লেবীয় 8:13 - Chakma Bible

¹³ সে পরেদি তে হারোণর্‌ পূঅগুনো মুজুঙোত্ আনিনে তারা কিয়্যেত্ সিলুম্‌ উরেই দিলো আর কমরত্‌ ফারদ্‌ দুড়ি বাঁনিনে মাঢাত্‌ তোক্কে পিনেই দিলো। বেক্কানি মোশি লগেপ্রভুর্ উগুম মজিম্ গুরিলো।

লেবীয় 8:13 ပူးပေါင်းရင်းမြစ်များ

গীতসংহিতা 132:9

তঅ ধর্মগুরুগুনে ন্যায়র পোজাক্ উরোদোক্, আর তঅ ভক্তগুনে রঙ্গ-ফুত্তিয়ে গীদ্ গাদোক্।

যাত্রা 40:13

পরেন্দি হারোণরে পবিত্র পোজাক্কানি উরেইনে অভিষেগ গুরি মর্‌ নাঙে যুদো গুরিবে যেনে তে ধর্মগুরু ওইনে মরে সেবা গুরি পারে।

যাত্রা 40:16

লগেপ্রভু মোশিরে যেধোক্ক্যেন গুরি উগুম দিয়্যে মোশি সেধোক্ক্যেন বেক্কানি গুরিলো।

যিশাইয় 61:10

মুই লগেপ্রভুরে নিইনে খুব হুজি ওম্; মঅ পরাণানে মর্ গোজেনরে নিইনে হুজি গুরিবো, কিত্তে জামেইবো যেবাবোত্যেগুরি নিজো মাঢাবোত্ হবঙান্ বানে আর নূয়ো বৌবো নিজোরে সোনা-রূবোলোই সাজাই সেবাবোত্যেগুরি তে মরে উদ্ধোরর্ কাবড়ান উরেয়্যে আর সততার্ পোজাকে সাজেয়্যে।

যিশাইয় 61:6

তমারে কুয়ো অবঅ লগেপ্রভুর ধর্মগুরু; তমা নাঙানি অবঅ আমা গোজেনর সেবাগুরিয়্যে। তুমি জাদ্‌তুনোর ধন-সোম্বোত্তিগানি ভোগ গুরিবা আর তারার ধনানিলোই বাড়্‌বো গুরিবা। ‍

যিহিষ্কেল 42:14

ধর্মগুরুগুনে সেবা-কামত্তে উবোসনা-ঘরত্ যে কাবড়ানি পিনিনে সোমেবাক্ সিয়েনি এ বিল্ডিং দ্বিয়েনত্ খুলিবাক্ আর সে পরেদি বারেদি উদোনত্ যেই পারিবাক্, কিত্যে সিয়েনি সুদ্ধো-সাংগ পোজাক্। সাধারণ মানুচ্চুনো জাগাত্ যেবার আগেদি তারাত্তুন্ অন্য কাবড় পিনে পড়িবো।”

লেবীয় 10:5

মোশির্‌ উগুমে তারা এইনে নাদব আর অবীহূরর্‌ মরাকিয়্যে দ্বিয়ান্‌ ঘরর্‌ বারেন্দি নেযেলাক্। সেক্কেয়ো তারার্‌ কিয়্যেত্‌ ধর্মগুরুগুনোর্ সিলুমুন এলঅ।

লেবীয় 8:21

ভেড়াবোর্ পেদ ভিদিরে ভাগ্‌কানি আর টেঙানি তে পানিলোই ধোইনে গোদা ভেড়াবো পুজ্যে-উৎসর্ব ইজেবে পূজোবো উগুরে পুড়ি ফেলেল। ইবে লগেপ্রভুর্ নাঙে আগুন্দোই-গোজ্যে উৎসর্ব ভিদিরে এক্কো, যিবের্‌ তুম্বাজে লগেপ্রভু হুজি অয়্‌। মোশি বেক্কানি লগেপ্রভুর্ উগুম মজিম্ গুরিলো।

১ পিতর 2:9

মাত্তর্ তুমি দঅ “বেঈ লোইয়্যে বংশ ওইয়ো; তমারে দিইনে বানা ওইয়্যেদে ধর্মগুরুগুনোর্ রেজ্যগান; তুমি গোজেনর্ নাঙে ফারগ্ গোজ্জ্যে জাদ্ আর তার্ নিজোর্ মানুচ্ ওইয়ো;” যেন আন্ধারত্তুন্ যিবে তমারে তার্ আমক্ অবার্ পহ্‌রত্ ডাগি আন্ন্যে তুমি তারে গুণগীত্ গঅ।

ফগদাং পেইয়্যে 1:6

তে আমারে নিইনে এক্কান রেজ্য বানেয়্যে আর তার বাব আর গোজেনর্ সেবাত্যে ধর্মগুরু বানেয়্যে। উমরত্যে যীশু খ্রীষ্টর নাঙে বাঈনী ওক্‌ আর উমরত্যে তা খেমতাগান থোক্। আমেন।

ফগদাং পেইয়্যে 5:10

তুই তারারে লোইনে এক্কান রেজ্য বানেয়োচ্ আর আমা গোজেনরে সেবা গুরিবাত্যে ধর্মগুরু বানেয়োচ্। পিত্‌‌থিমীত্ তারা রাজাগিরি গুরিবাক্।”