লেবীয় 26:5 - Chakma Bible

⁵ সেক্কে তমার্‌ গম্‌ মাড়ানা কাম্‌ চুলিবো আংগুর তুলোনা অক্ত সং আর আংগুর তুলোনা চুলিবো বীজ লাগানার্‌ অক্ত সং। তুমি সেক্কে পেট ভুরিনে হেই পেবা আরঅ দেজ ভিদিরে চিদেসজ্জা নেইয়্যে গুরি বজত্তি গুরি পারিবা।

লেবীয় 26:5 ပူးပေါင်းရင်းမြစ်များ

গীতসংহিতা 144:13

আমা গোলা ঘরানি যেন নানান্ বাবোত্যে হানালোই ভরা থায়; আমা ভেড়াগুনে যেন মাদত্ আজার্ আজার্, লাখ্ লাখ্ ছঅ পুদোন্।

গীতসংহিতা 90:1

ও প্রভু, বংশর পর বংশ ধুরি তুয়ই আমার থেবার জাগা।

যাত্রা 16:8

মোশি আরঅ কলদে, “সাজোন্যা অক্তত্‌ যেক্কে লগেপ্রভু তমারে য়েরা দিবো আর বেন্যে অক্তত্‌ দিবো নানান্‌ বাবোত্যা পিদে সেক্কেয়ই তুমি বুঝিবাদে, লগেপ্রভুই‌ তমারে মিসর দেজত্তুন্‌ নিগিলেই আন্যে। তাঁর্‌ বিরুদ্ধে তুমি যেদক্কানি কধা কোইয়ো সিয়েনি বেক্কানি তে শুন্যে। আমি কন্না? এদক্কানি কধা তুমি আজলে আমা বিরুদ্ধে ন-কর্‌, কোইয়োদে লগেপ্রভুর্‌ বিরুদ্ধে।”

গম্ উপদেজ্ 1:33

মাত্তর্ যিগুনে মঅ কধাগান শুনোন্ তারা গমেডালে বজত্তি গুরিবাক্; তারা সুগে-শান্দিয়্যে থেবাক্, অমংগলরে ন-দোরেবাক্।”

গম্ উপদেজ্ 18:10

লগেপ্রভুর দরমর ঘর ধোক্ক্যেন্; গোজেন ভক্ত মান্‌জ্যে সিয়েনত্ যেইনে রোক্ষ্যে পায়।

যিশাইয় 1:19

যুনি তুমি বাধ্য অবাত্তে রাজি অ সালে দেজর্ বেগত্তুন্ গম্ খেত্-খেত্তি তুমি হেই পেবা,

যিশাইয় 30:23

তে তমারে ঝড়্ দিবো যেনে তুমি মাদিত্ বীজ্ ফেলেই পার আর ভূইয়োত্তুন্ যে খেত্-খেত্তিগানি এবঅ সিয়েনি গম্ আর তেল্‌তেল্যে অয়। সেদিন্যে তমার্ য়েমান পালুনো বোউত্ দাঙর্ দাঙর্ মাদত্ চড়িবাক্। ‍‌

যিরমিয় 23:6

তা সময়োত্ যিহূদা রোক্ষ্যে পেবঅ আর ইস্রায়েলে গমেডালে বজত্তি গুরি পারিবো। তারে লগেপ্রভু আমার উদ্ধোর্ গুরিয়্যে বিলিনে ডাকা অবঅ।

হোশেয় 2:18

সেদিন্যে মুই তাত্তে য়েমান, পেগ্ আর বুগেদি আঢি বেড়েয়্যে প্রাণিগুনো লগে মিজেম। মুই দেজত্তুন্ ধনু, লাম্বাছুরি আর যুদ্ধো দূর্ গুরি দিম যেনে বেক্কুনে গমেডালে ঘুম যেই পারন্।

হোশেয় 2:20

মুই বিশ্বেজ্ গুরিনে সেই মিজেনাগান পাক্কা গুরিম আর সেক্কে তুই লগেপ্রভুরে গভীন গুরিনে জানি পারিবে।

যোয়েল 2:19

লগেপ্রভু তারার্ কধানির জোব্ দিইনে কবঅ, মুই তমা ইধু শোজ্য, নূয়ো আংগুর-রস আর তেল পাদাঙর্, সেক্কে তুমি ভর্‌‌‌‌পুনোং গুরিনে হুজি অবা; অন্য জাদ ইধু আর কনদিন্‌অ মুই তমারে ঈচ্ গরেপারা ন-গুরিম।

যোয়েল 2:22

ও মাদর্ য়েমানুন, তুমি ন-দোরেয়ো, কিত্যে চরি বেড়েবার মাদ্‌‌‌‌‌তুন য়্যাল্ ওই উঠ্যে। গাজে গাজে ফল ধোজ্যন্; ডোমোর্ গাজ আর আংগুর লুদিগানিয়ে বোউত্ ফল দের্।

যোয়েল 2:26

তুমি পেট্ ভুরি হেইনে ঈল্ অবঅ আর তুমি তমার্ গোজেন লগেপ্রভুর বাঈনী গুরিবা যিবে তমাত্তে আমক্ আমক্ অইদ্যে কাম গোজ্যে; মঅ মানুচ্চুনে আর কনদিন্‌অ ন-লাজেবাক্।

আমোষ 9:13

লগেপ্রভু আর কত্তে, “সে দিনুন্ এজের্ যেক্কে এদক্ শোজ্য জোর্মেবাক্ যে, সিগুন বেক্কুন কাবিবার আগে আরঅ চাষ গুরিবার সময় এবঅ আর এদক্ আংগুর অবাক্ যে, সিগুন বেক্কুন মাড়িবার আগেদি আরঅ ফসল লাগেবার সময় এবঅ। দাঙর্ দাঙর্ মুড়োগুনোত্তুন্ বোউত্ নূয়ো আংগুর-রস পাহ্ যেবঅ আর সিগুনে বেক চিগোন্ চিগোন্ মুড়োগুনোরে যেন ধোইনে নেযেব।

মথি লেখ্যে গম্ হবর্ 23:37

“যিরূশালেম! হায় যিরূশালেম! তুই ভাববাদীগুনোরে খুন্ গুরি থাচ্ আর তমা ইধু যিগুনোরে গোজেনর্ হবর্ কোইয়্যে দিপাদা অয় তারারে পাত্তর্ মারি থাচ্। কুরো শর্মা যেবাবোত্যেগুরি ছগুনোরে তা ডুয়োনিলোই এগত্তর্ গরে সেবাবোত্যেগুরি মুই তঅ মানুচ্চুনোরে কয়বার্ মইধু এগত্তর্ গুরিবাত্তে চেইয়োং, মাত্তর্ তুমি রাজী ন-অ।

প্রেরিত্‌ 14:17

মাত্তর্ তো তে নিত্য নিজো পৌইদ্যেনে সাক্ষি দিয়্যে। তে আগাজত্তুন্ ঝড় দিইনে আর সময় মজিম ফসল দান গুরিনে তার্ দোয়্যে তমারে দেগেয়্যে। তে ভালোক্কানি হানা দান গুরিনে তমা মনানিরে হুজিয়্যে ভর্‌‌‌পুনোং গোজ্যে।”

দ্বি’লম্বর বিররণ 11:15

লগেপ্রভু তমার য়েমানপালুনোত্তে মাদত্‌ ঘাস অবাত্তে দিবো। সিয়েন বাদে তুমিয়ো পেট ভরে সং হেই পেবা।

১ তীমথিয় 6:17

যিগুনে এ জগদত্ থাগোইয়্যে তারারে এ উগুমান দে যেন তারা দেমাগ্ ন-গরন আর কানগ্‌‌কন্ন্যে ধন উগুরে নির্ভর ন-গুরিনে গোজেন উগুরে নির্ভর গরন। তেয়ই ভোগ্ গুরিবাত্যে বেক্ জিনিস্‌‌চানি খুলো আঢে আমারে দান গরে।

১ পিতর 1:5

তুমি পুরোপুরি গুরিনে উদ্ধোর্ ন-পানা সং গোজেনর্ খেমতায় বিশ্বেজ্‌‌চান্দোই তমারে গমেডালে থুয়ো অর্। শেজ্ সময়োত্ ফগদাং অবাত্যে সেই উদ্ধোরর্ যুক্কোল্ গুরি থুয়ো ওইয়্যে।