লেবীয় 26:37 - Chakma Bible

³⁷ কনজনে তারার্‌ পিজেন্দি ন-লোড়েলেয়ো যুদ্ধোর্‌ আদত্তুন্‌ বাঁচিবাত্তে আদি যেইয়্যে মান্‌জ্য ধোক্ক্যেন গুরি দাবা দিবাত্তে যেইনে তারা এক্কো আর এক্কো উগুরে পড়িবাক্। শত্রুগুনোর মুজুঙোত্ তুমি থিয়্যেই ন-পারিবা।

লেবীয় 26:37 ပူးပေါင်းရင်းမြစ်များ

যিশাইয় 10:4

তুমি দঅ বন্দীগুনো ভিদিরে থেবা বা মরাগুনোর্ সমাজ্যে অবা; তমার্ গুরিবার আর্ কিচ্চু ন থেবঅ। ইয়েনি অলেয়ো তা রাগ্‌কান ন-থামেব; এজঅ তা আঢ্‌তান তুল্যে আঘে।

যিরমিয় 37:10

যে বাবিলীয় সৈন্যগুনে তমারে আক্রমণ গোজ্যন্ তুমি যুনি তারারে বেক্কুনোরে ওদেই দুয়ো আর বানা তারার আহত মানুচ্চুনে তাম্বুলোত্ পড়ি থান, সালে তারা নিগিলি এইনে এ শঅরান পুড়ি ফেলেই দিবাক্।’ ”

যিরমিয় 46:16

তারা বার্ বার্ উজোত্ হেবাক্; তারা একজনে আর একজন উগুরে পড়িবাক্। তারা কবাক্, ‘উদো, আঢঅ আমি অত্যেচারিগুনো তলোয়ারত্তুন্ দূরোত্ যেইনে আমা নিজো মানুচ্চুনো ইধু আর নিজো দেজত্ ফিরি যেই।’

যিরমিয় 6:21

সেনত্তে লগেপ্রভু কোইয়্যেদে, “এ মানুচ্চুনো মুজুঙোত্ মুই নানান্ বাবোত্যে মানা গুরিম। বাবে-পুয়োই এক সমারে সিয়েনত্ উজোত্ হেবাক্; পাড়াল্যেগুনে আর সমাজ্যেগুনে ভস্ত ওই যেবাক্।”

লেবীয় 26:17

মুই তমান্দিত্তুন্‌ মুয়োন ফিরেই নেযেম্‌ আর তুমি তমার শত্রুগুনো ইদু উদি যেবা। তমারে ঈচ্ গরন্দেগুনে তমারে শাজন গুরিবাক্ আর কনজনে তমারে ন-লোড়েলেয়ো তুমি ধেই যেবা।

নহূম 3:3

ঘোড়া বাহিনীগুনে আক্রমন গত্তন্, লাম্বা ছুরিগানি ঝিমিলের্, সেলুন্ ঝিক্ ঝিক্ গরের্। চঅ, বোউত্ আহত মানুচ্ আর মরা কিয়্যের্ কুড়্, গুণি ন-ফুরেইয়্যে মরাকিয়্যে, মান্‌জ্যে মরা কিয়্যে উগুরে উজোত্ খাদন্।

গণাণা 14:42

তুমি ন-যেয়ো, কিত্যে লগেপ্রভু তমা সমারে নেই। শত্রুগুনো ইদু তুমি উদি যেবাগোই।

বিচের গুরিয়্যেগুন 2:14

সেনত্তেই লগেপ্রভু রাগে লুটগুরিয়্যেগুনোর আঢত্‌ ইস্রায়েলীয়গুনোরে তুলি দিদো। তারা তারার্‌ পযাপিরানি লুদেই নিদাক্‌। তারার্‌ চেরোকিত্তে শত্রুগুনোর আঢত্‌ তে তারারে তুলি দিদো, সেনত্তেই তারা শত্রুগুনোর বিরুদ্ধে আর ঠিয়্যেই ন-পারিদাক্‌।

বিচের গুরিয়্যেগুন 7:22

তিনশত্‌ শিংগা বাজেবার অক্তত্‌ লগেপ্রভু এন্‌ গুরিলো যার্‌ ফলে তাম্বুলো ভিদিরে বেক মানুচ্চুনে একজনে আরেকজনরে তলোয়ারলোই আক্রমণ গরা ধুরিলাক্‌। সেক্কে মিদিয়নীয় সৈন্যগুনে টব্বতর কায়-কুরে আবেল-মহোলার দুযিবো সং আর সরোরার ইন্দি বৈৎ-শিট্টা সং ধেই গেলাক্‌।

১ শমূয়েল 4:2

পলেষ্টীয়গুনে ইস্রায়েলীয়গুনোর বিরুদ্ধে যুদ্ধো গুরিবাত্তে সৈন্য সাজেলাক্। যুদ্ধোগান যেক্কে চেরোকিত্তে ছিদি পড়িলো সেক্কে ইস্রায়েলীয়গুনে পলেষ্টীয়গুনো ইদু উদিই গেলাক্। যুদ্ধোর মাদঠ্‌ পলেষ্টীয়গুনে প্রায় চের আজার ইস্রায়েলীয় সৈন্যরে মারে ফেলেলাক্।