লেবীয় 6:16 - Chakma Bible

¹⁶ উৎসর্বর্ জিনিজোর্ বাদবাগি ভাক্কানি হারোণে আর তার্‌ পূঅগুনে হেবাক্‌। সিয়েনি তারার্ হা পুড়িবোবে সদা ন মিজেয়ে কনঅ পবিত্র জাগাত্‌, অত্তাৎ মিলন-তাম্বুলর্‌ উদোনত্‌।

লেবীয় 6:16 ပူးပေါင်းရင်းမြစ်များ

২ বংশধর 31:14

মানুচ্চুনোরে নিজোর্‌ আওজে গরানা উৎসর্বর জিনিজোর্‌ ভারান্‌ এলদে পূগেন্দি গেদোর্‌ চুগিদার্‌-লেবীয় যিম্নার পুয়ো কোরির উগুরে। লগেপ্রভুরে দিয়্যে বেক্‌ বক্‌শিজ্‌ছানি আর দাঙর্‌ সুদ্ধো-সাংগ জিনিস্‌ছানি ভাগ গুরি দিবার্‌ ভারান্‌অ এলদে তা উগুরে।

যাত্রা 12:8

সেই রেদোত্ তারা সেই এরানি আগুনোত্‌ সিগিনে সদানেইয়্যে পিদে আর তিদে শাগ লগে হেবাক্।

যিহিষ্কেল 44:29

তারা শোজ্য-উৎসর্ব, পাপ-উৎসর্ব আর দুষ-উৎসর্বর্ জিনিস হেবাক্; ইস্রায়েল দেজত্ লগেপ্রভুর নাঙে দিয়্যে বেক্ জিনিস্‌‌‌‌‌চানি তারার্ অবঅ; সিয়েনি ছাড়েই আনানা ন-যেবঅ।

লেবীয় 2:3

এ শোজ্য-উৎসর্বর জিনিজোর্‌ বাদবাগি যিয়েনি থেবঅ সিয়েনি হারোণ আর তার্ পূঅগুনোর্‌ পাওনা অবঅ। লগেপ্রভুর্ নাঙে আগুন্দোই-গোজ্যে বেক্‌ উৎসর্বয়ান ভিদিরে শোজ্য-উৎর্বর্ এ যেরেদি ভাক্কো দাঙর্‌ পবিত্র জিনিস্।

লেবীয় 5:13

তে যে অন্যেয়্‌ গোজ্যে ধর্মগুরুবো এবাবোত্যেগুরি সিয়েন্‌ ঢাগি দিবার্‌ বেবস্থা গুরিবো আর সেক্কে তারে ক্ষেমা গরা অবঅ। এ উৎসর্বর্ জিনিজোর্‌ বাদ্‌বাগি ভাক্কানি শোজ্য-উৎসর্বর্ জিনিজো ধোক্ক্যেন ধর্মগুরুগুনোর্‌ পাওনা অবঅ।

লেবীয় 6:23

ধর্মগুরুবোর্ আন্যে শোজ্য-উৎসর্বর্‌ বেক্কানি পুড়ি ফেলা পুরিবো; সিয়েন্‌ হেই ন-পারিবো।”

লেবীয় 6:26

যে ধর্মগুরুবো এই উৎসর্ববোর্ অনুষ্ঠানান্‌ গুরিবো তে এ য়েরাগান্‌ হেবঅ। কনঅ পবিত্র জাগাত্‌, অত্তাৎ মিলন-তাম্বুলর্‌ উদোনত্‌ সিয়েন্‌ হা পুরিবো।

গণাণা 18:8

ইয়েনর্ পরেদি লগেপ্রভু হারোণরে কলঅ, মইদু যেদক্কানি জিনিস উৎসর্ব গরা অয় সিয়েনর বেক্‌ কামর্ ভারান মুই নিজে তরে দুয়োঙর্। মঅ নাঙে ইস্রায়েলীয়গুনোর উৎসর্ব গোজ্যে বেক্‌ পবিত্র জিনিসছানি মুই তরে আর তর্‌ বংশধরুনোরে নিত্য পাওনা ইজেবে দুয়োঙর্।

১ করিন্হীয় 5:8

সেনত্তে পুরোণি সদা, অত্তাৎ ইংসে আর ভান্ন্যেই দিইনে নয়, বরং এজঅ, আমি সদা নেইয়্যে রুটি, অত্তাৎ সরলতা আর সত্যলোই পরব্‌পো পালেই।