লেবীয় 27:11 - Chakma Bible

¹¹ লগেপ্রভু মানি লোইয়্যে উৎসর্ব নয় এধোক্ক্যেন কনঅ ফি-বলা য়েমান যুনি কনজনে মানত্‌ গরন্‌ সালে য়েমান্নোরে ধর্মগুরুগুনো ইদু নেযা পুরিবো।

লেবীয় 27:11 ပူးပေါင်းရင်းမြစ်များ

লেবীয় 27:10

সেই য়েমানর্‌ বদলে অন্য য়েমান তে দিই ন-পারিবো। সিবে গম্‌ অলে তার্‌ বদলে বজঙো বা বজং অলে তার্‌ বদলে গম্‌মো দেনা ন-চলিবো। যুনি তে এক্কোে য়েমানর্‌ বদলে অন্য এক্কো য়েমান দে সালে দ্বিবে য়েমানই সুদ্ধো-সাংগ বিলি ধরা অবঅ।

লেবীয় 27:12

য়েমান্নো কি অবস্থায় আঘে ধর্মগুরুবো সিয়েন্‌ বিচের্‌ গুরি তার্‌ যে দামান্‌ ঠিগ্ গুরি দিবো সিবে অবঅ তার্‌ দাম।

মালাখি 1:14

যিবের্ য়েমান পাল ভিদিরে যগাজ্যে মরদ য়েমান্ আগন্ আর তে সিবে দিবাত্তে মানত্ গোজ্যে মাত্তর্ সে পরেদি এক্কো থুদো য়েমান্ লগেপ্রভুর নাঙে উৎসর্ব গোজ্যে, তে দঅ দগাবাঁজি। তা উগুরে অভিশাব্ পোড়োক্। মুয়ই দাঙর্ রাজা আর বেক্ জাদ্‌‌‌‌তুনে মরে দরান্। মুই বেগত্তুন্ খেমতাবলা লগেপ্রভু এ কধাগান কঙর্।”

দ্বি’লম্বর বিররণ 23:18

মরদ্‌ ওক্‌ বা মিলে ওক্‌ যে বেশ্যের জীংকানি কাদায় তার্‌ আয়র্‌ টেঙাগুন্‌ মান্যা চিড়েবাত্তে তমার গোজেন লগেপ্রভুর ঘরত্‌ আনানা ন-চলিবো, কিত্যে এবাবোত্যে মরদ্‌ আর মিলেরে লগেপ্রভু ঘিনাই।