লেবীয় 27:29 - Chakma Bible

²⁹ যুনি কনঅ মান্‌জ্যরে লগেপ্রভুর নাঙে ভস্তর্ অভিশাবর্‌ তলে বিলি ফগদাঙ্‌ গরা অয় সালে তারে ছড়েই নেযানা ন-চলিবো, তারে মারে ফেলা পুরিবো।

লেবীয় 27:29 ပူးပေါင်းရင်းမြစ်များ

১ রাজাবলী 20:42

সে ভাববাদীবো রাজারে কলঅ, “লগেপ্রভু এ কধাগান কত্তে, ‘মুই যিবেরে ভস্ত অনার্‌ অভিশাব অধীন গোজ্যং তুই তারে ছাড়ি দুয়োচ্‌। সেনত্তে তা পরাণান বদলে তঅ পরাণান্‌ আর তা মানুচ্চুনোর্‌ বদলে তঅ মানুচ্চুনোর্‌ পরাণান্‌ যেবঅ।’”

লেবীয় 27:28

মাত্তর্‌ যুনি কনজনে তার্‌ নিজোর্‌ কনঅ কিজু লগেপ্রভুর নাঙে ভস্তর্ অভিশাবর তলে বিলি ফগদাঙ্‌ গরন সালে তে সিয়েন্‌ আর বিজি দেনা বা ছাড়েই নেযে ন-পারিবো-সিয়েন্‌ পরিবারর্‌ ভূই ওক্‌ বা মানুচ্‌ বা য়েমান ওক্। এধোক্ক্যেনগুরি যেদক্কানি ভস্তর্‌ অভিশাবর্‌ তলে বিলি ফগদাঙ্‌ গরা অয় সিয়েনি বেক্কানি লগেপ্রভুর নাঙে দাঙর্‌ পবিত্র জিনিস্ বিলি ধুরি নেযা পুরিবো।

লেবীয় 27:30

“ভূইয়োত্তুন্‌ যিয়েনি পাহ্ যেবঅ তার্‌ দশ ভাগর্‌ এক ভাগ লগেপ্রভুর-সিয়েন্‌ ভূইয়োর্‌ ফসল ওক্‌ বা গাজর্‌ গুলোগুলি ওক্। সিয়েন্‌ লগেপ্রভুর্ নাঙে যুদো গুরি রাগেয়্যে ।

১ শমূয়েল 15:3

ইক্কিনে তুই যেইনে অমালেকীয়গুনোরে আক্রমণ গুরিবে আর তারার্ যিয়েনি আঘে বেক্কানি ভস্ত গুরি ফেলেবে; তারা উগুরে কনঅ দোয়্যে ন-গুরিবে। তারার মিলে-মরদ, ঝি-পূঅ, দুধ-খাইদে চিগোন চিঝি, গোরু-ভেড়াছাগল, উট, গাধা বেক্কুন্‌ মারে ফেলেবে।’”

১ শমূয়েল 15:8

তে অমালেকীয়গুনোর রাজা অগাগরে জেদাবাদে ধুরিলো আর অন্য বেক্কুনোরে মারে ফেলেল।