লেবীয় 25:19 - Chakma Bible

¹⁹ সেক্কে তুমি ভূইয়োত্তুন্‌ পুরো ফসলানি পেবা আর পেট ভুরি হেইনে নিচিদেগুরি সিয়েনত্‌ বজত্তি গুরি পারিবা।

লেবীয় 25:19 ပူးပေါင်းရင်းမြစ်များ

১ রাজাবলী 5:5

সেনত্তে মুই মঅ গোজেন লগেপ্রভুর নাঙে এক্কান তবনা-ঘর বানেবাত্তে চাং। লগেপ্রভু মঅ বাপ্পো দায়ূদোরে কোইয়্যেদে, তর্‌ যে পূঅবো মুই সিংহাসনত্‌ তঅ জাগানত্‌ বোজেম্‌ তেয়ই মর্‌ নাঙে তবনা-ঘর বানেব।

গীতসংহিতা 67:6

ভূইয়ানে তার খেত-খেত্তি দিয়্যে; গোজেন, আমা গোজেন, আমারে আশিদ্‌বাদ গোজ্যে।

গীতসংহিতা 85:12

যিয়েন গম লগেপ্রভু ঘেচ্চেক্‌গুরি সিয়েন দিবো, আর আমা দেজ্‌ছানে খেত-খেত্তি দিবো।

গম্ উপদেজ্ 1:33

মাত্তর্ যিগুনে মঅ কধাগান শুনোন্ তারা গমেডালে বজত্তি গুরিবাক্; তারা সুগে-শান্দিয়্যে থেবাক্, অমংগলরে ন-দোরেবাক্।”

যিশাইয় 1:19

যুনি তুমি বাধ্য অবাত্তে রাজি অ সালে দেজর্ বেগত্তুন্ গম্ খেত্-খেত্তি তুমি হেই পেবা,

যিশাইয় 30:23

তে তমারে ঝড়্ দিবো যেনে তুমি মাদিত্ বীজ্ ফেলেই পার আর ভূইয়োত্তুন্ যে খেত্-খেত্তিগানি এবঅ সিয়েনি গম্ আর তেল্‌তেল্যে অয়। সেদিন্যে তমার্ য়েমান পালুনো বোউত্ দাঙর্ দাঙর্ মাদত্ চড়িবাক্। ‍‌

যিহিষ্কেল 36:30

মুই গাজ গুলোগুলিগুন আর খেদর্ ফসলানি বাড়েই দিম যেনে ভাদরাদর্ কারনে তুমি জাদ ভিদিরে আর অসর্মান ন-অ।

যোয়েল 2:24

খলাবো শোজ্যলোই ভুরি যেবঅ; পিলেত্তুন্ আংগুর-রস আর তেল উগুরি পড়িবো।

যোয়েল 2:26

তুমি পেট্ ভুরি হেইনে ঈল্ অবঅ আর তুমি তমার্ গোজেন লগেপ্রভুর বাঈনী গুরিবা যিবে তমাত্তে আমক্ আমক্ অইদ্যে কাম গোজ্যে; মঅ মানুচ্চুনে আর কনদিন্‌অ ন-লাজেবাক্।

লেবীয় 25:18

তুমি মর্‌ সুদোমানি পালেবা আর মর্‌ রীদি-সুদোমানি মানি চলিবা; সেক্কে তুমি দেজত্‌ নিচিদেগুরি বজত্তি গুরি পারিবা।

লেবীয় 25:20

তুমি অয়দ পুযোর্‌ গুরিবা, সাত বজরত্‌ আমি যুনি বীজ ন-লাগেই আর ফসল ন-কাবিই সালে কি হেবং?

লেবীয় 26:5

সেক্কে তমার্‌ গম্‌ মাড়ানা কাম্‌ চুলিবো আংগুর তুলোনা অক্ত সং আর আংগুর তুলোনা চুলিবো বীজ লাগানার্‌ অক্ত সং। তুমি সেক্কে পেট ভুরিনে হেই পেবা আরঅ দেজ ভিদিরে চিদেসজ্জা নেইয়্যে গুরি বজত্তি গুরি পারিবা।

লেবীয় 26:6

দেজত্‌ সেক্কে মুই সুখ্‌ দিম। তুমিয়ো সুগে-শান্দিয়্যে ঘুমেবা; কারত্তুন্‌ কনঅ দোরেবার্‌ কারন তমার্‌ ন-থেবঅ। মুই দেজত্তুন্‌ চিৎ নপুজ্যে য়েমানুন্ ধাবেই দিম্‌। কনঅ সৈন্য-সামন্ত তমার দেজ্‌চানরে আক্রমণ গুরিবাত্তে ন-এবাক্।

দ্বি’লম্বর বিররণ 12:10

তমার গোজেন লগেপ্রভু সোম্বোত্তি ইজেবে যে দেজ্‌ছান তমারে দের্‌ তুমি যর্দন গাঙান্‌ পার্‌ ওই যেইনে যেক্কে সে দেজত্‌ বজত্তি গরা ধুরিবা সেক্কে তে তমার চেরোকিত্তে শত্রুগুনো সমারে যুদ্ধোত্তুন্‌ তমারে জিরেবাত্তে দিবো, আর তুমি দোলেডালে সিদু বজত্তি গুরি পারিবা।