লেবীয় 25:35 - Chakma Bible

³⁵ তমার্‌ কনঅ ইস্রায়েলীয় ভেই যুনি নাদা অবস্থায় পড়িনে নিজোর্‌ হানা-উরোনার বেবস্থা গুরি ন-পারে, তো যেনে তে তমা ভিদিরে বজত্তি গুরি পারে সেনত্তেই পরবাস্যেগুনোরে যেধোক্ক্যেনগুরি সাহায্য গরা অয় তারেয়ো সেধোক্ক্যেন গুরিনে সাহায্য গরা পুরিবো।

লেবীয় 25:35 ပူးပေါင်းရင်းမြစ်များ

নহিমিয় 5:1

পরেন্দি মানুচ্চুনে আর তারার্‌ মোগ্‌কুনে তারার্‌ তাগোয়্যে যিহূদী ভেইয়ূনোর্‌ বিরুদ্ধে অমকদ রঅ ছারা ধুরিলাক্‌।

নহিমিয় 5:3

অন্যগুনে কদন্‌, “খানার্‌ অভাবে ধান্‌ পেবাত্তে আমা ভূইয়ানি, আংগুর ক্ষেত্‌তানি আর ঘরানি বন্ধক রাগা পরের্‌।”

ইয়োব 31:16

মুই যুনি নাঢা মানুচ্চুনোর অভাব্‌পানি মিটেই ন-দুয়োং, বা রাণিমিলেগুনোরে নিরাশ্ গুরি থাং,

গীতসংহিতা 112:5

যে দোয়্যে গরে আর উদোর্ দিইনে গমেডালে বেক কামানি গরে তার ভালেদি অয়।

গীতসংহিতা 112:9

তে গম মনে নাদা মানুচ্চুনোরে দান গোজ্যে; তার গম কামানি উমরত্যে থিদেবর্ গোজ্যে। তার খেমতা আর সর্মানান বাড়িবো।

গীতসংহিতা 37:26

গোজেন ভক্তগুনে আমিঝে দোয়্যেলু অন্ আর উদোর্ দুয়োন্; তারার্ বংশধরুনে আশিদবাদ্ পেবাক্।

গীতসংহিতা 41:1

বর্‌পেইয়্যে সেই মানুচ্চো, যিবের মনানে নাঢা মানুচ্চুনোত্তে চিদে গরে; দুঘোর্ দিনোত্ লগেপ্রভু তারে উদ্ধোর্ গরে।

যাত্রা 22:21

কনঅ‌ পর্‌ভাস্যে সমারে ভান্ন্যেই বেবহার্‌ ন-গোজ্য বা তা উগুরে অত্যেচার্‌ ন-গোজ্য, কিত্তেই মিসর দেজত্‌ তুমিয়ো একদিন্‌ পর্‌ভাস্যে এলা।

যাত্রা 22:24

সেক্কে মর্ রাক্কান্‌ জুলি উদিবো আর তুমি যুদ্ধোত্‌ মারা পুড়িবা। সেনে তমা মোক্কুনে রানিমিলে অবাক্‌ আর পূঅ-ঝিগুনে তারার্‌ বাপ্পোরে আরেবাক্‌।

যাত্রা 22:25

মর্‌ কনঅ‌ নাদা মান্‌জ্যরে যুনি তুই‌ টেঙা উদোর্‌ দুয়োচ্‌ সালে তাগোয়্যে মান্‌জ্য ধোক্ক্যেন গুরি তাত্তুন্‌ কনঅ‌ সুদ ন-নেযেচ্।

যাত্রা 23:9

পর্‌ভাস্যেগুনো উগুরে অত্যেচার্‌ ন-গোজ্য। পর্‌ভাস্যে অনা যে কেধোক্ক্যেন সিয়েন্‌ তুমি নিজেই হবর্‌ পঅ‌, কিত্তে মিশর্‌ দেজত্‌ তুমিয়ো একদিন পর্‌ভাস্যে এলা।

গম্ উপদেজ্ 14:31

যিবে নাঢা মান্‌‌‌জ্য উগুরে অত্যেচার গরে তে তার সিরিষ্টি গুরিয়্যেবোরে অগমান গরে, মাত্তর্ যে মানুচ্চো অভাবীগুনোরে দোয়্যে গরে তে তার সিরিষ্টি গুরিয়্যেবোরে সর্মান গরে।

গম্ উপদেজ্ 17:5

যে মানুচ্চো নাঢা মান্‌জ্যরে ঠাট্টা গরে তে তারার গোজেনরে অগমান গরে; যে অন্যগুনোর দযাত্ হুজি অয় তে সাজা পেবদে পেবঅ।

গম্ উপদেজ্ 19:17

যে মান্‌জ্যে নাঢা মান্‌জ্যরে দোয়্যে গরে তে লগেপ্রভুরে উদোর্ দে; লগেপ্রভু তার সে উপকারর ফল্ দিবো।

লেবীয় 19:34

নিজো জাদর্‌ মানুচ্চুনো সমারে যেধোক্ক্যেন বেবহার্‌ গরা অয় তা সমারে সেধোক্ক্যেন বেবহার্‌ গরা পুরিবো। তারে নিজো ধোক্ক্যেন গুরি কোচ্‌পা পুরিবো, কিত্যে তুমিয়ো মিসরীয়গুনো ভিদিরে অন্য জাদর্‌ মানুচ্‌ এলা। মুই লগেপ্রভু তমার গোজেন।

লেবীয় 25:25

তমার কনঅ ইস্রায়েলীয় ভেই যুনি নাদা ওই যেইনে তার্‌ পরিবারত্তুন ভূইয়োর্‌ কিজু ভাগ বিজি দে সালে তার্‌ বেগত্তুন্‌ সঢর্ কুদুম্মোবো এইনে সেই বিজি দিয়্যে সোম্বোত্তিগান ছাড়েই নেযা পুরিবো।

মথি লেখ্যে গম্ হবর্ 25:35

যেক্কে মর্ পেট্ পুজ্যে সেক্কে তুমি মরে হেবাত্তে দুয়ো; যেক্কে পানি তিরেস্ পেইয়্যে সেক্কে পানি দুয়ো; যেক্কে গর্বা ওইয়োং সেক্কে আশ্রয় দুয়ো;

মার্ক 14:7

নাঢা মানুচ্চুনে নিত্য তমা সমারে আগন্, আর যেক্কে আওজ্ গরন্ সেক্কে তুমি তারারে সাহায্য গুরি পারঅ, মাত্তর্ মরে তুমি নিত্য ন-পেবা।

লূকে লেখ্যে গম্ হবর্ 6:35

মাত্তর্ তুমি তমা শত্রুগুনোরে কোচ্‌পেয়ো আর তারারে মংগল্ গরঅ। কিজু ফেরৎ পেবার্ আজা ন-রাগেনে উদোর্ দুয়ো। সালে তমাত্তে দাঙর্ বক্‌শিজ্ আঘে, আর তুমি দাঙর্ গোজেনর্ পুয়ো অবা, কারন তে অকৃতজ্ঞ আর পাজিগুনোরেয়ো দোয়্যে গরে।

যোহন 12:8

নাঢা মানুচ্চুনে দঅ নিত্য তমা ইধু আগন্, মাত্তর্ মরে তুমি নিত্য ন-পেবা।”

প্রেরিত্‌ 11:29

সেক্কে শিচ্চ্যগুনে ঠিগ্ গুরিলাক্, যিহূদিয়া রেজ্যর্ বিশ্বেজি ভেইয়ুনোরে সাহায্য দিবাত্যে তারা পত্তিজনে নিজোর্ নিজোর্ সাধ্য মজিম্ টেঙা পাধেবাক্। তারা সিয়েন গোজ্জ্যন্।

রোমীয় 12:13

গোজেন মানুচ্চুনোর্ অভাব সময় সাহায্য গরঅ। গর্বাগুনোরে সেবা গুরিবাত্যে আয়োজি অ।

রোমীয় 12:18

তমা ইন্দিত্তুন্ যিদ্দুর্ পারঅ বেক্‌ মানুচ্চুনো সমারে সুগে-শান্দিয়্যে বজত্তি গরঅ।

রোমীয় 12:20

পবিত্র বোইবোর্ কধা মজিম বরং “তঅ শত্রুবোর্ যুনি পেট্ পুরে তারে হেবাত্তে দে; যুনি তার্ পানি তিরেচ্‌ পায় তারে পানি দে। এবাবোত্যে গুরিলে তুই তা মাধাত্ জ্বোল্‌‌জোল্যা আঙারা থুবেই থবে।”

২ করিন্হীয় 8:9

তুমি দঅ আমার্ প্রভু যীশু খ্রীষ্টর্ দোয়্যের্ কধানি কোই পারঅ, তে নিজে থাগোইয়্যে ওইনেয়ো তমাত্যে নাঢা অলঅ, যেন তার্ নাঢা অনার্ মাধ্যমে তুমি থাগোইয়্যে ওই পারঅ।

২ করিন্হীয় 9:1

গোজেন মানুচ্চুনোত্যে দান দিবার্ যে কাম্ চলের্ সে পৌইদ্যেনে তমা ইধু লিগিবার অবুচ্চ্যই কনঅ দরকার নেই,

গালাতীয় 2:10

তারার্ বানা এক্কান কোজোলি এলঅ, আমি যেন নাঢা মানুচ্চুনোর্ কধা মনত্ রাগেই; খালিক্ মর্-অ সেই আওজ্‌চান এলঅ।

দ্বি’লম্বর বিররণ 23:19

তুমি কনঅ ইস্রায়েলীয় ভেইয়োত্তুন্‌ সুদ ন-নেযেবা-সেই সুদ্‌তুন্‌ টেঙা-পোইজে উগুরে ওক্‌ বা খাইদে জিনিজো উগুরে ওক্‌ বা অন্য যে কনঅ জিনিজো উগুরে ওক্‌।

ইব্রীয় 13:2

গর্বাগুনোরে আদর-যত্তন্ গত্তে পুরি ন-ফেলেয়ো; কেঅ কেঅ কোই ন-পারিনে এবাবোত্যেগুরি স্বর্গদূত্‌তুনোরে আদর-যত্তন্ গোজ্জ্যন্।

১ যোহন 3:17

এই জগদত্ হেইনে-উরিনে পিনিনে বাঁজি থাইদ্যে ধোক্ক্যেন অবস্থা যিবের্ আঘে, তে তার্ ভেইয়ুনোর অভাব দেগিনেয়ো যুনি চোগ্‌কুন নাঢি থায় সালে কেধোক্ক্যেন গুরি তা মনভিদিরে গোজেন উগুরে কোচ্‌পানা থেই পারে?