লেবীয় 27:27 - Chakma Bible

²⁷ যুনি সিবে কনঅ ফি-বলা য়েমানর্‌ পত্তম ছঅ অয় সালে ধর্মগুরুগুনোর্‌ ঠিগ গুরি দিয়া দাম সমারে আরঅ‌ পাঁচ ভাগর্‌ এক ভাগ দাম বেশ্‌ দিইনে সিবে তে ছাড়েই নেযেই পারিবো। যুনি তে সিবে ছড়েইনে ন-নেযায় সালে সে ঠিগ গুরি দিয়া দামান্দোই সিবে বিজি দিয়া পুরিবো।

লেবীয় 27:27 ပူးပေါင်းရင်းမြစ်များ

লেবীয় 27:11

লগেপ্রভু মানি লোইয়্যে উৎসর্ব নয় এধোক্ক্যেন কনঅ ফি-বলা য়েমান যুনি কনজনে মানত্‌ গরন্‌ সালে য়েমান্নোরে ধর্মগুরুগুনো ইদু নেযা পুরিবো।

লেবীয় 27:13

মান্যেদে সিবে যুনি সিয়েন্‌ ছাড়েই নিবাত্তে চায়্‌ সালে সেই য়েমান দামান সমারে তাত্তুন্‌ আরঅ পাচ্ ভাগর্‌ এক ভাগ দাম বেশ্‌ দিয়া পুরিবো।

লেবীয় 27:15

যুদো গুরি রাগেয়্যে ঘরান্‌ যুনি তে ছাড়েইনে নিবার্‌ চায়্‌ সালে ঘরানর্‌ দামান সমারে তাত্তুন্‌ আরঅ পাচ্ ভাগর্‌ একভাগ দাম বেশ্‌ দিয়া পুরিবো। সে পরেদি ঘরান্‌ আরঅ তার্‌ ওই যেবঅ।

লেবীয় 27:26

কনঅ য়েমানর্‌ পত্তম চেলা ছঅবো কনজনে লগেপ্রভুর নাঙে যুদো গুরি রাগেই ন-পারিবো, কিত্যে বেক্‌ য়েমানর্‌ পত্তম ছঅগুন্‌ লগেপ্রভুর। ছঅবো গোরুর ওক্‌ বা ভেড়ার ওক্ সিবে লগেপ্রভুর।

লেবীয় 27:28

মাত্তর্‌ যুনি কনজনে তার্‌ নিজোর্‌ কনঅ কিজু লগেপ্রভুর নাঙে ভস্তর্ অভিশাবর তলে বিলি ফগদাঙ্‌ গরন সালে তে সিয়েন্‌ আর বিজি দেনা বা ছাড়েই নেযে ন-পারিবো-সিয়েন্‌ পরিবারর্‌ ভূই ওক্‌ বা মানুচ্‌ বা য়েমান ওক্। এধোক্ক্যেনগুরি যেদক্কানি ভস্তর্‌ অভিশাবর্‌ তলে বিলি ফগদাঙ্‌ গরা অয় সিয়েনি বেক্কানি লগেপ্রভুর নাঙে দাঙর্‌ পবিত্র জিনিস্ বিলি ধুরি নেযা পুরিবো।

লেবীয় 27:31

কনজনে যুনি তার্‌ সেই দশ ভাগর এক ভাগ ছড়েইনে নিবার্‌ চায়্‌ সালে তার্‌ দামান সমারে তাত্তুন্‌ আরঅ পাচ্ ভাগর্‌ একভাগ দাম বেশ্‌ দিয়া পুরিবো।

লেবীয় 5:16

সেই শুদ্ধ-সাংগ জিনিজো পৌইদ্যেনে তে অন্যেয়্‌ গোজ্যে বিলি তাত্তুন্‌ এ ক্ষেদিপূরোণ্‌ দিয়্যে পুরিবো। ইয়েন্‌বাদে ভেড়াবোর্‌ দাম সমারে আরঅ্‌ পাঁচ ভাগর্‌ এক ভাগ্‌ দাম তাত্তুন্‌ ধর্মগুরুবো আঢত্ দিয়্যে পুরিবো। ধর্মগুরুবো সেই ভেড়াবো নেযেইনে দুষ-স্বীগেরর্ ডালি ইজেবে সিবে ডালিপূজো গুরি তার্‌ অন্যেয়ান্‌ নাঢি দিবার্‌ বেবস্থা গুরিবো আর সেক্কে তারে ক্ষেমা গরা অবঅ।