লেবীয় 26:25 - Chakma Bible

²⁵ মর্‌ সুদোম ভাঙানাত্যে মুই তমা উগুরে যুদ্ধো আনিম। শত্রুগুনে দেগিনে যেক্কে তুমি শঅরত্‌ যেইনে চুমিবা সেক্কে তমা ইধু মুই ভানা পাদেই দিম, আর সেক্কে তুমি শত্রুর আঢত্ যেইনে পুরিবা।

লেবীয় 26:25 ပူးပေါင်းရင်းမြစ်များ

২ শমূয়েল 24:15

লগেপ্রভু সেক্কে বেন্যেত্তুন্‌ ধুরি আরাম্ভ গুরিনে ঠিগ্ গোজ্যে অক্তবো সং ইস্রায়েল উগুরে এক্কান্‌ ভানা পাধেই দিলো। সেক্কে দানত্তুন্‌ বের্‌-শেবা সং পুরো দেজর্‌ মানুচ্চুনো ভিদিরেত্তুন্‌ সত্তুর্‌ আজার মানুচ্‌ মুরি গেলাক্।

১ রাজাবলী 8:33

তর্‌ বিরুদ্ধে পাপ গরানার কারনে যেক্কে তর্‌ মানুচ্‌ ইস্রায়েলীয়গুনে শত্রুগুনো ইদু উদি যেইনে আরঅ তইদু ফিরি এবাক্‌ আর এ তবনা-ঘরত্‌ তর্‌ বাঈনী গুরিনে তইদু তবনা আহ্‌ কোজোলি গুরিবাক্,

১ রাজাবলী 8:37

যুনি দেজত্‌ ভাদঅ রাত্‌ বা পিড়ের্‌ ভানা দেঘা দে, যুনি ফসল শুগে-যেইয়্যে পিড়ে বা আঙা যেয়ে পিড়ে অয়, যুনি ফসলত্‌ ফিরিং বা পুগ্-যুগ্ পড়ন্‌, যুনি শত্রুয়ে তারার্‌ কনঅ শঅর্‌ ঘিরি ফেলান্‌-যে কনঅ বাবোত্যে দজা বা পিড়ে দেঘা দিদো সাৎ,

২ রাজাবলী 17:3

আসিরিয়ার রাজা শল্‌মনেষর হোশেয়রে আক্রমণ গুরিবাত্তে এলঅ। সে কারনে হোশেয় শল্‌মনেষরর তলে-রাজা অলঅ আর তারে কর্‌ দিয়্যে ধুরিলো।

২ বংশধর 24:24

যিহূদার মানুচ্চুনে তারার্‌ পূরোণি মানুচ্চুনোর গোজেন লগেপ্রভুরে ছাড়ি যেইয়োন্‌ বিলিনে অরামীয় সৈন্যদলত্‌ কম্‌ মানুচ্‌ থেলেয়ো লগেপ্রভু বোউত্‌ দাঙর্‌ সৈন্যদলরে তারা আঢত্‌ তুলি দিলো। এধোক্ক্যেন গুরিনে অরামীয়গুনোরে দিইনে যোয়াশরে সাজা দিয়্যে অলঅ।

গীতসংহিতা 94:1

ও লগেপ্রভু, অন্যেয়র্ সাজা দিবার অধিকারী গোজেন, ও অন্যেয়র্ সাজা দিবার অধিকারী গোজেন, তর্‌ পহ্‌রান ফগদাং ওক্।

যাত্রা 5:3

সেক্কে তারা কলাক্, “ইব্রীয়গুনোর্‌ গোজেন আমা লগে দেগা দিয়্যে। সেনত্যে তুই দোয়্যে গুরি আমারে যেবাত্তে দে যেনে আমি ধূল্যেচর-চাগালাত্‌ তিন দিনো পথ যেইনে আমা গোজেন লগেপ্রভু নাঙে য়েমান উৎসর্ব গুরি পারিই। সিয়ান ন-গুরিলে তে দগে নঅলে কনঅ মরন পীড়েলোই বা যুদ্ধোর্‌ মাধ্যমে আমা উগুরে সাজা-আনিবো।”

যিশাইয় 1:20

মাত্তর্ যুনি তুমি বাধ্য অবাত্তে রাজী ন-ওইনে উল্লোমী গরঅ সালে তলোয়ারানে তমারে ভস্ত গুরিবো।” লগেপ্রভু নিজে এ কধাগান কোইয়্যে।

যিশাইয় 65:12

মুই তমা ভাগ্যগান ঠিগ্ গুরিম তলোয়ারলোই, আর তুমি বেক্কুনে কাবা হেবাত্তে মাঢা নিগিরিবে। ইয়েনর্ কারনান্ অলঅ, মুই তমারে ডাক্যং মাত্তর্ তুমি জোব্ ন-দুয়ো, মুই কধা কোইয়োং মাত্তর্ তুমি ন-শুনো। মঅ চোগেদি তুমি ভান্ন্যেই কাম্ গোজ্য আর যেনে মুই হুজি অং সেনত্তে বেঈ নেযেয়োং।”

যিরমিয় 19:7

এ জাগায়ানত্ মুই যিহূদা আর যিরূশালেমর মানুচ্চুনোর পরিকল্পনাগান বর্‌বাত গুরিম। যিগুনে তারার পরাণান নিবাত্তে চান তারার সেই শত্রুগুনোরে দিইনে যুদ্ধোর ভিদিরে মুই তারারে মারে ফেলেম আর তারার মরাকিয়্যেগানি আগাজর্ পেগ্‌‌‌‌কুনে আর ঝার য়েমানুনোর হানা ইজেবে দিম।‌

যিরমিয় 24:10

মুই তারারে আর তারার পুরোণি মানুচ্চুনোরে যে দেজ্‌‌চান দুয়োং সে দেজত্ যেদক্ ভিলোন সং তারা এক্কুবারে ভস্ত ওই ন-যান সেদক্ ভিলোন সং মুই তারা ভিদিরে যুদ্ধো, ভাদরাত আর ভানা পাদেম্।”

যিরমিয় 50:28

শুনো, বাবিলত্তুন্ ধেই যেইয়্যে আর রোক্ষ্যে পেইয়্যে মানুচ্চুনে সিয়োনত্ এইনে ফগদাং গত্তন্দে, আমা গোজেন লগেপ্রভু কেধোক্ক্যেন গুরি তা ঘরানত্তে হেনা সুচ্যে।

যিরমিয় 51:11

তুমি সেলুন্ ধারঅ, ঢাল নেযঅ। লগেপ্রভু মাদীয় রাজাগুনোরে রাগ্ তুলি দিয়্যে, কিত্তে তা উদ্দেশ্যগান অলঅ বাবিলরে ভস্ত গরানা। লগেপ্রভু হামাক্কায় তা ঘরানত্তে হেনা সুজিবো।

যিরমিয় 9:16

মুই তারারে এমন বেক্ জাদ ভিদিরে ছিদি দিম্ যিগুনোরে তারা হবর্ ন-পান বা তারার পুরোণি মানুচ্চুনেয়ো হবর্ ন-পান। তারার ভস্ত ন-গরানা সং মুই যুদ্ধো পাধেইনে তারা পিজেদি লোড়েম্।’ ”

আবিলেচ্ 2:21

পুয়ো আর বুড়োগুনে ধূল্যে ভিদিরে পধে পধে পড়ি আগন্; মর্ গাবুজ্যে-গাবুরিগুনে তলোয়ার ইধু পড়ি যেয়োন। তর্ রাগ দিনোত্ তুই তারারে মারে ফেল্যস্; তুই তারারে কাবি ফেল্যস্, মেয়্যে ন-গরচ্।

যিহিষ্কেল 14:17

ধর, মুই সেই দেজ বিরুদ্ধে যুদ্ধো আনিনে কলুং, দেজর্ বেক্ জাগানিত্ যুদ্ধো ওক্, আর মুই সিদুগো মানুচ্চুন আর এ্যামানুনোরে মারে ফেলেলুং।

যিহিষ্কেল 20:37

মঅ লুদিক্কো তলেদি তমাত্তুন যাহ্ পুরিবো; মর্ সুদোমর্ দুড়িগান্দোই মুই তমারে বানিম।

যিহিষ্কেল 29:8

সেনত্তে মুই প্রভু লগেপ্রভু কঙর্, মুই তঅ বিরুদ্ধে যুদ্ধো আনিনে তঅ মানুচ্চুনোরে আর য়েমানুনোরে মারে ফেলেম।

যিহিষ্কেল 33:2

ও মান্‌জ্যর পুয়োবো‌‌‌‌‌, তঅ জাদর্ মানুচ্চুনোরে কঅ, লগেপ্রভু কোইয়্যেদে, ধুরিচ্, মুই কনঅ দেজর্ বিরুদ্ধে যুদ্ধো আনিলুং। সেক্কে দেজর্ মানুচ্চুনে তারা মানুচ্চুনো ভিদিরেত্তুন্ একজনরে বেঈ লোইনে তারে তারার্ চুগিদার নেযেলাক্।

যিহিষ্কেল 5:17

তঅ বিরুদ্ধে মুই ভাদরাদ্ আর চিৎনপুজ্যে য়েমান পাধেই দিম্; তারা তরে পুয়ো-ছা নেইয়্যে গুরিবাক্। ভানা আর লো ঝরানা তঅ মাধ্যমে যেবঅ আর মুই তঅ বিরুদ্ধে যুদ্ধো আনিম। মুই লগেপ্রভু এ কধাগান কলুং।”

হোশেয় 11:6

তারার্ শঅরত্ অমকদ যুদ্ধো অবঅ; সেক্কে তারার্ গেইট্টুনোর্ হুগ্‌‌কুন ভাঙি যেবাক্ আর তারার্ পরিকল্পনার কারনে তারা শেজ্ ওই যেবাক্।

লেবীয় 26:6

দেজত্‌ সেক্কে মুই সুখ্‌ দিম। তুমিয়ো সুগে-শান্দিয়্যে ঘুমেবা; কারত্তুন্‌ কনঅ দোরেবার্‌ কারন তমার্‌ ন-থেবঅ। মুই দেজত্তুন্‌ চিৎ নপুজ্যে য়েমানুন্ ধাবেই দিম্‌। কনঅ সৈন্য-সামন্ত তমার দেজ্‌চানরে আক্রমণ গুরিবাত্তে ন-এবাক্।

আমোষ 4:10

মিসরত্ যেবাবোত্যেগুরি পাদেয়োং সেবাবোত্যেগুরি মুই তমা ভিদিরে ভানা পাদেলুং। মুই যুদ্ধোর্ মাধ্যমে তমা গাবুজ্যেগুনোরে মারে ফেলেলুং আর তমা ঘোড়াগুন নেযেলুং। তমা তাম্বুলানির্ পজাবাজ্‌‌চান্ তমা নাগত্ ভোরেই দিলুং; তো তুমি মইদু ফিরি ন-এলা।

হবক্‌‌‌‌কূক 3:5

তা আগে আগে যার্ ভানাগান্; তা পিজে পিজে পীড়েগান যার্।

গণাণা 14:12

মুই এক্কান্‌ দাঙর্‌ পিড়ে আনিম্‌ আর এগেম্ গোজ্যে দেজর্‌ অধিকারানি তারাত্তুন্‌ কাড়ি নেযেম, মাত্তর্‌ তঅ ভিদিরেত্তুন্‌ মুই তারাত্তুনো বেশ্‌ দাঙর্‌ আর বোলী এক্কো জাদ্ সৃট্টি গুরিম্‌।”

গণাণা 16:49

কোরহর কারনে যিগুনে মুরি যেইয়োন্‌ তারা বাদে আরঅ চৌদ্দো আজার্ সাতশত মানুচ্‌ ভানাপিড়েলোই মুরি গেলাক্।

গণাণা 31:3

সেক্কে মোশি ইস্রায়েলীয়গুনোরে কলঅ, “মিদিয়নীয়গুনোর বিরুদ্ধে যুদ্ধো গুরিবাত্তে তমা ভিদিরেত্তুন্‌ কিজু মান্‌জ্যরে যুদ্ধোর্‌ পোজাক্কোই সাজেইনে নেযঅ, যেনে তারা লগেপ্রভুর ওইনে মিদিয়নীয়গুনোর্‌ পাওনা সাজা দি পারন্‌।

লূকে লেখ্যে গম্ হবর্ 21:11

দর্‌‌গরেপারা ভূজোল্ বেবঅ আর নানান্ জাগাত্ ভাদ-রাট্ আর ভানা অবঅ। ইয়েনি বাদেয়ো আগাজত্ এমন ঘটনা ঘুদিবো আর চিহ্নো দেগা যেবঅ যিয়েনি ভারী বেশ্ আর দর্‌গরেপারা।

দ্বি’লম্বর বিররণ 28:21

তুমি যে দেজ্‌ছান গজক্ গুরিবাত্তে যর্‌ লগেপ্রভু সিয়েনত্ এমন্‌ গুরিবো যেনে তমা ভিদিরে সাজুরেদে পিড়ে লাগি থায় আর যেরেন্দি তুমি দেজত্তুন এক্কুবারে শেজ্‌ ওই যঅ।

দ্বি’লম্বর বিররণ 32:25

শঅরর্‌ বারেন্দি লাম্বা ছুড়ির আঘাতে তারার পূঅ-ঝিগুনে মুরি যেবাক্, আর ঘর ভিদিরে দর্‌ দর্‌ ভাব লাগিবো। তারার বেক গাবুজ্যে-গাবুরী, চিগোন পূঅ-ঝি আর বুড়োগুনে ভস্ত ওই যেবাক্।

দ্বি’লম্বর বিররণ 32:35

অন্যেয়র সাজা দিবার অধিকার মর্; যার যিয়েন পাওনা মুই তারে সিয়েনই দিম্‌। অক্ত অলেই শত্রুগুনোর টেঙানি বিঝিদি যেবঅ; তারার ভস্তর্ দিনুন্‌ তারা ইদু এই যেইয়্যে। তারাত্তে যিয়েনি ঠিগ্ গুরি রাগা ওইয়্যে, সিয়েনি যাদিগুরি তারা উগুরে এই যেবঅ।”

দ্বি’লম্বর বিররণ 32:41

যেক্কে মর্ তেল্‌তেল্যে তলোয়ারানত্‌ মুই পাত্তর দিম্‌, মর্‌ বিচেরর রায়ানরে কামত্‌ লাগেবাত্তে সিয়েন আদত্‌ নেযেম্‌, সেক্কে মর্‌ শত্রুগুনোরে মুই সাজা দিম্‌, আর যিগুনে মরে ঘিনান্‌ তারার যিয়েনি পাওনা সিয়েনি তারারে দিম্‌।

বিচের গুরিয়্যেগুন 15:11

সেক্কে যিহূদার তিন আজার মানুচ্‌ ঐটম মুড়োবোর সে ফাদাগানর ইদু যেইনে শিম্‌শোনরে কলাক্‌, “তুই কি হবর্‌ ন-পাচ্‌, পলেষ্টীয়গুনে আমারে শাসন গত্তন্‌? তুই আমা উগুরে ইয়েন কি গুরিলে?” জোবত্‌ শিম্‌শোনে কলঅ, “তারা মঅ উগুরে যিয়েনি গোজ্যন্‌ মুই তারা উগুরে বানা সিয়েনিই গোজ্যং।”