লেবীয় 27:26 - Chakma Bible

²⁶ কনঅ য়েমানর্‌ পত্তম চেলা ছঅবো কনজনে লগেপ্রভুর নাঙে যুদো গুরি রাগেই ন-পারিবো, কিত্যে বেক্‌ য়েমানর্‌ পত্তম ছঅগুন্‌ লগেপ্রভুর। ছঅবো গোরুর ওক্‌ বা ভেড়ার ওক্ সিবে লগেপ্রভুর।

লেবীয় 27:26 ပူးပေါင်းရင်းမြစ်များ

২ রাজাবলী 7:5

ইয়েন্‌ কোইনে সাজ্যেন্যের্‌ আগেন্দি তারা অরামীয়গুনোর তাম্বুলোত্‌ গেলাক্‌। তাম্বুলোর্‌ ঢাগেন্দি যেইনে চেলাক্‌ সিয়েনত্‌ এক্কো মানুচ্‌অ নেই।

নহিমিয় 10:36

রীদি-সুদোমত্‌ যেধোক্কেন্‌ লেগা আঘে সেধোক্কেন্‌ আমি আমার্‌ পত্তম্‌ মরদ পূঅবো আর এ্যমানর্‌ পত্তম্‌ ছঅবো আমা গোজেনর সেবাগুরিয়্যে ধর্মগুরুগুনোর ইদু নেযেবং।

যাত্রা 13:2

“ইস্রায়েলীয়গুনো ভিদিরেত্তুন্ পত্তি ঘরর্‌ পত্তম মরদ পূয়োবোরে মর্‌ নাঙে যুদো গরঅ, সিবে মান্‌জ্যর্‌ ওক্‌ বা য়েমানর্‌ ওক্‌। পত্তি ঘরর্‌ পত্তম মরদ পূয়োবো মর্‌।”

যাত্রা 22:30

তমার গোরু আর ভেড়াছাগলুনোর্ বেলাইয়ো সিয়েন্‌ গুরিবা। সাত দিন্‌ সং তারার ছঅ‌গুন্‌ মা-বো ইদু থেবাক্, সে পরেদি আস্‌তো দিনোত্‌ সিগুন্‌ মরে দিয়্যে পুরিবো।

লেবীয় 27:27

যুনি সিবে কনঅ ফি-বলা য়েমানর্‌ পত্তম ছঅ অয় সালে ধর্মগুরুগুনোর্‌ ঠিগ গুরি দিয়া দাম সমারে আরঅ‌ পাঁচ ভাগর্‌ এক ভাগ দাম বেশ্‌ দিইনে সিবে তে ছাড়েই নেযেই পারিবো। যুনি তে সিবে ছড়েইনে ন-নেযায় সালে সে ঠিগ গুরি দিয়া দামান্দোই সিবে বিজি দিয়া পুরিবো।

গণাণা 18:17

মাত্তর্‌ পত্তম জোর্মেয়ে এধোক্ক্যেন চেলা ছঅ বা ভেড়াছাগলর বা ছাগলর পাদা ছঅ ছাড়েই নেযানা ন- চলিবো। ইগুন্‌ সুদ্ধো-সাংগ। তুই পূজোবো উগুরে সিগুনোর লোনি ছিদি দিবে আর আগুন্দোই-গোজ্যে উৎসর্ব ইজেবে তারার তেলানি পুড়ি ফেলেবে। ইয়েনর তুম্বাজে লগেপ্রভু খুজি অয়।

গণাণা 3:13

কিত্যে ইস্রায়েলীয়গুনোর্‌ বেগঅ পত্তম পূঅবো মর্‌। মিসর দেজর্‌ পত্তম পূঅগুনোরে মারে ফেলেবার্‌ সময় মুই ইস্রায়েলীয়গুনো ভিদিরে পত্তম মরদ্‌ পূঅবোরে মত্তে যুদো গুরি রাগেয়োং-তে মানজ্যর্‌ ওক্‌ বা য়েমানর্‌ ওক্‌। তারা মর্‌; মুই লগেপ্রভুর্।”

দ্বি’লম্বর বিররণ 15:19

তমাত্তুন গোরু-ভেড়া আর ছাগলর পত্তি পত্তম য়েমান ছঅগুন তমার গোজেন লগেপ্রভুর নাঙে যুদো গুরি রাগেবা। তমার গোরুগুনোর পত্তম ছঅ্‌বুয়ো কামত্‌ ন লাগেবা আর ছাগল আর ভেড়ার পত্তম ছঅবুয়োর কেশ্‌চানি ন কাবিবা।