লেবীয় 7:32 - Chakma Bible

³² উদোলোলি-উৎসর্বর্ য়েমান ডেন্‌ ডাগর্‌ উলুহুলো য়েরাগান্‌ ধর্মগুরুবোরে দিয়্যে পুরিবো।

লেবীয় 7:32 ပူးပေါင်းရင်းမြစ်များ

যাত্রা 29:27

হারোণ আর তা পূঅগুনোরে ধর্মগুরু-পদথ্‌ থেবার-অনুষ্ঠানানর্‌ ভেড়াবোত্তুন্‌ নেযেয়্যে দোলন-উৎসর্বর্‌ যেরা আর উৎসর্ব গোজ্যে দামানার্ য়েরাগান্ লগেপ্রভুর্‌ নাঙে যুদো গুরি রাগেবে।

লেবীয় 10:14

মাত্তর্ লগেপ্রভুর্ নাঙে দুলেই রাগেয়্যে বুগোর্ য়েরাগান আর উলুহুল্লো তুই আর তর্‌ পূঅ-ঝিগুনে বেক্কুনে হেই পারিবাক্। ইয়েনি তুমি কনঅ শুদ্ধ-সাংগ জাগাত হেবা। ইস্রায়েলীয়গুনোর বেক উদোলোলি-উৎসর্বর্ এ ভাগত্তুন তরে আর তর্‌ পূঅ-ঝিগুনোরে দিয়্যে ওইয়্যে।

লেবীয় 7:33

হারোণর্‌ যে পূঅবো উদোলোলি-উৎসর্বর য়েমান লো আর তেল্‌ উৎসর্ব গুরিবো তেয়ই তার্‌ পাওনা ইজেবে ডেন্‌ ডাগর্‌ উলুহুলো য়েরাগান্‌ পেবঅ।

লেবীয় 7:34

ইস্রায়েলীয়গুনোর্‌ বেক্‌ উদোলোলি-উৎসর্বত্তুন্‌ মর্‌ নাঙে দুলেই রাগেয়্যে বুগোর্‌ য়েরাগান আর উৎসর্ব গোজ্যে উলুহুলো য়েরাগান মুই ধর্মগুরু হারোণ আর তার্‌ পূঅগুনোরে দিলুং। ইবে ইস্রায়েলীয়গুনোত্তুন্‌ তারার্‌ অক্ত মজিম্ পাওনা ভাগ অবঅ।

লেবীয় 9:21

মোশি তারে যেধোক্ক্যেন গুরি উগুম্‌ গোজ্যে সেধোক্ক্যেন গুরি তে দোলন-উৎসর্ব ইজেবে বুগোর্‌ য়েরাগান্ আর ডেন্‌-ডাগর্‌ উলুহুল্লো লোইনে লগেপ্রভুর্ মুজুঙোত্ দুলেল।

গণাণা 5:9

যেদক্কানি পবিত্র পজা-পিরা ইস্রায়েলীয়গুনে ধর্মগুরুগুনো ইদু আনিবাক্‌ সিয়েনি বেক্কানি ধর্মগুরুগুনোর্‌ অবঅ।

গণাণা 6:20

সে পরেদি ধর্মগুরুবো দোলন-উৎসর্ব ইজেবে সিবে লগেপ্রভুর মুজুঙোত্‌ দুলেব। ইগুন্‌ পবিত্র আর ধর্মগুরুগুনোর্‌ পাওনা। ইগুনবাদে দুলেই রাগেয়ে বুগোর্‌ য়েরা আর উৎসর্ব গোজ্যে নলাপেট্টোয়ো ধর্মগুরুগুনোর্‌ পাওনা। এদক্কানি ওই যানার্‌ পরেদি সেই নাসরীয়বো আংগুরো-রস হেই পারিবো।

দ্বি’লম্বর বিররণ 18:3

মানুচ্চুনে যিদুক্কুন গোরু-ছাগল-ভেড়া উৎসর্ব গুরিবাক্ সিগুনোর কানাগানি, দাদ মাড়ির য়েরানি আর গিলে-কলিজেগানি তারা ধর্মগুরুগুনোরে দিবাক্; ইয়েনি অবঅ ধর্মগুরুগুনোর পাওনা।

১ শমূয়েল 9:24

সেক্কে তে যেইনে দামানা আর তা সমারে থেইয়্যে য়েরানি আনিনে শৌলর মুজুঙোত্‌ রাগেল। শমূয়েল শৌলরে কলঅ, “ইয়েন তত্তেই থুয়ো ওইয়্যে; তুই খাহ্। এচ্চ্যে তুই ইদু হেবে বিলিনে মানুচ্চুনোরে বাত্যেবার্ সময়োত্‌ মুই ইয়েনি তত্তে যুদো গুরি রাগেবাত্তে কোইয়োং।” শৌল সেদিন্যে শমূয়েল সমারে হানা-দানা গুরিলো।