লেবীয় 7:35 - Chakma Bible

³⁵ হারোণ আর তার্‌ পূঅগুনোরে যেদিন্যে ধর্মগুরু্‌ ইজেবে লগেপ্রভুর্ সেবা গুরিবাত্তে নেযা ওইয়্যে সেদিন্যে লগেপ্রভুর্ নাঙে আগুন্দোই-গোজ্যে উৎসর্বর য়েমানত্তুন্‌ এ ভাগ্‌কান্‌ তারার্ পাওনা বিলি ঠিগ্ গুরি রাগা ওইয়্যে।

লেবীয় 7:35 ပူးပေါင်းရင်းမြစ်များ

যাত্রা 28:1

তুই ইস্রায়েলীয়গুনো ভিদিরেত্তুন্‌ তর্‌ ভেই হারোণ আর তার্‌ পূঅ নাদব, অবীহূ, ইলীয়াসর আর ঈথামররে তইদু এবাত্যেই হবর্‌ পাদা। তারা ধর্মগুরু ওইনেই মরে সেবা গুরিবাক্।

যাত্রা 29:1

ধর্মগুরু ওইনে যেনে তারা মরে সেবা গুরি পারন্‌ সেনত্তেই তুই তারারে মঅ নাঙে এধোক্ক্যেনগুরি ফারক্‌ গুরি নেযেবে। তুই এক্কো দামারা গোরু আর দ্বিবে ভেড়াছাগল নেযেবে। সিগুনোর্‌ কিয়্যেত্‌ যেনে কনঅ‌ দাগ্‌দুগ্‌ ন-থায়।

যাত্রা 29:21

পরেদি কিজু অভিষেকর্‌ তেল্‌ আর পূজোবোত্তুন্‌ কিজু লো নেযেইনে হারোণ আর তার্‌ পূঅগুনোর্‌ কিয়্যেত্‌ আর পোজাক্কানি উগুরে ছিদি দিবে। সেক্কে পোজাক্‌ সহ তারে আর তা পূঅগুনোরে মঅ নাঙে যুদো গুরি নেযা পুরিবো।

যাত্রা 29:7

ইয়েনর্ পরেদি অভিষেকর্‌ তেলান্ তা মাদাবোত্‌ ঢালি দিইনে তারে অভিষেক্‌ গুরিবে।

যিশাইয় 10:27

সেদিন্যে তমা কানাত্তুন্ তারার বুদিগুন্, তমা গত্তনাত্তুন্ তারার্ জুঙোলুন্ তুলি নিয়্যে অবঅ; তুমি পক্তা ওইয়ো বিলি সেই জুঙোলান্ ভাঙি পুরিবো।

যিশাইয় 61:1

প্রভু লগেপ্রভুর আত্মাগান মঅ উগুরে আঘে, কিত্তে তে মরে নেযেয়্যে যেন মুই নাঢা মানুচ্চুনো ইদু গম্ হবর্ কুয়োই দুয়োং। তে মরে পাদেয়্যেদে যেন মুই মানুচ্চুনোর ভাঙা মনানি জড়া দি পারং আর বন্দীগুনো ইদু স্বাধীনতা আর জেলোত্ পুরিয়্যেগুনো ইদু উদ্ধোর্ অনা ফগদাং গুরি পারং;

লেবীয় 8:30

ইয়েনর্ পরেদি মোশি কিজু অভিষেগর্‌ তেল্‌ আর পূজোত্তুন্‌ কিজু লো নেযেইনে হারোণ আর তার্‌ পূঅগুনো উগুরে আর তারার্‌ পোজাগ উগুরে ছিদি দিলো। ইঙিরিনে হারোণ আর তার্‌ পূঅগুনোরে আর তারার্‌ পোজাক্কানি লগেপ্রভুর্ নাঙে যুদো গরা অলঅ।

যোহন 3:34

গোজেনে যিবেরে পাধেয়্যে তে গোজেনর্ কধা কয়, কিয়া গোজেনে তারে পবিত্র আত্মা মাবি ন-দে।

২ করিন্হীয় 1:21

যিবে খ্রীষ্ট লগে আমারে আর তমারে এগত্তর্ গুরিনে দরমর গুরি থিয়্যেই রাগেয়্যে তে অলঅ গোজেন।

১ যোহন 2:20

মাত্তর্ তুমি সেই পবিত্র মানুচ্চোত্তুন্ অভিষেক্ পেইয়ো, অত্তাৎ পবিত্র আত্মাগানরে পেইয়ো আর তুমি বেক্কুনে সত্যগান হবর্ পেইয়ো।

১ যোহন 2:27

মাত্তর্ তুমি খ্রীষ্টত্তুন্ অভিষেক্ পেইয়ো, অত্তাৎ পবিত্র আত্মাগানরে পেইয়ো। তে তমা মনভিদিরে থায়। ইয়েনত্যে অন্য কারঅ শিক্ষ্যে তমার দরকার নেই। বেক্কানি পৌইদ্যেনে পবিত্র আত্মাগানে তমারে শিক্ষ্যে দের্। তে সত্য, মিজে নয়। সেনত্যে যেধোক্ক্যেন গুরি তে তমারে খ্রীষ্ট সমারে থেবাত্যে শিক্ষ্যে দে সেধোক্ক্যেন গুরি খ্রীষ্ট সমারে থাগঅ।

১ শমূয়েল 2:28

ইস্রায়েলীয়গুনোর পুরো গুট্টির ভিদিরেত্তুন কি মুই লেবীয়গুনোরে বেঈ ন-লং, যেনে তারা মর্‌ ধর্মগুরু ওইনে মর্‌ পূজোবো ইদু যেইনে পৌইরেক জ্বালেই পারন আর এফোদ উরিনে মর্‌ মুজুঙোত্‌ এই পারন? ইস্রায়েলীয়গুনোর বেক্‌ পুজ্যে-উৎসর্বর ভাগ কি মুই তারারে আর তারার বংশগুনোরে ন-দুয়োং?