লেবীয় 6:29 - Chakma Bible

²⁹ ধর্মগুরু্‌-পরিবারর্‌ যে কনঅ মরদ মান্‌জ্যে সিয়েন্‌ হেই পারিবো। ইবে দাঙর্‌ পবিত্র জিনিজ।

লেবীয় 6:29 ပူးပေါင်းရင်းမြစ်များ

যিহিষ্কেল 42:13

সে পরেদি তে মরে কলঅ, “উবোসনা-ঘরর মেলা জাগাত্ উত্তোর্ আর দোগিণেদি বিল্ডিং দ্বিয়েন ধর্মগুরুগুনোর। যে ধর্মগুরুগুনে লগেপ্রভু ইধু যান্ তারা এ বিল্ডিং দ্বিয়েনত্ উৎসর্বর দাঙর্ সুদ্ধো-সাংগ জিনিসচানি হেবাক্। সিয়েনত্ তারা শোস্য-উৎসর্ব, পাপ-উৎসর্ব আর দুষ উৎসর্বর দাঙর্ সুদ্ধো-সাংগ জিনিসচানি থবাক্, কিত্যে বিল্ডিং দ্বিয়েন সুদ্ধো-সাংগ।

লেবীয় 6:25

হারোণ আর তার্‌ পূঅগুনোরে কোই দে, ইবে অলঅ পাপ্-উৎসর্বর্ সুদোম। পুজ্যে-উৎসর্বর্‌ য়েমান্‌ কাবিবার্‌ জাগানত্‌ লগেপ্রভুর্ মুজুঙোত্ পাপ-উৎসর্বর্‌ য়েমান্নোয়ো কাবা পুরিবো। এই উৎসর্বর্ য়েরাগান্‌ দাঙর্‌ পবিত্র জিনিস।

লেবীয় 6:26

যে ধর্মগুরুবো এই উৎসর্ববোর্ অনুষ্ঠানান্‌ গুরিবো তে এ য়েরাগান্‌ হেবঅ। কনঅ পবিত্র জাগাত্‌, অত্তাৎ মিলন-তাম্বুলর্‌ উদোনত্‌ সিয়েন্‌ হা পুরিবো।

লেবীয় 7:6

ধর্মগুরু-পরিবারর্‌ যে কনঅ মরদ মানুচ্‌ সিয়েন্‌ হেই পারিবাক্‌, মাত্তর্‌ সিয়েন্‌ হা পুরিবো পবিত্র তাম্বুল-ঘরর্‌ চাগালাত্‌। ইবে দাঙর্‌ পবিত্র জিনিস।

হগয় 2:12

‘কনঅ মানুচ্ যুনি তার কাবড় ভাজত্ সুদ্ধো-সাংগ য়েরা নেযায় আর সেই কাবড়ান বাঁজিনে কনঅ রুটি, উজুনো হানা, আংগুর-রস, তেল বা অন্য কনঅ হানা বাঁজি থায় সালে সিয়েন কি সুদ্ধো-সাংগ ওই যায়?’ ” হগয়র প্রশ্নগানর জোবত্ ধর্মগুরুগুনে কলাক্, “না, ন অয়।”

গণাণা 18:10

সুদ্ধো-সাংগ জিনিস যেধোক্ক্যেনগুরি খায় তুমি সেধোক্ক্যেন গুরি সিয়েনি হেবা। তমার বেক্‌ মরদ্‌ পূঅগুনে সিয়েনি খেই পারিবাক। সিয়েনি সুদ্ধো-সাংগ বিলি তারাত্তুন্‌ মনে গরা পুরিবো।