লেবীয় 4:35 - Chakma Bible

³⁵ উদোলোলি-উৎসর্বর্ ভেড়াছাগলর্‌ তেলানি নিগিলাইদে ধোক্ক্যেন গুরি তে ইবের্‌ বেক্‌ তেলানি নিগিলেব। পরেদি লগেপ্রভুর্ নাঙে আগুন্দোই‌ গোজ্যে জিনিজো উগুরে এ তেলানিয়ো তে পূজোবো উগুরে পুড়ি ফেলেব। এবাবোত্যেগুরি ধর্মগুরুবো সে মানুচ্চুনোর্‌ অন্যেয়ানি ঢাগি দিবার্‌ বেবস্থা গুরিবো আর সেক্কে তারে ক্ষেমা গরা অবঅ।

লেবীয় 4:35 ပူးပေါင်းရင်းမြစ်များ

লেবীয় 12:8

উৎসর্বত্তে যুনি তে ভেড়া ছঅ আনি ন-পারে ছালে তাত্তুন্‌ দ্বিবে কঅ‌ ন-অলে দ্বিবে কোদোর্‌ আনা পুরিবো। সিগুনো ভিদিরে এক্কো অবঅ পুজ্যে-উৎসর্বত্তে আর এক্কো অবঅ পাপ-উৎসর্বত্তে। এবাবোত্যেগুরি ধর্মগুরুবো তার্‌ ফিবলাগান্‌ ঢাগি দিবো আর তে শুদ্ধো-সাংগ অবঅ।

লেবীয় 14:18

আঢর্‌ বাদবাগি তেলান্‌ সে মানুচ্চোর্‌ মাদাত্‌ দিবো। ইঙিরিনে লগেপ্রভুর মুজুঙোত্ তে তার্‌ ফি-বলাগান্‌ নাঢি দিবো।

লেবীয় 14:53

সে পরেদি তে জেদা পেক্কোরে সে শহরানর্‌ বারেন্দি খুলো মাদত্‌ ইরি দিবো। ইঙিরিনে সে ঘরানর্‌ ফি-বলাগান্‌ ঢাগি দেনার্‌ পরেদি ঘরান্‌ সুদ্ধো-সাংগ অবঅ।”

লেবীয় 15:15

ধর্মগুরুবো সে দ্বিবেত্তুন্‌ এক্কো দিইনে পাপ-উৎসর্বর আর অন্যবোলোই পুজ্যে-উৎসর্বর্‌ অনুষ্ঠান গুরিবো। স্রাবর কারনে মানুচ্চোর্‌ যে ফি-বলা অবস্থা ওইয়ে তাত্তেই ধর্মগুরুবো ইঙিরিনে লগেপ্রভু মুজুঙোত তার্‌ ফি-বলাগান্‌ ঢাগি দিবার্‌ বেবস্থা গুরিবো।

লেবীয় 19:22

দুষ্‌-উৎসর্বর সেই ভেড়াবোলোই ধর্মগুরুবোত্তুন্‌ লগেপ্রভুর মুজুঙোত্ তার্‌ সেই পাপ্পান্‌ ঢাগি দিয়া পুরিবো। সেক্কে তার্‌ সে পাপ্পান্‌ ক্ষেমা গরা অবঅ।

লেবীয় 4:26

উদোলোলি-উৎসর্বর্ য়েমান তেল ধোক্ক্যেন গুরিনেই ইবের্‌ বেক্‌ তেলানি পূজোবো উগুরে পুড়ি ফেলা পুরিবো। এবাবোত্যেগুরি ধর্মগুরুবো সেই মুরুব্বীবোর্‌ অন্যেয়ানি ঢাগি দিবার্‌ বেবস্থা গুরিবো আর সেক্কে তারে ক্ষেমা গরা অবঅ।

লেবীয় 5:10

অন্য পেক্কোলোই সুদোম্‌ মজিম পুজ্যে-উৎসর্বর্‌ অনুষ্ঠান গুরিনে ধর্মগুরুবো তার্‌ সে অন্যেয়ানি ঢাগি দিবার্‌ বেবস্থা গুরিবো; সেক্কে তারে ক্ষেমা গরা অবঅ।

লেবীয় 5:13

তে যে অন্যেয়্‌ গোজ্যে ধর্মগুরুবো এবাবোত্যেগুরি সিয়েন্‌ ঢাগি দিবার্‌ বেবস্থা গুরিবো আর সেক্কে তারে ক্ষেমা গরা অবঅ। এ উৎসর্বর্ জিনিজোর্‌ বাদ্‌বাগি ভাক্কানি শোজ্য-উৎসর্বর্ জিনিজো ধোক্ক্যেন ধর্মগুরুগুনোর্‌ পাওনা অবঅ।

লেবীয় 5:6

সেক্কে সে অন্যেয়র্‌ জরিবানা ইজেবে তাত্তুন্‌ লগেপ্রভুর্ নাঙে পাপ-উৎসর্বত্তে এক্কো পাদি ভেড়াছাগল-ছঅ বা পাদিছাগল আনা পুরিবো, আর ধর্মগুরুবো তার্‌ অন্যেয়ানি ঢাগি দিবার্‌ বেবস্থা গুরিবো।

লেবীয় 6:7

ধর্মগুরুবো সিবেলোই লগেপ্রভুর্ মুজুঙোত্ তার্‌ পাপ্‌পানি ঢাগি দিবার্‌ বেবস্থা গুরিবো। এ পাপ্পানির্‌ যিয়েনি গুরিনে তে দুষী অদ সাৎ, তারে ক্ষেমা গরা অবঅ।”

লেবীয় 9:7

সে পরেদি তে হারোণরে কলঅ, “তুই পূজোবো ইদু যেইনে তর্‌ পাপ-উৎসর্ব আর পুজ্যে-উৎসর্বর অনুষ্ঠান গুরিনে তর্‌ নিজোর্‌ আর সে সমারে মানুচ্চুনোর্‌ পাপ্‌পানি ঢাগি দিবার্‌ বেবস্থা গর্‌। ইয়েন্‌ বাদে মানুচ্চুনোর্‌ সেই বেক্‌ উৎসর্বর অনুষ্ঠানানি গুরিনেয়ো তুই তারার্‌ পাপ্‌পানি ঢাগি দিবার্‌ বেবস্থা গর্‌; লগেপ্রভু সিয়েনোই উগুম্‌ গোজ্যে।”

গণাণা 15:25

ধর্মগুরুবোত্তুন্‌ গোদা ইস্রায়েল জাদ্‌তোর্‌ সেই অন্যেয়ান ঢাগি দিবার্‌ বেবস্থা গরা পুরিবো। সেক্কে তারারে ক্ষেমা গরা অবঅ, কিত্যে তারা নিজোর্ আওজে সিয়েন্‌ ন-গরন্‌ আর তারার্‌ ভুলোত্তে তারা লগেপ্রভুর নাঙে আগুন্দোই-গোজ্যে উৎসর্ব আর পাপ-উৎসর্বর সুদোম গোজ্যন।

গণাণা 15:28

ভুল গুরিনে যে মানুচ্চো ইঙিরিনে অন্যেয় গুরিবো ধর্মগুরুবোত্তুন্‌ লগেপ্রভুর্ মুজুঙোত সে মানুচ্চোর্‌ অন্যেয়ানি ঢাগিবার বেবস্থা গরা পুরিবো। সেই অন্যেয়ানি ঢাগি দিয়া অলে পরেদি তারে ক্ষেমা গরা অবঅ।

রোমীয় 10:4

যীশু খ্রীষ্ট রীদি-সুদোম পুরেই দিইনে সিয়েনির্ খেমতাগান্ বাদ্ দি দিয়্যে, যেন তা উগুরে যিগুনে বিশ্বেজ্ গরন্ তারা গোজেনর্ মানি লোইয়্যে অন্।

রোমীয় 4:25

আমা পাপত্যে যীশুরে মরণ আদত্ তুলি দিয়্যে ওইয়্যে আর আমারে নিদ্দুজি বিলিনে মানি লবাত্যে তারে মরণত্তুন্ জেদা গরা ওইয়্যে।

রোমীয় 8:1

যিগুনে খ্রীষ্ট যীশু সমারে মিজেয়োন্ গোজেনে তারারে আর সাজা দেদে ধোক্ক্যেন্ মনে ন-গুরিবো।

২ করিন্হীয় 5:21

যীশু খ্রীষ্ট ইধু কনঅ পাপ্ ন-এলঅ; মাত্তর্ গোজেনে আমা পাপ্‌পানি যীশু উগুরে তুলি দিইনে তারে পাপ জাগানত্ দিলো, যেন খ্রীষ্ট সমারে মিজেইনে গোজেনর্ পবিত্রতাগান্ আমার পবিত্রতাগান্ অয়।

ইফিষীয় 5:2

খ্রীষ্ট যেধোক্ক্যেন গুরি আমারে কোচ্‌পেইয়্যে আর আমাত্যে গোজেনর্ উদ্দেচ্চ্যে তুমবাচ্‌‌‌‌বলা উৎসর্ব ইজেবে নিজোরে দিয়্যে, ঠিগ সেবাবোত্যেগুরি তুমিয়ো কোচ্‌পানার পধেদি চলঅ।

কলসীয় 1:14

এ পুয়োবো সমারে মিজেইনে আমি উদ্ধোর্ ওইয়্যেই, অত্তাৎ আমি পাপর্ ক্ষেমা পেইয়্যেই।

ইব্রীয় 1:3

গোজেনর্ বেক্‌ গুণানি সেই পুয়োবো ইধু আঘে; পুয়োবোই গোজেনর্ পুরো ফোটু ধোক্ক্যেন। পুয়োবো তার্ খেমতাবলা কধালোই বেক্কানি ধুরি রাগেইনে পরিচালনা গরে। মান্‌জ্যর পাপ্পানি দূর্ গরানার্ পরে পুয়োবো স্বর্গত্ মহান গোজেনর্ ডেন্ ধাগেদি বজিলো।

ইব্রীয় 4:14

সেনত্যে এজঅ, আমি খুলোমেলা গুরি গোজেনর্ পুয়ো যীশু খ্রীষ্ট উগুরে আমা বিশ্বেজ্‌‌চান স্বীগের্ গুরি যেই, কিয়া তেয়ই আমার দাঙর্ ধর্মগুরু যিবে স্বর্গত যেইনে ইক্কিনে গোজেন মুজুঙোত্ আঘে।

ইব্রীয় 7:26

এবাবোত্যে এক্কো পবিত্র, দুষ্-নেইয়্যে আর খাটি ধর্মগুরু আমার দরকার এলঅ। তে পাপী মান্‌জ্যত্তুন্ জুদো আর গোজেনে তারে আগাজত্তুন্‌অ উগুরে তুল্ল্যে।

ইব্রীয় 9:14

মাত্তর্ যে উমর্‌অ পবিত্র আত্মালোই গোজেন ইধু নিজোরে থুদো নেইয়্যে উৎসর্ব ইজেবে দান গুরিলো সেই যীশুর লো-গানে আমা বিবেগরে ফল-নেইয়্যে কামত্তুন্ আরঅ কত্তমান বেশ্ গুরি সিজি গুরিবো, যেনে আমি জেদা গোজেনর্ সেবা গুরি পারিই!

১ পিতর 2:22

যিবে কনঅ পাপ ন-গরে বা যিবের্ মুয়োত কনঅ ছলনার কধা ন-এলঅ।

১ পিতর 2:24

তে ক্রুশো উগুরে নিজোর কিয়্যেগান্দোই আমার পাপর্ ভারান্ বুয়োল, যেন আমি পাপর দাবি-দেনা ইধু মুরিনে গোজেনর্ আওজ্‌ মজিম চলিবাত্যে বাঁজি থেই। তার্ কিয়্যেগানর্ ঘা গানিয়ে তমারে গম গোজ্জ্যে।

১ পিতর 3:18

খ্রীষ্টয়ো পাপত্যে একবার মোজ্জ্যে। গোজেন ইধু আমারে নেযেবাত্যে সে নিদ্দুজি মানুচ্চো পাপীগুনোত্যে, অত্তাৎ আমাত্যে মোজ্জ্যে। কিয়্যেদি তারে মারে ফেলা ওইয়্যে, মাত্তর্ আত্মায় তারে জেদা গরা ওইয়্যে আর তে বন্দী আত্মাগুনো ইধু যেইনে ফগদাং গোজ্জ্যে।

১ যোহন 1:7

মাত্তর্ গোজেনে যেধোক্ক্যেন পহ্‌রত আঘে আমিয়ো যুনি সেধোক্ক্যেন পহ্‌রত চলিই সালে আমা ভিদিরে উদোন্-বজন্ থায় আর তা পুয়োবো যীশুর লো-গান্দোই বেক্ পাপ্পানিত্তুন্ আমারে সিজি গরে।

১ যোহন 2:2

আমা পাপ্পানি দূর্ গুরিবাত্যে খ্রীষ্ট তার্ নিজো জিংকানিগান্ উৎসর্ব গুরিনে গোজেনরে হুজি গোজ্জ্যে। বানা আমা পাপ্পানি নয়, মাত্তর্ বেক মানুচ্চুনোর পাপ্পানি দূর্ গুরিবাত্যে তে সিয়েন গোজ্জ্যে।