গুরিলাক্।

লেবীয় 14:8

যিবেরে সুদ্ধো-সাংগ গরা অবঅ তে তার্‌ কাবড়-চুগোরানি ধোয় ফেলেব, কিয়্যেগানর্‌ আর মাদাবোর্‌ বেক্‌ কেশ্‌চানি আর চুলানি কাবিবো আর পানিত্‌ গাদা পুরিবো। সে পরেদি তে সুদ্ধো-সাংগ অবঅ। ইয়েনর্ পরেদি তে ঘরত্‌ চোমে পারিবো মাত্তর্‌ তাত্তুন্‌ সাত দিন সং তার্‌ নিজো ঘরর্‌ বারেন্দি থাহ্‌ পুরিবো।

লেবীয় 8:30

ইয়েনর্ পরেদি মোশি কিজু অভিষেগর্‌ তেল্‌ আর পূজোত্তুন্‌ কিজু লো নেযেইনে হারোণ আর তার্‌ পূঅগুনো উগুরে আর তারার্‌ পোজাগ উগুরে ছিদি দিলো। ইঙিরিনে হারোণ আর তার্‌ পূঅগুনোরে আর তারার্‌ পোজাক্কানি লগেপ্রভুর্ নাঙে যুদো গরা অলঅ।

লেবীয় 8:34

এচ্চ্যে যিয়ান্‌ গরা অলঅ সিয়ান্‌ লগেপ্রভুর্ উগুমে তমার্ পাপ্‌পানি ঢাগি দিবার্‌ বেবস্থা ইজেবে গরা অলঅ।

লেবীয় 8:36

মোশিরে দিইনে লগেপ্রভু যিয়েন্‌ গুরিবাত্তে উগুম্‌ গোজ্যে হারোণে আর তার্‌ পূঅগুনে সিয়েনি বেক্কানি গুরিলাক্।

গণাণা 19:12

তিন দিনোত্‌ আর সাত দিনোত্‌ তাত্তুন্‌ সিজি গুরিবার পানিলোই নিজোরে সিজি গরা পুরিবো আর সে পরেদি তে সিজি অবঅ। মাত্তর্‌ যুনি তে তিন দিনোত্‌ আর সাত দিনোত্‌ এধোক্ক্যেনগুরি নিজোরে সিজি গুরি ন-নেযায় সালে তে অসিজি অবস্থায় থেই যেবঅ।

গণাণা 3:7

তারা বেক্‌ ইস্রায়েলীয়গুনোর্‌ ওইনে মিলন-তাম্বুলোত হারোণর অধীনোত্‌ থেবার-তাম্বুলর কাম্‌ গুরিবাক।

গণাণা 9:19

থেবার-তাম্বুলান উগুরে মেঘ্‌কান যেক্কে ভালোক্‌ দিন সং থেদঅ ইস্রায়েলীয়গুনে সেক্কে লগেপ্রভুর উগুমানি মানিনে ন-যেদাক্।

২ করিন্হীয় 7:1

কোচ্‌পেইয়্যে সমাজ্যেগুন, আমাত্যে এ বেক্‌ এগেমানি গরা আঘে বিলিনে এজঅ, আমি কিয়্যে আর মনর্ বেক্‌ অসিজিয়ানিত্তুন্ নিজোরে সিজি গুরিই আর গোজেন উগুরে ভক্তিগুরি দোরেইনে পুরোপুরি পবিত্রতার্ পধেদি উজেই যেই।

দ্বি’লম্বর বিররণ 11:1

তমার গোজেন লগেপ্রভুরে কোচ্‌পেবা আর তে যিয়েন্‌ চায় সিয়েন্‌ গুরিবা আর তার্‌ সুদোমানি, হুকুমানি আর উগুমানি আমিঝে পালন গুরিবা।

১ তীমথিয় 1:18

কোচ্‌পেইয়্যে পুয়ো তীমথিয়, তঅ পৌইদ্যেনে অন্যগুনে ভাববাদী ইজেবে যে কধানি কোইয়োন সেই কধা মজিম মুই তরে এ উগুমান দুয়োঙর্। সেই কধানি ইদোত্ রাগেইনে তুই খ্রীষ্টর পক্ষে মনেপরাণে যুদ্ধো গুরি যাহ্,

১ তীমথিয় 5:21

গোজেন আর খ্রীষ্ট যীশু আর বেঈ লোইয়্যে স্বর্গদূত্‌‍‍‍ত‌‍‍ুনো মুজুঙোত্ মুই তরে এ উগুমান দুয়োঙর্-কারঅ পক্ষ ন-লোইনে ইয়েনি বেক্কানি গুরিবে আর একচোক্ক্যে ওইনে কনঅ কাম ন-গুরিচ্।

১ তীমথিয় 6:13

গোজেন, যিবে বেক্কুনোরে জিংকানি দান গরে আর খ্রীষ্ট যীশু, যিবে পন্তীয় পীলাত মুজুঙোত্ সত্যর্ পৌইদ্যেনে সাক্ষ্য দিয়্যে, সেই গোজেন আর খ্রীষ্ট যীশুর্ মুজুঙোত্ মুই তরে এ উগুমান দুয়োঙর্-

১ তীমথিয় 6:17

যিগুনে এ জগদত্ থাগোইয়্যে তারারে এ উগুমান দে যেন তারা দেমাগ্ ন-গরন আর কানগ্‌‌কন্ন্যে ধন উগুরে নির্ভর ন-গুরিনে গোজেন উগুরে নির্ভর গরন। তেয়ই ভোগ্ গুরিবাত্যে বেক্ জিনিস্‌‌চানি খুলো আঢে আমারে দান গরে।

১ তীমথিয় 6:20

ও তীমথিয়, যিয়েন রোক্ষ্যে গুরিবাত্যে তরে দিয়্যে ওইয়্যে সিয়েন গমেডালে রোক্ষ্যে গর্। মিজে জ্ঞানর্ ভোক্তি-নেইয়্যে বাজে কধা আর ভুল্ শিক্ষ্যেত্তুন্ দূরোত্ থাগ্।

২ তীমথিয় 4:1

খ্রীষ্টর্ ফিরি এজানা আর তা রেজ্য পৌইদ্যেনে মনত্ রাগেইনে গোজেন মুজুঙোত্ আর যিবে জেদা আর মরাগুনোর্ বিচের্ গুরিবো সেই খ্রীষ্ট যীশুর্ মুজুঙোত্ মুই তরে এ উগুমান দুয়োঙর্-

ইব্রীয় 7:28

রীদি-সুদোমে মন্-মরা মানুচ্চুনোরে দাঙর্ ধর্মগুরু পদত্ নেযায়; মাত্তর্ রীদি-সুদোমর্ পরেদি যে শমক্ গরা ওইয়্যে সেই শমক্‌কান্ উমরত্যে পূরোণ ওইয়্যে গোজেনর্ পুয়োবোরে দাঙর্ ধর্মগুরু পদ্‌তানত্ নেযা ওইয়্যে।