লেবীয় 6:27 - Chakma Bible

²⁷ এ য়েরাগান্‌ যে ধুরিবো তাত্তুন্‌ লগেপ্রভুর্ নাঙে ফারক্ উয়ো পুরিবো। যুনি কাবড়ত্‌ য়েমান্নোর্ লো-র্ ফুদো পরে ছালে পবিত্র তাম্বুল-ঘরর্‌ চাগালাত্‌ সিয়েন্‌ ধোই ফেলা পুরিবো।

লেবীয় 6:27 ပူးပေါင်းရင်းမြစ်များ

যাত্রা 29:37

ডালিপূজোবো সিজি গুরি নিবাত্তেই সাত দিন সং পত্তিদিন পাপ ঢাগিবার অনুষ্ঠানান্দোই সিবে মঅ নাঙে ফারক্‌ গুরি নেযা পুরিবো। সেক্কে সেই ডালিপূজোবো এক্কো মহাপবিত্র জিনিস অবঅ‌। সিবে লাগিলে যিয়েনি এবঅ সিয়েনি মর্‌ নাঙে ফারক্‌ ওয়া পুরিবো।

যাত্রা 30:29

সেক্কে সিগুন্‌ দাঙর্‌ পবিত্র জিনিস অবাক্। তার্‌ বাযানাগান্দোই যিয়েনি এবঅ‌ সিয়েনি মর্‌ নাঙে যুদো উয়ো পুরিবো।

যিহিষ্কেল 44:19

তারা যেক্কে বারেদি উদোনত্ থেইয়্যে মানুচ্চুনো ইধু সেক্কে সেবা-কামত্তে তারা যে পোজাক্কানি পিন্নোন্ সিয়েনি খুলিনে সুদ্ধো-সাংগ গুদিবোত্ থোইনে অন্য কাবড়-চুগোর্ পিনিবাক্, যেনে তারার্ পোজাগর্ ছাবাগুন্দোই মানুচ্চুনে মঅ নাঙে যুদো ওই ন-যান্।

লেবীয় 11:32

ইগুনোর্ যে কনঅ এক্কো মুরিনে কনঅ জিনিজো উগুরে পুরিলে সিয়েন্‌ ফিবলা অবঅ-সিয়েন্‌ তক্তা, কাবড়, চামাড়া অথবা চট যিয়েন্দোই বানা অদ সাৎ আর যে কনঅ কাম্বই অদ সাৎ। সেই জিনিস্‌ছান্‌ পানিত্‌ ভুরেই রাগা পুরিবো। তে সাজন্যা সং ফিবলা অবস্থায় থেবঅ, সে পরেদি তে শুদ্ধো-সাংগ অবঅ।

লেবীয় 6:18

হারোণ বংশর্ বেক্‌ মরদ্‌তুনে সিয়েন্‌ হেই‌ পারিবাক্‌। লগেপ্রভুর্ নাঙে আগুন্দোই-গোজ্যে উৎসর্বর্ জিনিজোর্ এ ভাগ্‌কান বংশর পর বংশ ধুরিনে তারার্ পাওনা। এ ভাক্কান্‌ যে ধুরিবো তাত্তুন্ লগেপ্রভুর্ নাঙে যুদো উয়ো পুরিবো।”

লেবীয় 7:19

“উদোলোলি-উৎসর্বর্ য়েরাগানত্‌ যুনি কনঅ ফি-বলা জিনিস্‌চানত্‌ বাজে ছালে সিয়েন্‌ হেই ন-পারিবো, সিয়েন্‌ পুড়ি ফেলা পুরিবো। মাত্তর্‌ ধরা ন-গেলেয়ো যিগুনে শুদ্ধ-সাংগ আঘন্‌ তারা সিয়েন্‌ হেই পারিবাক্।

হগয় 2:12

‘কনঅ মানুচ্ যুনি তার কাবড় ভাজত্ সুদ্ধো-সাংগ য়েরা নেযায় আর সেই কাবড়ান বাঁজিনে কনঅ রুটি, উজুনো হানা, আংগুর-রস, তেল বা অন্য কনঅ হানা বাঁজি থায় সালে সিয়েন কি সুদ্ধো-সাংগ ওই যায়?’ ” হগয়র প্রশ্নগানর জোবত্ ধর্মগুরুগুনে কলাক্, “না, ন অয়।”

মথি লেখ্যে গম্ হবর্ 14:36

সেক্কে মানুচ্চুনে পীড়েল্যেগুনোরে যীশু ইধু আনিলাক্ আর তারে কোজোলী গুরিলাক্ যেন সেই পীড়েল্যেগুনে তা কাবড়র কণাবো বানা ধুরি পারন্; আর যিগুনে তারে ধুরিদাক্ তারা গম্ অদাক্।

মথি লেখ্যে গম্ হবর্ 9:21

তে মনে মনে ভাবের্, যুনি তে বানা তা কাবড়ান্ ধুরি পারে সালে গম্ ওই যেবঅ।

২ করিন্হীয় 7:1

কোচ্‌পেইয়্যে সমাজ্যেগুন, আমাত্যে এ বেক্‌ এগেমানি গরা আঘে বিলিনে এজঅ, আমি কিয়্যে আর মনর্ বেক্‌ অসিজিয়ানিত্তুন্ নিজোরে সিজি গুরিই আর গোজেন উগুরে ভক্তিগুরি দোরেইনে পুরোপুরি পবিত্রতার্ পধেদি উজেই যেই।

২ করিন্হীয় 7:11

চিন্তে গুরি চঅ, গোজেনে যেক্কে তমারে দুঘ্ দিয়্যে সেক্কে তুমি পিজেদি ন-পড়, সেক্কে নিদ্দুজি বিলিনে নিজোরে প্রমাণ গুরিবাত্যে তমার্ কদক্ আওজ্ ওইয়্যে, কদক্ চিন্তে-ভাবনা ওইয়্যে আর পাপর্ সাজা দিবাত্যে কদক্ আওজ্ ওইয়্যে। এবাবোত্যেগুরি বেক্কানিত্তুন্ তুমি প্রমাণ গুরিলেদে যে, সেই পৌইদ্যেনে তুমি নিদ্দুজি।