লেবীয় 25:23 - Chakma Bible

²³ উমরত্তে কারঅ‌ ভূই বেজানা ন-চলিবো, কিত্যে বেক্‌ ভূইয়ানি মর্‌ আরঅ মঅ মুজুঙোত্ তুমি সিয়েনত্‌ পরবাস্যে ওইনে বজত্তি গুরিবা।

লেবীয় 25:23 ပူးပေါင်းရင်းမြစ်များ

পত্থম 23:4

“মুই অন্য দেজত্তুন্‌ এইনে বিদেশী ইজেবে তমা সমারে বজত্তি গরঙর্‌। সেনত্তে দোয়্যে গুরি গোর জাগা গুরিবাত্তে মরে তমা ভিদিরেত্তুন্‌ এক্কেনা জাগা ছাড়ি দুয়ো যেনে সিয়েনত্‌ মুই মর্‌ মোজ্যেদে মোক্কোরে গোর্ দি পারং।”

পত্থম 47:9

যাকোবে কলঅ, “এ পিত্‌তিমীত্‌ কয়েক্‌দিনোর্‌ মানুচ্‌ ইজেবে মর্‌ একশঅ ত্রিশ বজর্‌ গেলঅ। এ দিনুন্ খুব বেশ্‌ নয়, আর সেদিনুন্ দুঘে দুঘে কাদি যেইয়্যেগোই। মাত্তর্‌ কয়েক্‌দিনোর্‌ মানুচ্ ইজেবে মর্‌ চোদ্দো গুট্টিগুনে যেদকদিন্‌ কাদেই যেইয়োন্‌ মুই সেদকদিন্‌ কাদেই ন-পারিম।”

১ রাজাবলী 21:3

জোবত্‌ নাবোতে কলঅ, “মঅ বাপ-দাদাত্তুন্‌ পেইয়্যে সোম্বোত্তিগানি যে মুই তরে দি দিম্‌ লগেপ্রভু যেনে সিয়েন্‌ অবাত্তে ন-দে।”

১ বংশধর 29:15

আমি তঅ চোগেন্দি আমা বেক্‌ পূরোণি মানুচ্চুনো ধোক্ক্যেন পরদেজর্‌ আদাম্মে। পিত্‌থিমীত আমা দিনুন্‌ ছাবা ধোক্ক্যেন, আমার্‌ কনঅ আজা নেই।

২ বংশধর 7:20

সালে মুই মর্‌ যে দেজ্‌চান তমারে দুয়োং সিয়েনত্তুন্‌ শিঙোর্‌ সুদ্ধো উগুরে ফেলেম্‌ আর মঅ নাঙে যে উবোসনা-ঘরান্‌ যুদো গোজ্যং সিয়েন্‌ মঅ চোগো মুজুঙোত্তুন্‌ দূর্‌ গুরি দিম্‌। সেক্কে বেক্‌ জাদ্‌তুনো ইদু মুই সে ঘরানরে ঈচ্ গরানা আর তামাজার্‌ কান্ড গুরি তুলিম্‌।

গীতসংহিতা 119:19

মুই দঅ পিত্‌থিমীত বজত্তি গুরিয়্যে এক্কো বিদেশি; তঅ উগুমান মত্তুন্ লুগেই ন-রাগেচ্।

গীতসংহিতা 24:1

পিত্‌‌থিমী আর তা ভিদিরে বেক্কানি লগেপ্রভুর; জগদৎ আর তা ভিদিরে যিগুনে বজত্তি গরন্ তারায়ো তার্;

গীতসংহিতা 39:12

“ও লগেপ্রভু, তুই মর্ তবনাগান শুন; এজাল্ পেবাত্তে মর্ এ কানানিগান তুই শুন্; মর্ চোগো পানিগান দেগিনে তুই অলর্ গুরি ন-থেচ্; কিত্যে মর্ পূরোণি বুড়োবুড়িগুনে যেধোক্ক্যেন্ এলাক্ সেধোক্ক্যেন মুইয়ো পিত্‌থিমীত্ তর্ মুজুঙোত্ পরবাস্যে ধোক্ক্যেন্ আগং।

গীতসংহিতা 39:13

মঅ উগুরেত্তুন তর্ চানাগান সোরেই নেযা, যেনে যেবার্ আগেন্দি, শেজ্ ওই যেবার আগেন্দি, আরঅ মুই হুজি ওই পারং।”

গীতসংহিতা 85:1

ও লগেপ্রভু, তঅ দেজ্‌ছান উগুরে তুই দোয়্যে দেগেয়োচ্; তুই যাকোবরে তা বন্দি দজাত্তুন্ ফিরেই আন্যচ্।

যাত্রা 19:5

সেনত্তে যুনি তারা মর্‌ বেক্‌ কধানি মানি চলন্‌ আর মর্‌ সুদোমানি পালান্‌ সালে পিত্‌থিমীর্‌ বেক্‌ জাত্তুনো ভিদিরেত্তুন্‌ তারাই‌ মর্‌ নিজোর্‌ সোম্বোত্তি অবাক্, কিত্তে পিত্‌থিমীর্‌ বেক্‌ মানুচ্চুনোই‌ মর্‌ অধীনোত্‌।

যাত্রা 2:22

সিপ্পোরার এক্কো পুয়ো অনার্‌ পরেদি মোশি তা নাঙান্‌ রাগেল গের্শোম, কিত্তে তে কোইয়্যেদে, “মুই পরদেজর্‌ পর্‌ভাস্যে ওই আগং।”

যিশাইয় 8:8

আর সিয়েন যিহূদা দেজ ভিদিরে জোড়ে এইনে পুরিবো আর উদুরে উদিনে গত্তনা সং বাড়িবো। ও ইম্মানূয়েল, আসিরিয়ার রাজা তা মেল্যে ডুয়োগানিলোই তঅ পুরো দেজ্‌ছান নাঢি ফেলেব।

যিহিষ্কেল 48:14

লেবীয়গুনে সেই ভূইয়ান বেজানা বা সিয়েনর্ ভাগ্‌‌কান বদলাবুদুলি গুরি ন-পারিবাক্। সিয়েন বেগত্তুন্ গম্ ভূই আর সিয়েন অন্যগুন আঢত্ দেনা ন-চুলিবো, কিত্যে সিয়েন লগেপ্রভুর নাঙে পবিত্র।

হোশেয় 9:3

তারা লগেপ্রভুর দেজত্ ন-থেবাক্; ইফ্রয়িমে মিসরত্ ফিরি যেবঅ আর আসিরিয়ার অসিজি হানা হেবঅ।

যোয়েল 2:18

সেক্কে লগেপ্রভু তা দেজ্‌‌‌চানত্তে আওজি অবঅ আর তা মানুচ্চুনো উগুরে মেয়্যে গুরিবো।

যোয়েল 3:2

সেক্কে মুই বেক্ জাদ্‌তুনোরে এগত্তর্ গুরিম আর যিহোশাফটর কলগত্ তারারে লামেই আনিম। সিয়েনত্ মর্ সোম্বোত্তি, অত্তাৎ মঅ মানুচ্ ইস্রায়েলীয়গুনো বেপার নিইনে মুই তারা বিরুদ্ধে বিচের্ গুরিম, কিত্যে তারা জাদ ভিদিরে মঅ মানুচ্চুনোরে ছিদি দিয়্যে আর মঅ দেজ্‌চান ভাগ গোজ্যে।

লেবীয় 25:10

এ পঞ্চাশ বজরর্‌ বজর্‌বোত্‌ লগেপ্রভুর নাঙে যুদো গুরি নেযেয়ে দেজর্‌ বেক্‌ মানুচ্চুনো ইদু উদ্ধোর্ ফগদাঙ্‌ গরা পুরিবো। তমাত্তেই এই বজরবো অবঅ ফিরি পেইয়ে বজর। এ বজরত্‌ তুমি বেক্কুনে যে যার্‌ বংশত্‌ আর পরিবারর্‌ সোম্বোত্তিত্‌ ফিরি যেবা।

লেবীয় 25:24

তমার্‌ বেক্কুনোর্‌ কিনি নেযেয়ে ভূইয়ানি যেনে আরঅ ছাড়েই নেযা যায় সেই সুদোমান রাগা পুরিবো।

দ্বি’লম্বর বিররণ 32:43

ও বেক জাদর্‌ মানুচ্চুন, তুমি লগেপ্রভুর মানুচ্চুনো সমারে তার বাঈনী গরঅ, কিত্যে তে তার চাগরুনোর লো-গানর্ হেনা শুজিবো, তার শত্রুগুনোরে সাজা দিবো আর তার দেজ্‌চান আহ তা মানুচ্চুনোর পাপ ঢাগিবার বেবস্থা গুরিবো।

১ পিতর 2:11

কোচ্‌‌পেইয়্যে সমাজ্জ্যেগুন, এ পিত্‌থিমীত তুমি বিদেশী আর পরদেজত্ কয়েকদিন বজত্তি গুরিয়্যে বিলিনে মুই তমারে বিশেষ গুরিনে কোজোলী গরঙত্তে, তুমি পাপ-খাচ্চ্যদর্ কামনা-বাসনাত্তুন্ দূরোত্ থাগঅ,