লেবীয় 8:33 - Chakma Bible

³³ তমার্ এ অদেঅদে-অনুষ্ঠানান্‌ সাত দিন সং চুলিবো। সেনত্তে এ অনুষ্ঠানান্‌ থুম্ ন-অনা সং এ সাতদিন তুমি মিলন-তাম্বুলোর দোরানর্ বারেন্দি ন-যেবা।

লেবীয় 8:33 ပူးပေါင်းရင်းမြစ်များ

যাত্রা 29:30

হারোণর্ পরেদি তার্‌ যে পূঅবো ধর্মগুরু ওইনে মিলন-তাম্বুলর্‌ পবিত্র জাগানত্‌ সেবা গুরিবাত্তে যেবঅ‌ তাত্তুন্‌ সাত দিন সং এই পোজাক্কানি কিয়্যেত্‌ রাগা পুরিবো।

যাত্রা 29:35

হারোণ আর তার্‌ পূঅগুনোত্তে মুই যিয়েনি যিয়েনি তরে গুরিবাত্যেই কলুং সিয়েনি বেক্কানি তুই গুরিবে। এই অদেঅদে-অনুষ্ঠানান্‌ তুই সাত্‌ দিন সং গুরিবে।

লেবীয় 14:8

যিবেরে সুদ্ধো-সাংগ গরা অবঅ তে তার্‌ কাবড়-চুগোরানি ধোয় ফেলেব, কিয়্যেগানর্‌ আর মাদাবোর্‌ বেক্‌ কেশ্‌চানি আর চুলানি কাবিবো আর পানিত্‌ গাদা পুরিবো। সে পরেদি তে সুদ্ধো-সাংগ অবঅ। ইয়েনর্ পরেদি তে ঘরত্‌ চোমে পারিবো মাত্তর্‌ তাত্তুন্‌ সাত দিন সং তার্‌ নিজো ঘরর্‌ বারেন্দি থাহ্‌ পুরিবো।

লেবীয় 15:13

“যেক্কে কনঅ মান্‌জ্যর্‌ স্রাব থামেই যেবঅ সেক্কেত্তুন্‌ ধুরি সুদ্ধো-সাংগ অবাত্তে সাত দিন গুণিনে সাত দিনোত্‌ তারে তার্‌ কাবড়-চুগোর্‌ ধোয়নে গঙার্‌ পানিত্‌ গাদি ফেলা পুরিবো আর সেক্কে তে সুদ্ধো-সাংগ অবঅ।”

লেবীয় 8:34

এচ্চ্যে যিয়ান্‌ গরা অলঅ সিয়ান্‌ লগেপ্রভুর্ উগুমে তমার্ পাপ্‌পানি ঢাগি দিবার্‌ বেবস্থা ইজেবে গরা অলঅ।

গণাণা 19:12

তিন দিনোত্‌ আর সাত দিনোত্‌ তাত্তুন্‌ সিজি গুরিবার পানিলোই নিজোরে সিজি গরা পুরিবো আর সে পরেদি তে সিজি অবঅ। মাত্তর্‌ যুনি তে তিন দিনোত্‌ আর সাত দিনোত্‌ এধোক্ক্যেনগুরি নিজোরে সিজি গুরি ন-নেযায় সালে তে অসিজি অবস্থায় থেই যেবঅ।