লেবীয় 7:5 - Chakma Bible

⁵ ধর্মগুরুবো সিয়েনি লোইনে লগেপ্রভুর্ নাঙে আগুন্দোই-গোজ্যে উৎসর্ব ইজেবে পূজোবো উগুরে সিয়েনি পুড়ি ফেলেব। ইবে এক্কো দুষ্‌-উৎসর্ব।

লেবীয় 7:5 ပူးပေါင်းရင်းမြစ်များ

লেবীয় 1:13

উৎসর্ব গুরিয়্যেবো সিবের্‌ টেঙানি আর পেদ ভিদিরে জিনিস্‌‌ছানি পানিলোই‌ ধোই দিবো আর ধর্মগুরুবো সিয়েনি লগে বেক্ য়েমান্নো পূজোবো উগুরে পুড়ি ফেলেব। ইবে পূজ্যে-উৎসর্ব, আগুন্দোই‌ গোজ্যে উৎসর্ব ভিদিরে এক্কো, যিবের্‌ তুম্বাজে লগেপ্রভু হুজি অয়।

লেবীয় 1:9

উৎসর্ব গুরিয়েবো সিবের্‌ টেঙান্‌ আর পেদ ভিদিরে বেক্কানি পানিলোই‌ ধোই দিবো আর ধর্মগুরুবো সিয়েনি সুদ্ধো পুরো গোরুবো পূজোবো উগুরে পুড়ি ফেলেব। ইবে পুজ্যে-উৎসর্ব, আগুন্দোই-গোজ্যে উৎসর্ব ভিদিরে এক্কো, যিবের্‌ তুম্বাজে লগেপ্রভু হুজি অয়।

লেবীয় 2:16

সেই ভাঙি নেযেয়্যে শোজ্য আর তেলর্‌ যে ভাক্কান্‌ পুরো উৎসর্ববোর্‌ বদলে দিয়্যে অবঅ ধর্মগুরুবো সেই ভাক্কান আর বেক্‌ লোবানান্‌ লোইনে লগেপ্রভুর্ নাঙে আগুন্দোই‌-গোজ্যে উৎসর্ব ইজেবে পুড়ি ফেলেব।

লেবীয় 2:9

শোজ্য-উৎসর্বর্‌ যে ভাক্কো পুরো উৎসর্বর্‌ বদলে দিয়্যে অবঅ ধর্মগুরুবো সিয়েন্‌ যুদো গুরি লোইনে পুজোবো উগুরে পুড়ি ফেলেব। ইবে আগুন্দোই-গোজ্যে উৎসর্ব ভিদিরে এক্কো, যিবের্‌ তুম্বাজে লগেপ্রভু হুজি অয়।

লেবীয় 3:16

ধর্মগুরুবো ইয়েনি নেযেইনে উৎসর্ব গোজ্যে হানা ইজেবে পূজোবো উগুরে পুড়ি ফেলেব। ইবে আগুন্দোই-গোজ্যে উৎসর্ব ভিদিরে এক্কো, যিবের্‌ তুম্বাজে লগেপ্রভু হুজি অয়্‌। উৎসর্ব গোজ্যে য়েমান্নোর্ তেলানি বেক্কানি লগেপ্রভুর্।

লেবীয় 3:3

লগেপ্রভুর্ নাঙে আগুন্দোই-গোজ্যে উৎসর্বর্ অনুষ্ঠানত্তে উৎসর্ব গুরিয়্যেবো এ ভালেদি-উৎসর্বর্ য়েমানত্তুন্‌ কদক্কানি ভাগ্ নিগিলেনে ধর্মগুরুবোরে দিয়্যে অবঅ। এ ভাগ্‌কানি অলঅ সে য়েমান্নোর্‌ পেদ ভিদিরে নানান্ ভাগর্‌ উগুরেয়ানির্‌ তেল আর সিয়েনি সমারে তেলানি,

লেবীয় 5:7

যুনি তে পাদি ভেড়াছাগল-ছঅ‌ আনি ন-পারে, ছালে তার্‌ সে অন্যেয়র্‌ জরিবানা ইজেবে লগেপ্রভুর্ নাঙে তাত্তুন্‌ দ্বিবে কঅ‌ ন-অলে দ্বিবে কোদোর্‌ আনা পুরিবো। সিগুনো ভিদিরে এক্কো অবঅ পাপ-উৎসর্বত্তে আর অন্যবো পুজ্যে-উৎসর্বত্তে।

লেবীয় 7:4

কিডনি দ্বিবে আর সিবে সমারে রোইয়্যে কমরর্‌ তেলানি আর কিডনি সমারে নিগিলেই আন্যে দাম্‌পোজ্যেগানি উগুরে ভাগ্‌কান।

লেবীয় 7:6

ধর্মগুরু-পরিবারর্‌ যে কনঅ মরদ মানুচ্‌ সিয়েন্‌ হেই পারিবাক্‌, মাত্তর্‌ সিয়েন্‌ হা পুরিবো পবিত্র তাম্বুল-ঘরর্‌ চাগালাত্‌। ইবে দাঙর্‌ পবিত্র জিনিস।

গালাতীয় 2:20

মরে খ্রীষ্ট সমারে ক্রুশোত্ দিয়্যে ওইয়্যে। সেনত্যে মুই আর্ জেদা নয়, খ্রীষ্টই মঅ ভিদিরে জেদা আঘে। ইক্কিনে এই কিয়্যেগান্দোই মুই যে জিংকানি কাদাঙর্ সিয়েন গোজেন পুয়োবো উগুরে বিশ্বেজর্ মাধ্যমে কাদাঙর্। তে মরে কোচ্‌‌‌‌পেইনে মত্যে নিজোরে দান গোজ্জ্যে।

গালাতীয় 5:24

যিগুনে খ্রীষ্ট যীশুর্, সিগুনে তারার্ পাপ-খাচ্চ্যত্‌তানরে বেক্‌ কামনা-বাসনা সমত্ ক্রুশোত্ দিইনে শেজ্ গুরি ফেল্ল্যন্।