লেবীয় 25:43 - Chakma Bible

⁴³ তুমি কনজনে কারঅ‌ উগুরে চিৎনপুজ্যে বেবহার্‌ ন-গোজ্য; তুমি তমার গোজেনরে দোরেনেই চলিবা।

লেবীয় 25:43 ပူးပေါင်းရင်းမြစ်များ

পত্থম 42:18

তিন দিনোত্‌ যোষেফে তারারে কলঅ, “মুই যিয়েন কঙর্ সিয়েন্‌ গরঅ আর পরানান্‌ রোক্ষ্যে গরঅ, কিত্তে মুই গোজেনরে দরাং।

২ বংশধর 28:10

আর ইক্কিনে তুমি যিহূদা আর যিরূশালেম মানুচ্চুনোরে তমার্‌ চাগর্‌-চাগরানি বানেবাত্তে চর্‌। মাত্তর্‌ তমা গোজেন লগেপ্রভু ইদু কি তুমিয়ো দুষি নয়?

ইয়োব 31:13

মর্ চাগর-চাগরানীগুনে মঅ বিরুদ্ধে কনঅ আবিত্তি জানেলে যুনি মুই সিয়েনর বিচের্ গুরিবাত্তে রাজী ন-ওই থাং,

ইয়োব 31:14

মাত্তর্ গোজেনে যেক্কে মল্লোই মুয়োমি অবঅ সেক্কেনে মুই কি গুরিম্? মুই তারে কি জোব্ দিম্?

যাত্রা 1:17

মাত্তর্‌ সেই ওঝাগুনে গোজেনরে দোরেইনে চুলিদাক্। সেনত্যে মিসর রাজাবোর উগুম মজিম কাম্‌ ন-গুরিনে তারা মরদ পূয়োগুনোরেয়ো বাঁজেই রাগেলাক্।

যাত্রা 1:21

সেই ওঝাগুনে গোজেনরে ভক্তি গুরিদাক্‌ বিলিনে তে তারার্‌ পূয়োগুন্দোই বংশ বাড়েই দিলো।

যাত্রা 2:23

ইয়েনর্ বোউত্‌ দিন পরেদি মিসর রাজাবো মুরি গেলঅ। ইন্দি ইস্রায়েলীগুনে তারার্‌ গোলামী খাদদে খাদদে অরান্ ওইনে কানা দোজ্যন্‌। ইয়েনত্তুন্‌ উদ্ধোর্‌ পেবাত্তে তারার্‌ এই কানা-কুদিগানি গোজেন ইধু যেইনে লুমিলো।

যাত্রা 3:7

লগেপ্রভু কলঅ, “মিসর দেজত্‌ মঅ মানুচ্চুনো উগুরে যে অত্যেচার অর্‌ সিয়েন মর্‌ চোগোর বারেদি নয়। মিসরীয় সদ্দারুনোর্‌ অত্যেচারত্‌ ইস্রায়েলীয়গুনে যে কানা-কুদি গরদন্ সিয়েন মুই শুন্যং। তারা দুগোর্‌ কধানি মুই হবর্‌ পাং।

যাত্রা 3:9

ইস্রায়েলীয়গুনোর্‌ কানা-কুদিগানি ইক্কিনে মইধু এইনে লুম্মেগি। মিসরীয়গুনে কেধোক্ক্যেন গুরি তারা উগুরে অত্যেচার্‌ গরদন্‌ সিয়েনঅ মুই দেক্কোং।

যাত্রা 5:14

পরেদি একদিনোত্ ফরৌণর সেই সদ্দারুনে তারার্‌ কাম দিয়্যে ইস্রায়েলীয় পরিচালক্কুনোরে পিদিনে কলাক্, “যিদুক্কুন ইট দিনপত্তি তমার্‌ বানেবার্‌ কধা তুমি আগঅ ধোক্ক্যেন সিদুক্কুন্‌ ন-গরর্‌ কিত্তে? তুমি এচ্ছ্যেয়ো সিয়েন ন-গরঅ আর তা আগঅ দিন্নোত্‌‌অ ন-গরঅ।”

যিশাইয় 47:6

মঅ মানুচ্চুনো উগুরে মঅ রাগ্‌‌কান জুলি উঠ্যে আর মঅ সোম্বোত্তিগানরে মুই অসিজি অবাত্তে দুয়োং। তারারে মুই তঅ আঢত্ তুলি দুয়োং আর তুই তারা উগুরে কনঅ মেয়্যে ন-দেগাচ্। এমন্ কি, বুড়ো মানুচ্চুনো উগুরেয়ো তুই গুয়োর্ বুদি চাপি দুয়োচ্।

যিশাইয় 58:3

তারা কন্, আমি উবোস্ থেইয়্যেই আর তুই সিয়েন ন-চেলে কিত্তে? আমি দুঘ্ স্বিগের্ গোজ্যেই আর তুই সিয়েন খিয়েল্ ন-গুরিলে কিত্তে? মাত্তর্ চঅ, তমা উবোস্ থেবার দিন্নোত্ তুমি দঅ নিজোরে বুঝেই রাগঅ, আর তমার বেক্ কামগুরিয়্যেগুনো উগুরে অত্যেচার গুরি থাগঅ।

যিহিষ্কেল 34:4

তুমি বল্‌‌‌‌‌‌‌‌পোজ্যেগুনোরে সবল ন-গরঅ, অসুখ্যেগুনোরে গম্ ন-গরঅ, আহতগুনোরে ঘা-গানি বানি ন-দুয়ো। যিগুনে ভান্ন্যেই পধেদি যেইয়োন তারারে তুমি ফিরেই ন-আন বা আজি যেইয়্যে মানুচ্চুনোরে ন-তগঅ, বরং কড়া আর চিৎনপুজ্যেগুরি তারারে শাজন্ গোজ্য।

লেবীয় 25:17

তুমি কনজনে কারঅ‌ উগুরে অন্যেয় ন-গোজ্য। তুমি বেক্কুনে তমার গোজেনরে দোরেইনে চলিবা, কিত্যেই মুই লগেপ্রভু তমার গোজেন।

লেবীয় 25:42

ইস্রায়েলীয়গুনে মর্ চাগর; মুয়ই তারারে মিসর দেজত্তুন্‌ নিগিলেই আন্যং; সেনত্তেই আরঅ কারর চাগর্‌ ইজেবে তারারে বেজানা ন-চলিবো।

লেবীয় 25:44

তমা কায়কুরে যে জাদ্‌তুনে থেবাক্‌ তারা ভিদিরেত্তুন্‌ তুমি চাগর্‌-চাগরানি কিনি নেযেই পারিবা।

লেবীয় 25:46

এ চাগর্‌-চাগরানিগুনোরে তুমি সোম্বোত্তির্‌ ভাগ্ ইজেবে ঝি-পূঅগুনোরে দিইনে যেই পারিবা। তুমি তারার্‌ পুরো জিংকানিবর্ চাগর্‌ ইজেবে রাগেই পারিবা, মাত্তর্‌ তমার্‌ নিজোর্‌ জাদ ইস্রায়েলীয়গুনো উগুরে তুমি চিৎনপুজ্যে বেবহার গুরি ন-পারিবা।

লেবীয় 25:53

বজর্‌ ইজেবে রাগেয়ে চাগর ধোক্ক্যেন গুরি তারে চাহ্ পুরিবো আর তমাত্তুন্‌ চোগ্‌ দিয়্যে পুরিবো যেনে তা গিরোজ্‌সো তা উগুরে চিৎনপুজ্যে বেবহার্‌ ন-গরে।

মালাখি 3:5

বেগত্তুন্ খেমতাবলা লগেপ্রভু কত্তে, সেক্কে মুই বিচের্ গুরিবাত্তে তমা ইদু এইম্; সে অক্তত্ যাদুগুরিয়্যেগুন, বেশ্যেমিগুরিয়্যেগুন, মিজে সাক্ষীদিয়্যেগুন আর যিগুনে চাগরুনোরে ঠগান্, যিগুনে রানি মিলেগুনোরে আর মা-বাপ্ নেইয়্যেগুনোরে অত্যেচার গরন্ আর বিদেশীগুনোরে ন্যায়বিচের্ পেবাত্তে ন-দুয়োন, অত্তাৎ যিগুনে মরে ন-দরান্ তারা বেক্কুনো বিরুদ্ধে মুই সাক্ষী দিবাত্তে দেরি ন-গুরিম।

ইফিষীয় 6:9

তুমি যিগুনে গিরোজ্, তুমিয়ো তমার চাগরুনো উগুরে ঠিগ্ সেবাবোত্যে বেবহার গরঅ। তারারে দর্‌বুগ্ দেগানা বাদ্ দুয়ো, কিয়া তুমি দঅ কোই পারঅ যে, তারার্ আর তমার একই প্রভু আর তে স্বর্গত্ আঘে; তা চোগেদি বেক্কুনে সং সং।

দ্বি’লম্বর বিররণ 25:18

তমার বল্‌পোজ্যে অবস্থায় যিগুনে পিজেন্দি পোজ্যন্‌ তারা সিগুনো উগুরে আক্রমণ চালেয়োন। তারা গোজেনরে ন-দরান্‌।

কলসীয় 4:1

গিরোজ্‌চুন্, স্বর্গত্ তমার্‌অ এক্কো গিরোজ্ আঘে জানিনে তুমি তমার চাগরুনো লগে গম্ আর ন্যায় বেবহার গরঅ।