লেবীয় 27:28 - Chakma Bible

²⁸ মাত্তর্‌ যুনি কনজনে তার্‌ নিজোর্‌ কনঅ কিজু লগেপ্রভুর নাঙে ভস্তর্ অভিশাবর তলে বিলি ফগদাঙ্‌ গরন সালে তে সিয়েন্‌ আর বিজি দেনা বা ছাড়েই নেযে ন-পারিবো-সিয়েন্‌ পরিবারর্‌ ভূই ওক্‌ বা মানুচ্‌ বা য়েমান ওক্। এধোক্ক্যেনগুরি যেদক্কানি ভস্তর্‌ অভিশাবর্‌ তলে বিলি ফগদাঙ্‌ গরা অয় সিয়েনি বেক্কানি লগেপ্রভুর নাঙে দাঙর্‌ পবিত্র জিনিস্ বিলি ধুরি নেযা পুরিবো।

লেবীয় 27:28 ပူးပေါင်းရင်းမြစ်များ

২ বংশধর 31:14

মানুচ্চুনোরে নিজোর্‌ আওজে গরানা উৎসর্বর জিনিজোর্‌ ভারান্‌ এলদে পূগেন্দি গেদোর্‌ চুগিদার্‌-লেবীয় যিম্নার পুয়ো কোরির উগুরে। লগেপ্রভুরে দিয়্যে বেক্‌ বক্‌শিজ্‌ছানি আর দাঙর্‌ সুদ্ধো-সাংগ জিনিস্‌ছানি ভাগ গুরি দিবার্‌ ভারান্‌অ এলদে তা উগুরে।

যাত্রা 22:20

লগেপ্রভুরে বাদে যুনি কনজনে কনঅ‌ দেবেদা ইদু কিজু উৎসর্ব গরন্‌ সালে তারেয়ো মারে ফেলা পুরিবো।

যিহিষ্কেল 44:29

তারা শোজ্য-উৎসর্ব, পাপ-উৎসর্ব আর দুষ-উৎসর্বর্ জিনিস হেবাক্; ইস্রায়েল দেজত্ লগেপ্রভুর নাঙে দিয়্যে বেক্ জিনিস্‌‌‌‌‌চানি তারার্ অবঅ; সিয়েনি ছাড়েই আনানা ন-যেবঅ।

যিহিষ্কেল 48:14

লেবীয়গুনে সেই ভূইয়ান বেজানা বা সিয়েনর্ ভাগ্‌‌কান বদলাবুদুলি গুরি ন-পারিবাক্। সিয়েন বেগত্তুন্ গম্ ভূই আর সিয়েন অন্যগুন আঢত্ দেনা ন-চুলিবো, কিত্যে সিয়েন লগেপ্রভুর নাঙে পবিত্র।

লেবীয় 21:22

হালিক্ গোজেনর্‌‌ নাঙে উৎসর্ব গোজ্যে হানা ভিদিরে পবিত্র আর দাঙর্‌ পবিত্র বেক্‌ হানাগানি তে হেই পারিবো,

লেবীয় 27:21

ফিরি পেবার্‌ বজরবোত্‌ যেক্কে ভূইয়ান্‌ খালাস অবঅ সেক্কে সিয়েন্‌ লগেপ্রভুর্ নাঙে ভস্তর্‌ অভিশাবর্‌ তলে ভূইয়ো ধোক্ক্যেন লগেপ্রভুর্ নাঙে যুদো গরা যেবঅ। সেক্কে সিয়েন্‌ অবঅ ধর্মগুরুগুনোর্‌ সোম্বোত্তি।

লেবীয় 27:27

যুনি সিবে কনঅ ফি-বলা য়েমানর্‌ পত্তম ছঅ অয় সালে ধর্মগুরুগুনোর্‌ ঠিগ গুরি দিয়া দাম সমারে আরঅ‌ পাঁচ ভাগর্‌ এক ভাগ দাম বেশ্‌ দিইনে সিবে তে ছাড়েই নেযেই পারিবো। যুনি তে সিবে ছড়েইনে ন-নেযায় সালে সে ঠিগ গুরি দিয়া দামান্দোই সিবে বিজি দিয়া পুরিবো।

লেবীয় 27:29

যুনি কনঅ মান্‌জ্যরে লগেপ্রভুর নাঙে ভস্তর্ অভিশাবর্‌ তলে বিলি ফগদাঙ্‌ গরা অয় সালে তারে ছড়েই নেযানা ন-চলিবো, তারে মারে ফেলা পুরিবো।

গণাণা 18:14

ইস্রায়েলীয়গুনো ভিদিরে ভস্তর্ অভিশাব বিলি জানেই দিয়্যে পত্তি জিনিস-পাদিনি তর্‌ অবঅ।

মথি লেখ্যে গম্ হবর্ 25:41

পরেদি তে তার্ বাঙেদি মানুচ্চুনোরে কবঅ, ও অভিশাব্ পেইয়্যে মানুচ্চুন্, মত্তুন্ তুমি দূর্ অ। শদান্ আর তা দূত্‌তুনোত্তে যে উমর কালর্ আগুন যুক্কোল্ গরা ওইয়্যে সিয়েন ভিদিরে যঅ।

রোমীয় 9:3

মঅ ভেইয়ুনো বদলে, অত্তাৎ যিগুনে মঅ জাদর্ মানুচ্‌ তারার্ বদলে যুনি সম্ভব অদঅ সালে মুই নিজেই খ্রীষ্ট কায়-কুরেত্তুন দূর্ ওই যেবার্ অভিশাব্ মানি লোদুং।

১ করিন্হীয় 16:22

যুনি কেঅ প্রভুরে কোচ্‌ ন-পায় সালে তা উগুরে অভিশাব্ পোড়োক্। আমা প্রভু এজোক্।

গালাতীয় 3:10

পবিত্র বোইবোত্ লেগা আঘে, “সেই মানুচ্চো অভিশাব্ পেইয়্যে, যে রীতি-সুদোমত্ লেগা পত্তি কধা ন-পালায়।” সালে দেগা যায়, যিগুনে রীতি-সুদোম্ পালানা উগুরে নির্ভর গরন্ তারার্ বেক্কুনো উগুরে এ অভিশাব্‌পান আঘে।

গালাতীয় 3:13

রীতি-সুদোম্ অমান্য গরানার ফলে যে অভিশাব্‌পান আমা উগুরে এলঅ, খ্রীষ্ট সে অভিশাব্‌পান নিজো উগুরে লোইনে আমারে উদ্ধোর্ গোজ্জ্যে। পবিত্র বোইবোত্ এ কধাগান্ লেগা আঘে, “যিবেরে গাজত্ টাঙা অয় তে অভিশাব্ পেইয়্যে।”

দ্বি’লম্বর বিররণ 25:19

তমার গোজেন লগেপ্রভু যে দেজ্‌ছান সোম্বোত্তি ইজেবে গজক্ গুরিবাত্তে তমারে দিবাত্তে যার্‌ সিয়েনত্‌ তমার চেরোকিত্তে শত্রুগুনো সমারে লাড়ে বাজানাত্তুন তে যেক্কে তমারে জিরেবাত্তে দিবো সেক্কে পিত্‌থিমী উগুরেত্তুন্‌ অমালেকীয়গুনোর চিহ্নোগান তমাত্তুন এক্কুবারে পুঝি ফেলা পুরিবো। এ কধাগান তুমি পুরি ন-ফেলেয়ো।

দ্বি’লম্বর বিররণ 7:26

কনঅ ঘিনাইদে জিনিস তমা ঘরত্‌ ন-আনিবা। সিয়েনি তুমি মনে-পরাণে ঘিনেবা আর ঈচ্ গুরিবা, কিত্যে সিগুনো উগুরে আগেদে ভস্ত অবার্‌ অভিশাব। সিয়েনি যুনি তুমি ঘরত্‌ আনঅ সালে তমা উগুরেয়ো ভস্তর্‌ অভিশাব লামি এবঅ।

যিহোশূয় 6:26

ইয়েনর্ পরেন্দি যিহোশূয় শমক্‌ খেইনে কলদে, “এ যিরীহো শঅ‌রান যে মানুচ্চ্য আরঅ‌ তুলিবো তা উগুরে লগেপ্রভুর এ অভিশাপ্পান পুরিবো: পত্তম পূঅবোর জীংকানিগান দিইনে তে তার খুদোবো গাড়েব, আর চিগোন্‌ পূঅবোর্‌ জীংকানিগান দিইনে তা গেট্টুন্‌ তুলিবাক্‌।”

যিহোশূয় 7:1

যিরীহো শঅরর্‌ ভস্তর্ অভিশাবর তলে থেইয়্যে পযারিরেনি পৌইদ্যেনে ইস্রায়েলীয়গুনে অবিশ্বেজী ওইয়োন্‌। যিহূদা-গুট্টির কর্মির পূঅ আখনে সে জিনিজোত্তুন্‌ কয়েক্কান নিজোত্তে নেযেল। কর্মি অলদে সব্দির পূঅ আর সেরহর নাদিন্‌। আখনর এ কামানত্তেই ইস্রায়েলীয়গুনো উগুরে লগেপ্রভুর রাগকান্‌ জুলি উদিলো।

যিহোশূয় 7:25

সে পরেন্দি যিহোশূয় কলঅ, “কিত্তেই তুই আমা উগুরে এ দযাগান্‌ ডাগি আনিলে? এচ্চ্যে লগেপ্রভুয়ো তঅ‌ উগুরে দযা আনিবো।” সেক্কে বেক্‌ ইস্রায়েলীয়গুনে পত্তমে আখনরে আর পরেন্দি তা গিরির্‌ বেক্কুনোরে পাত্তর্‌ মেলা দিইনে মারে ফেলেলাক্‌। সে পরেন্দি বেক্কানিলোই তারারে পুড়ি ফেলেলাক্‌।

বিচের গুরিয়্যেগুন 21:11

তারা কলাক্‌, “তুমি পত্তি মরদরে আর গাবুজ্যে নয় এধোক্ক্যেন্‌ পত্তি মিলেরে মারে ফেলেবা।”

বিচের গুরিয়্যেগুন 21:18

আমা মিলেগুনোরে দঅ তারার্‌ লগে বৌ-দি ন-পারিই, কিত্যে আমি শমক্‌ খেইনে কোইয়্যেদে, কনঅ জনে যুনি কনঅ বিন্যামীনীয়রে মিলে দে সালে তে অভিশাব্‌ পেবঅ।”

বিচের গুরিয়্যেগুন 21:5

মিস্পাত তারা ইয়েন কোইনে এক্কান দরমর শমক্‌ গুরিলাক্‌, কনঅ জনে যুনি মিস্পাত্‌ যেইনে লগেপ্রভুর ইদু ন-যান্‌ সালে হামাক্কাই তারে মারে ফেলা অবঅ। সেনত্তেই তারা একজন আরেকজনরে পুজোর্‌ গরা ধুরিলাক্‌, “ইস্রায়েলীয়গুনোর বেক্‌ গুট্টিত্তুন কন্না মিস্পাত্‌ লগেপ্রভুর ইদু ন-যায়?”

১ শমূয়েল 15:18

তে তরে এক্কান কামত্‌ পাদেয়্যে আর কোইয়্যেদে, ‘তুই যেইনে সেই পাপীগুনোরে, অত্তাৎ অমালেকীয়গুনোরে এক্কুবারে শেজ্‌ ন-অনা সং তারা সমারে যুদ্ধো গুরিবে।’

১ শমূয়েল 15:3

ইক্কিনে তুই যেইনে অমালেকীয়গুনোরে আক্রমণ গুরিবে আর তারার্ যিয়েনি আঘে বেক্কানি ভস্ত গুরি ফেলেবে; তারা উগুরে কনঅ দোয়্যে ন-গুরিবে। তারার মিলে-মরদ, ঝি-পূঅ, দুধ-খাইদে চিগোন চিঝি, গোরু-ভেড়াছাগল, উট, গাধা বেক্কুন্‌ মারে ফেলেবে।’”