লেবীয় 25:46 - Chakma Bible

⁴⁶ এ চাগর্‌-চাগরানিগুনোরে তুমি সোম্বোত্তির্‌ ভাগ্ ইজেবে ঝি-পূঅগুনোরে দিইনে যেই পারিবা। তুমি তারার্‌ পুরো জিংকানিবর্ চাগর্‌ ইজেবে রাগেই পারিবা, মাত্তর্‌ তমার্‌ নিজোর্‌ জাদ ইস্রায়েলীয়গুনো উগুরে তুমি চিৎনপুজ্যে বেবহার গুরি ন-পারিবা।

লেবীয় 25:46 ပူးပေါင်းရင်းမြစ်များ

যাত্রা 1:13

তারা তারারে আরঅ জদবদে কাম্‌ গুরিবাত্তে বাধ্য গুরিলাক্।

যিশাইয় 14:2

অন্য জাদ্‌তুনে তারারে নিইনে তারার্ নিজো দেজত্ লুমেই দিবাক্। লগেপ্রভুর দেজত্ অন্য জাদ্‌‌তুনে ইস্রায়েলীয়গুনোর চাগর্-চাগরানী অবাক্। যিগুনে তারারে বন্দী গোজ্যন্ ইক্কিনে সিগুনোরে তারা বন্দী গুরিবাক্ আর তারার অত্যেচার্ গুরিয়্যেগুনো উগুরে তারা নেতা অবাক্।

লেবীয় 25:43

তুমি কনজনে কারঅ‌ উগুরে চিৎনপুজ্যে বেবহার্‌ ন-গোজ্য; তুমি তমার গোজেনরে দোরেনেই চলিবা।

লেবীয় 25:45

তমা ভিদিরে বজত্তি গোজ্যে অন্য জাদর্‌ মানুচ্চুনো ভিদিরেত্তুন্‌ আর তারার্‌ বংশর্‌ যিগুনে তমার দেজত্‌ জোর্মেয়োন্‌ তারা ভিদিরেত্তুনো তুমি নিজোর্‌ সোম্বোত্তি ইজেবে চাগর্‌-চাগরানি নেযেই পারিবা।

লেবীয় 25:47

তমা ভিদিরে কনঅ পরবাস্যে যুনি মাজন্‌ ওই উদে আর তমাত্তুন্‌ কনজনে যুনি নাদা অবস্থায় পড়ন্‌ তা সিদু বা তার্‌ বংশর্‌ কার ইদু নিজোরে বিজি ফেলায়,