1 ইয়েনর্ পরেদি লগেপ্রভু মোশিরে কলঅ,
মাত্তর্ হারোণ আর তা বংশর মানুচ্চুনে গোজেন চাগর্ মোশির বেক্ উগুম মজিম্ পূজ্যে-উৎসর্ব ডালি আর আগর্বাট্টি-পূজো উগুরে উৎসর্ব অনুষ্ঠানানি গুরিদাক্ আর দাঙর্ সুদ্ধো-সাংগ জাগানিত্ যিয়েনি গুরিবার দরকার্ সিয়েনি গুরিদাক্ আর ইস্রায়েল জাদ পাপ্পানি ঢাগি দিবার্ বেবস্থা গুরিদাক্।
তা ধর্মগুরুগুনোর্ ভিদিরে অলাক্ মোশি আর হারোণ; যিগুনে তাইদু তবনা গুরিদাক্ তারার ভিদিরে এলদে শমূয়েল। মোশি, হারোণ আর শমূয়েলে লগেপ্রভুরে ডাগিদাক্ আর তে তারারে জোব্ দিদো।
তুই ইস্রায়েলীয়গুনো ভিদিরেত্তুন্ তর্ ভেই হারোণ আর তার্ পূঅ নাদব, অবীহূ, ইলীয়াসর আর ঈথামররে তইদু এবাত্যেই হবর্ পাদা। তারা ধর্মগুরু ওইনেই মরে সেবা গুরিবাক্।
তর্ ভেই হারোণ আর তার্ পূঅগুনোর্ এই বেক্ পোজাক্কানি পিনেই দিইনে তুই তারারে তেল্লোই অভিষেক গুরিনে ধর্মগুরু ইজেবে বোজেই দিবে। লগেপ্রভুর্ নাঙে তুই তারারে ফারক্ গুরি নেযেবে যেনে তারা ধর্মগুরু ওইনে মরে সেবা গুরি পারন।
ধর্মগুরু ওইনে যেনে তারা মরে সেবা গুরি পারন্ সেনত্তেই তুই তারারে মঅ নাঙে এধোক্ক্যেনগুরি ফারক্ গুরি নেযেবে। তুই এক্কো দামারা গোরু আর দ্বিবে ভেড়াছাগল নেযেবে। সিগুনোর্ কিয়্যেত্ যেনে কনঅ দাগ্দুগ্ ন-থায়।
“হারোণর্ পবিত্র পোজাক্কানি তার্ বংশধরুনে পেবাক্। ইয়েনি উরেইনে তারারে অভিষেক আর ধর্মগুরুর্ পদথ্ বজা পুরিবো।”
এধোক্ক্যেন গুরিই থেবার-তাম্বুলর, অত্তাৎ মিলন-তাম্বুলর্ বেক্কানি বানানার্ কাম্ থুম্ অলঅ। লগেপ্রভু মোশিরে যেধোক্ক্যেন গুরি উগুম দিয়্যে সেধোক্ক্যেন গুরি ইস্রায়েলীয়গুনে বেক্ কামানি গুরিলাক্।
“সে পরেন্দি হারোণ আর তার্ পূঅগুনোরে মিলন-তাম্বুলর্ দোরান মুজুঙোত্ আনিনে পানিলোই তারার্ কিয়্যেগানি ধবে।”
লগেপ্রভু সিনাই ধূল্যেচর-চাগালাত্ ইস্রায়েলীয়গুনোরে যেদিন্যে তার্ নাঙে উৎসর্বর জিনিস আনিবার উগুম দিয়্যে সেদিন্ন্যে তে সিনাই মুড়োবো উগুরে মোশিরে এ বেক্ সুদোমানি দিলো।
“তুই হারোণ আর তার্ পূঅগুনোরে ইদু আন্দোই। সে লগে তারার্ পোজাক্, অভিষেগর্ তেল, পাপ-উৎসর্বর বলদ, দ্বিবে ভেড়া আর সদাছাড়া পিদে খাড়াঙোয়ো আন্দোই।
