লেবীয় 26:18 - Chakma Bible

¹⁸ এদক্কানির্‌ পরেদিয়ো যুনি তুমি মর্‌ কধানি ন-শুনো সালে মুই তমার্‌ পাপর্‌ সাতগুণ সাজা দিম।

লেবীয় 26:18 ပူးပေါင်းရင်းမြစ်များ

গীতসংহিতা 119:164

তর্ ধর্মীয় সুদোমানিত্তে দিনে সাতপল্লা মুই তরে নাঙ্ গিনোং।

যাত্রা 9:14

ইয়েন পরেদি তমা উগুরে আর তমা কামগুরিয়েগুন্‌ আর মানুচ্চুনো উগুরে মুই মর্‌ নানান বাবোত্যে আঘাত পাধেই দিম। সেক্কে তুই বুঝি পারিবেদে, গোদা পিত্‌থিমীয়ানত্‌ মঅ ধোক্ক্যেন কনঅ জন নেই।

গম্ উপদেজ্ 24:16

কিত্তে গোজেন ভক্ত মান্‌‍জ্যে সাত পল্লা পুড়িলেয়ো আরঅ উদে, মাত্তর্ পাজিগুনোর দজা এলে তারা এক্কুবারে ভাঙি পড়ন্।

যিশাইয় 5:25

সেনত্তে লগেপ্রভুর রাগ্‌‌কান তা মানুচ্চুনো বিরুদ্ধে জুলি উঠ্যে; তে আঢ্ তুলিনে তারারে আঘাত্ গোজ্যে। মুড়ো-মুড়ি গির্‌‌গিরাদন্ আর মরাকিয়্যেনি পধত্ পেজা কুড়ো ধোক্ক্যেন্ পোজ্যে আঘে। ইয়েনর্ পরেদিয়ো তা রাগ্‌‌কান্ ন-থামায়, তে আঢ্ তুলি রাগেয়্যে।

যিরমিয় 14:4

মাদি ফাদি যেইয়্যে, কিত্তে দেজত্ কনঅ ঝড় ন-অয়; চাষ গুরিয়্যেগুনে মন-ভাঙালা ওইনে মাঢাত্ আত্ দুয়োন।

দানিয়েল 3:19

সেক্কে শদ্রক, মৈশক আর অবেদ্-নগো উগুরে নবূখদ্‌‌‌‌‌‌‌‌‌‌নিৎসরে অমকদ রাগ অলঅ আর তার্ মুয়োদি রাগর্ ভাব ফুদি উদিলো। চুলোবো যেবাবোত্যে গরম্ থায় তে সিবে সিয়োত্তুন্‌অ সাতগুন বেশ্ গরম গুরিবাত্তে কলঅ।

লেবীয় 26:21

তমার মনত্‌ যুনি মঅ উগুরে শত্রুতাভাব থায়্‌ আর যুনি তুমি মর্‌ কধালোই কান দিবাত্তে ন-চঅ‌ সালে তমার্‌ পাপর্‌ সাজা মুই সাতগুন্‌ বাড়েই দিম।

লেবীয় 26:24

সালে মুই নিজে তমার্‌ শত্রু ওইনে তমার্‌ পাপর্‌ সাতগুন্‌ সাজা দিম।

লেবীয় 26:28

সালে মুইয়ো অমকদ বেজার্ ওইনে তমা বিপক্ষে চলিম আর তমার পাপর্‌ সাতগুন্‌ সাজা দিম।

১ শমূয়েল 2:5

যিগুনোর পেট্‌তুন ভরা এলাক্ তারা খানাত্যে ইক্কিনে অন্যগুনোর্ কাম্‌ গত্তন; মাত্তর্‌ যিগুনোর পেট্‌ পুরের্‌ তারার পেট্‌ পুরোনা কাদে যেয়েগোই। যে ভাজ্‌ এলঅ তে সাত্তো পূঅর মা ওইয়্যে, মাত্তর্‌ যিবের ভালোক্কুন পূঅ তে ইক্কিনে বল্‌পোজ্যে, ঝি-পূঅর জর্ম দি ন-পারে।