লেবীয় 25:9 - Chakma Bible

⁹ সে পরেদি বজরর্‌ সাত মাজর্‌ দশ দিনোত, অত্তাৎ পাপ ঢাগি দিবার্‌ দিন্নোত্‌ তমার দেজত্‌ বেক্‌ জাগানিত্‌ শিংগা বাজা পুরিবো।

লেবীয় 25:9 ပူးပေါင်းရင်းမြစ်များ

গীতসংহিতা 89:15

বর্‌পেইয়্যে সেই মানুচ্চুন, যিগুনে সেই হুজির রগুন চিনোন্; ও লগেপ্রভু, তারা তর্ দোয়্যের চোগেদি রিনি চানালোই পহরত্ আঢাউদো গরন্।

গীতসংহিতা 89:16

গোদা দিন্নো সং তরে নিইনে তারার হুজি; তর্ সততাগানে তারারে অজলত্ তুলে।

যিশাইয় 27:13

সেদিন্যে এক্কো দাঙর্ শিংগা বাঁজিবো। সেক্কে যিগুনে আসিরিয়া দেজত্ ভস্ত ওই যাদন্ আর যিগুনোরে মিসর দেজত্ ধাবেই দিয়্যে ওইয়্যে তারা এবাক্ আর যিরূশালেমর্ পবিত্র মুড়োবোত্ লগেপ্রভুর্ উবোসনা গুরিবাক্।

লেবীয় 16:20

দাঙর্‌ পবিত্র জাগা, মিলন-তাম্বু আর পূজোবোর্‌ ফি-বলাগানি ঢাগি দিবার্‌ অনুষ্ঠান থুম্ গুরিনে হারোণে সে জেদা ছাগল্লো আনিবো।

লেবীয় 16:29

ইয়েনর্ পরেদি যিয়েন্‌ কঙর্‌ সিয়েন্‌ তমাত্তে এক্কান্‌ থিদেবর ‍সুদোম ওই থেবঅ। বজরর্‌ সাত্‌ মাজর্‌ দশ দিনোত্‌ তুমি বেক্কুনে নিজোর্‌ মনানি ভাঙিচুরি দুঘ্ স্বীগের্‌ গুরিবা। সে দিনোত্‌ কনঅ কাম্‌ গরানা ন-চুলিবো। ইস্রায়েলীয় ওক্‌ কিম্বা ইস্রায়েলীয়গুনোর্‌ ভিদিরে বজত্তি গোজ্যে অন্য জাদর্‌ মানুচ্‌ ওক্‌, বেক্কুনোত্তুন্‌ সিয়েন্‌ মানা পুরিবো,

লেবীয় 16:30

কিত্তে এ দিন্নোত্‌ তমার্‌ পাপ্পানি ঢাগি দিবার্‌ অনুষ্ঠান গুরিনে তমারে সুদ্ধো-সাংগ গুরি নেযা পুরিবো, আর যেরেন্দি তুমি লগেপ্রভু ইদু তমার বেক্‌ পাবত্তুন্‌ সুদ্ধো-সাংগ অবা।

লেবীয় 23:27

“এ সাত মাজর্‌ দশ দিনোর্‌ দিন্নো অবঅ পাপ ঢাগি দিবার দিন। সেদিন্যে তমার্‌ এক্কো পবিত্র মিলন-সভা অবঅ আর নিজোর্‌ মনান্‌ ভাঙিচুরি দুখস্বীগের্‌ গরা পুরিবো। তমার্‌ সেদিন্যে লগেপ্রভুর্ নাঙে আগুন্দোই-গোজ্যে উৎসর্বর্‌ অনুষ্ঠান গরা পুরিবো।

লেবীয় 25:8

সাত্তো সাত বজর, অত্তাৎ সাত্তো জিরেবার-বজর পর পর তমাত্তুন্‌ গুণিনে যাহ্ পুরিবো। ইঙিরিনে সাত্তো জিরেবার বজর পার্ ওই গেলে উনোপঞ্চাশ বজর অবঅ।

লেবীয় 27:17

ফিরি পেবার্‌ বজর্‌বোত্‌ যুনি তে তার্‌ ভূইয়ান্‌ লগেপ্রভুর্ নাঙে যুদো গুরি রাগায়্‌ সালে ধর্মগুরুবো এ সুদোমে যে দামান্‌ ঠিগ্ গুরি দিবো ভূইয়ানর্‌ দামান্‌ সিয়েনোই থেবঅ।

লেবীয় 27:24

ভূইয়ান্‌ তে যাত্তুন্‌ কিনিবো ফিরি পাইদে বজরত্‌ সিয়েন্‌ আরঅ‌ তা সিদু, অত্তাৎ ভূইয়োর্‌ আগ গিরোজ ইদু যেবগোই।

গণাণা 10:10

তমার রঙ্গ-ফুত্তির্ সময়োত, তমাত্তে ঠিগ গোজ্যে নানান্‌ পরবর্‌ সময়োত্‌ আর মাসর্‌ পৌইল্যেন্দি যেক্কে তুমি পুজ্যে-উৎসর্বর আর উদোলোলি-উৎসর্বর অনুষ্ঠান গুরিবা সেক্কে তুমি বাঁশি বাজেবা। সিবেলোই তমার্‌ গোজেনর্‌ মুজুঙোত্‌ তমারে তুলি ধরা অবঅ। মুই লগেপ্রভু তমার গোজেন।”

গণাণা 36:4

ইস্রায়েলীয়গুনোর ফিরি পেইয়্যে বজরত্‌ তারার্‌ সোম্বোত্তিগানি শেজন্দি যেইনে মিজেব তারার্‌ নেক্কুনো গুট্টির সোম্বোত্তিত। ইঙিরিনে আমার্‌ পুরোণি মানুচ্চুুনোর গুট্টির সোম্বোত্তিতুন্‌ তারার্‌ সোম্বোত্তিগানি নিগিলেনে নেযা অবঅ।”

রোমীয় 10:18

মাত্তর্ মুই কং, ইস্রায়েলীয়গুনে কি সেই কধানি ন-শুনোন্? খামাক্কায় শুন্ন্যন্। পবিত্র বোইবো কয়, তারার্ ডাগানাগান্ গোদা দুনিয়েগানত্ ছিদি পোজ্জ্যে, ছিদি পোজ্জ্যে তারার্ কধানি জগদর্ থুমো দুজি সং

১ থিষলনীকীয় 1:8

বানা ম্যাসিডোনিয়া আর আখায়া রেজ্যত্ যে তমাত্তুন্ প্রভুর কধানি ছিদি পোজ্জ্যে এমন নয়, মাত্তর্ গোজেন উগুরে তমার বিশ্বেজর্ কধায়ো বেক্‌ জাগানিত্ যেইনে লুম্মেগোই। এ পৌইদ্যেনে আমার্ কিচ্চু কনা দরকার নেই,

যিহোশূয় 6:4

সাতজন ধর্মগুরু সাত্‌তো বাশি লোইনে সুদোম-সুন্দুগোর্‌ আগে আগে যেবাক্‌। সাত দিনোত্‌ তুমি শঅরর্‌ চেরোকিত্তে সাতবার ঘুরিবা আর তা লগে ধর্মগুরুগুনে বাশি বাজেবাক্‌।