লেবীয় 8:12 - Chakma Bible

¹² পরেদি তে অভিষেগ-তেলান কিজু লোইনে হারোণর্‌ মাদা উগুরে ঢালি দিইনে তারে লগেপ্রভুর্ নাঙে ফারক গুরিবাত্তে অভিষেগ গুরিলো।

লেবীয় 8:12 ပူးပေါင်းရင်းမြစ်များ

গীতসংহিতা 133:2

সিয়েন যেন মাঢাত্ ঢালি দিয়্যে মংগা তেল্ যিয়েন ঝুরি পুরিনে হারোণর দাড়িনি বেই যেইনে, বেই পোজ্যেগোই তা সিলুম কলার উগুরে।

যাত্রা 28:41

তর্‌ ভেই হারোণ আর তার্‌ পূঅগুনোর্‌ এই বেক্‌ পোজাক্কানি পিনেই দিইনে তুই তারারে তেল্লোই অভিষেক গুরিনে ধর্মগুরু ইজেবে বোজেই দিবে। লগেপ্রভুর্‌ নাঙে তুই তারারে ফারক্‌ গুরি নেযেবে যেনে তারা ধর্মগুরু ওইনে মরে সেবা গুরি পারন।

যাত্রা 29:7

ইয়েনর্ পরেদি অভিষেকর্‌ তেলান্ তা মাদাবোত্‌ ঢালি দিইনে তারে অভিষেক্‌ গুরিবে।

যাত্রা 30:30

“হারোণ আর তার্‌ পূঅগুনে যেনে ধর্মগুরু ওইনে মরে সেবা গুরি পারন্‌ সেনত্তে তুই তারারে অভিষেক গুরিনেই মঅ নাঙে ফারক্‌ গুরি নেযেবে।

লেবীয় 10:7

তমা কিয়্যেত্‌ লগেপ্রভুর্ অভিষেগর্-তেল্‌ দিয়্যে ওইয়্যে, সেনত্তে তুমি মিলন-তাম্বুলোর দোরানর্ বারেন্দি ন-যেবা, গেলে মুরি যেবা। তারা মোশির্‌ কধা মানিলাক্।

লেবীয় 4:3

“কনঅ দাঙর্‌ ধর্মগুরু যুনি সেধোক্ক্যেন কনঅ অন্যেয়্‌ গুরি ফেলায়্‌ যিয়েনত্তে বেক্‌ মানুচ্চুন্‌ দুষি অন্‌, ছালে সিয়েনত্তে তাত্তুন্‌ পাপ্‌-উৎসর্ব ইজেবে লগেপ্রভু ইদু এক্কো থুদো নেইয়্যে গোরু আনা পুরিবো।”

লেবীয় 7:36

যেদিন্যে তারারে আশিদ্‌বাদ গরা ওইয়্যে সেদিন্যেই লগেপ্রভু ইস্রায়েলীয়গুনোরে উগুম্‌ গোজ্যেদে যেন তারা বংশর্‌ পর্‌ বংশ ধুরিনে অক্ত মজিম্ এ ভাগ্‌কান্‌ তারারে দুয়োন।

লেবীয় 8:30

ইয়েনর্ পরেদি মোশি কিজু অভিষেগর্‌ তেল্‌ আর পূজোত্তুন্‌ কিজু লো নেযেইনে হারোণ আর তার্‌ পূঅগুনো উগুরে আর তারার্‌ পোজাগ উগুরে ছিদি দিলো। ইঙিরিনে হারোণ আর তার্‌ পূঅগুনোরে আর তারার্‌ পোজাক্কানি লগেপ্রভুর্ নাঙে যুদো গরা অলঅ।