লেবীয় 6:21 - Chakma Bible

²¹ শোজ্য-উৎসর্ব ইজেবে সেই মোইদেগানত্ তেলর্‌ ময়ান দিইনে তাবাত্‌ ভাজেইনে কট্টা কট্টা গুরিনে লগেপ্রভু ইদু আনা পুরিবো। ইয়েনর্‌ তুম্বাজে লগেপ্রভু হুজি অয়্‌।

লেবীয় 6:21 ပူးပေါင်းရင်းမြစ်များ

১ বংশধর 23:29

তারা উগুরে এ জিনিসছানির ভারান্‌ এলঅ-মুজুঙো-রুটি, শোজ্য-উৎসর্বর মোয়দে, সদানেইয়্যে রুটি, সেক্ক্যে রুটি আর তেল্‌ মিজেয়্যে মোয়দ্যে। ইয়েনি বাদেয়ো তারা উগুরে ভারান্‌ এলদে বেক্কানি মাবানা আর কত্তমান্‌ সিয়েনি চানা,

১ বংশধর 9:31

লেবীয়গুনো ভিদিরে কোরহীয় শল্লুম দাঙর্‌ পুয়ো মত্তথিয় উগুরে শোজ্য-উৎসর্বর জিনিসছানি সিগি আনিবার্‌ ভারান্‌ দিয়্যে ওইয়্যে।

লেবীয় 11:33

ইগুনো ভিদিরে কনঅ এক্কো যুনি কনঅ মাদির্‌ পিলেবো ভিদিরে পড়ে ছালে সে ভিদিরে বেক্‌ জিনিস্‌ছানি ফিবলা ওই যেবঅ। সেই পিলেবো ভাঙি ফেলা পুরিবো।

লেবীয় 15:12

যে মানুচ্চোর্‌ স্রাব ওইয়ে তে যুনি কনঅ মাদি পিলেত্‌ ধরে সালে সিবে ভাঙি ফেলা পুরিবো, আর তক্তার্‌ পিলে অলে সিবে পানি দিইনে ধোয়্‌ নেযা পুরিবো।

লেবীয় 2:5

সেই শোজ্য-উৎসর্ববো যুনি কোড়েয়েলোই ভাজেয়ে কনঅ জিনিস্ অয় সালে সিবে উয়ো পুরিবো তেল্‌ মিজেয়ে সদাছাড়া নিগুজ্‌ ময়দালোই বানেয়্যে।

লেবীয় 6:22

হারোণর্‌ পরেদি তার্‌ যে পূঅবোরে দাঙর্‌ ধর্মগুরু-ইজেবে খেমতা দিয়্যে অবঅ তাত্তুনো এ উৎসর্বর্‌ অনুষ্ঠানান্ গরা পুরিবো। ইবে লগেপ্রভুর্ অক্ত মজিম্ পাওনা, আর তার্‌ বেক্কানি পুড়ি ফেলা পুরিবো।

লেবীয় 7:12

যুনি এ উদোলোলি-উৎসর্ব কনজনে লগেপ্রভুরে কৃতজ্ঞতা ইজেবে গুরিবাত্তে চায়্‌ ছালে এ কৃতজ্ঞতার্‌ উৎসর্বর লগে থেবঅ তেলর্‌ ময়ান্‌ দিয়্যে সদানেইয়্যে পিদে, তেল্লোই মেক্যে সদানেইয়্যে চাপাটি আর তেলর্‌ ময়ান্‌ দিয়্যে গমে ডালে দোল্যে নিগুজ ময়দার পিদে।

লেবীয় 7:9

দাঙর্‌ চুলোত্‌ সিক্ক্যা অথবা কোড়েয়েত্‌ বা তাবাত্‌ ভাজেয়ে শোজ্য-উৎসর্বর্ জিনিস্‌ সেই ধর্মগুরুবোর্‌ পাওনা অবঅ যে তেয়ই শোজ্য-উৎসর্বর্‌ অনুষ্ঠানান্‌ গুরিবো।